Yohana 14:20 - Dadiya NT

²⁰ Nǝn kɔkɔ gɔ, jǝ́ nyǝm nyǝm mǝ na a mʊgɔ Tɛtɛ mɨɨ, jen tʌjen a mʊgɔ mɨ, mǝ tǝmɨ a mʊgɔ jen.

Yohana 14:20 ပူးပေါင်းရင်းမြစ်များ

Yohana 10:38

Na maajɨgɔ mǝ maa lɛɨ, na jǝ́ nǝ bɔ bɨlǝngkɛl nǝn mǝɨ, jǝ́ nǝ bɨlǝngkɛl nǝn maajɨgɔ, sǝ jǝ́ nyǝm tag jengɔ, Tɛtɛ gǝ na a mʊgɔ mɨ, mǝ tǝmɨ mǝ na a mʊgɔ Tɛtɛɨ.”

Yohana 14:10

Mʊ nǝ bɔ bɨlǝngkɛl mɔʊ mǝ na a mʊgɔ Tɛ bwɛɨ, Tɛ bwɛ gǝn na a mʊgɔ mɨɨ ka? Kɛl nɨ mǝ sʊwa jen nɛɨ, ke bɔ fɔlɔn dul mɨ. Tɛ bwɛ nɨ a mʊgɔ mɨɨ, nǝn gɔ maa maajɨ gǝnɔ lɛɨ.

Yohana 14:11

Nǝn kwama mǝ sʊwa mǝʊ mǝ na a mʊgɔ Tɛtɛɨ, Tɛtɛ gǝ na a mʊgɔ mɨɨ, jǝ́ nǝ bɨlǝngkɛl a mǝ gǝm. Na mɨ nyɨɨ, jǝ́ nǝ bɨlǝngkɛl a daa mɨ woi a dul kanjǝl laatǝm kang nɨ mǝ maaɨ.

Yohana 16:23

Nǝn kwama gɔ mɨsɔ jǝ́ bʌ i kaa kɛl lɛ. N bɨlǝngkɛl mǝ sʊwa jen nɛɨ, Tɛtɛ nǝ jen nǝ jʊ nɨ gwam jǝ́ kela a mʊgɔ dun mɨɨ.

Yohana 16:26

Nǝn kum gɔ jǝ́ maa maa keligɔ a mʊgɔ dun mɨ. Jǝ́ kel kel Tɛtɛ nǝn kang jen, ke bɔ mǝ mǝ kela gǝn nɛ a kɛl dul jeni.

Yohana 17:11

Kǝngkǝnɨ mɨsɔ mǝ yɨ lɛ a yooli, nǝb nɨ gǝ na a yooli nɨ, mǝ yilo a daa mɔ woi. Tɛtɛ Nǝ Sagsag, bɛ ń kɨla ji nǝn kwaan dun mʊnɔ, dun nɨ mʊ nɨ ɨɨ, sǝ ja yǝlam win kanga bǝ wini.

Yohana 17:26

N nʊng ji nʊngɨ mɔ, mǝ ja ja kǝga nǝn nʊngtǝm jinɔ tag, sǝ swɨtǝmɔ mʊ maa mɨ lɛɨ, a yɨ jǝbɔ ji, sǝ mǝ tǝmɨ n yɨ a kʊm jin.”

Yohana 17:7

Kǝngkɔ ja nyǝm kanjǝl nɨ gwam mʊ nɨ ɨɨ, a bɛ a daa mʊ woi.

Yohana 6:56

Nʊ nɨ wo nam bʊtɔ mǝndɨ lɛ, nɔɔ tʊʊm mǝndɨ lɛɨ, gǝ na jǝbɔ mǝ, mǝ tǝmɨ mǝ na jǝbɔ gɔ.

Roma 16:7

Jǝ́ yal Andaranikas jǝbɔ Yuniyas nǝb nɨ n kɛtǝlam mɨɨ. N nǝbɔ a lɔsomi jǝbɔ mɨɨ, nǝb nɨ ja kwɛl ja nyǝm ji nyǝmɨ nyangǝn a mʊgɔ bɛtɔ twamagɨɨ. Ja kwɛl ja laa ɨ laa ɨ nǝtǝm bɨlǝngkɛl a mʊgɔ Kiristii.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

2 Korinti 12:2

N nyǝm kaa nǝl wo n nǝ bwangtǝm Kiristii. Jolɔ kʊb jeli naal a shui, ja do gǝn ja shu nǝn a dʌbʌl kwama na taal, n daagɔ Kwaama woi. Na gǝ na a mʊgɔ bʊtɔɨ, na mɨ a mʊgɔ bʊtɔɨ, mǝ nyǝm bɔ. Nǝn Kwaama n nǝ nyǝmtǝmɨ.

2 Korinti 13:5

Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

2 Korinti 5:19

Jʊ nɨ gǝ nʊng gɔ nǝn Kwaama nǝn kang gǝn gǝ dɔ kʊm yooligɔ lɛ jǝbɔ gɨɨ, a gola Kiristii. Mɨ gǝ kiyo bwɨlangkɛl jinɔ lɛ a dul jin. Nǝn gɔ a nǝ nǝn kɛl dɔtǝm kʊm nǝbɨɨ.

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Kolosii 1:19

Kwaama a maa fulotǝm nǝl, a yii gǝn nǝn dʊʊlǝn gǝnɔ gwam.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

Kolosii 2:9

A yɨm Kiristii na nǝfilii, dʊʊlǝn Kwaamaɨ gwam gǝ na a daa gǝ woi.

1 Yohana 4:12

Mɨ nʊ nɨ a kuwo Kwaama woi. Na bǝ swɨka lɛɨ, na Kwaama wo a kʊm bǝnɨ, swɨtǝm gǝnɔ a yii dǝngdǝng a mʊgɔ bǝn.