Yohana 14:12 - Dadiya NT

¹² N bɨlǝngkɛl mǝ sʊwa jen nɛɨ, gwam nʊ nɨ a nǝ bɨlǝngkɛl nǝn mǝɨ, maa maa maajɨtɨn nɨ mǝ maa lɛɨ. Gǝ maa maa maajɨtɨn nɨ a laa a nɨɨ, jʊ a bwɨɨ mǝ yi a daagɔ Tɛtɛ woi.

Yohana 14:12 ပူးပေါင်းရင်းမြစ်များ

Matta 21:21

Yesu a jǝla ji gɔ, “N bɨlǝngǝn mǝ sʊwa jen nɛɨ, na jen nǝn nǝtǝm bɨlǝngkɛl jǝ́ kǝma bɨɨ, ke bɔ jʊ mǝ maa tɨya dʌfengɔ gǝm kwaagɔ jǝ́ maa lɛɨ, jǝ́ maa maa a laa nyɔ. Jǝ́ sʊwa sʊwa yem nɨ jengɔ, ‘Gun ya ń tɨ a mʊgɔ wɨma,’ maa maa nyɔ.

Markus 11:13

A kuwo kaa tɨya dʌfeng a kǝgaɨ, nǝngɔ a yɔ gɔ kɛna gǝ nya lɛ nǝn tʊʊlɨ. Ya laɨ, a nya bɔ tʊʊl wo, n ka langǝn. N ke bɔ kwama tʊʊl dʌfeng.

Markus 16:17

Nǝb bwangtǝm mǝndɨ maa maa kanjǝl nɨ sǝ a nʊng bɨlǝngkɛl jinɔ. Kanjǝl nɨ nǝn gɔ: A mʊgɔ dun mɨ, jǝ jǝg jǝg nǝblaamɔ. Jǝ sʊwa sʊwa kɛl nǝn ben fɨntɨn.

Yohana 14:28

“Jǝ́ kwɛl jǝ́ nyʊwa n sʊwa jen mǝʊ, ‘Mǝ shu shu, sǝ n yǝla n bɛ a daa jen woi.’ Na na jǝ́ swɨ ɨ lɛɨ, na jǝ́ maa fulotǝm nǝl a shutǝm mǝndɨ gǝm a daa Tɛtɛ woi, jʊ a bwɨɨ, Tɛtɛ a laa ɨ.

Yohana 16:7

Mǝ sʊwa jen bɨlǝngkɛlɔ lɛ, mǝ shu sǝ ya n maa jʊ nɨ a bʊm jemi, jʊ a bwɨɨ na mǝ shu bɨɨ, Nǝ tɨkalɨgɔ mɨsɔ bɛ lɛ. Na n yǝla shui, dɨsɔ la n twam jem gɔ.

Yohana 4:37

A daa nɨ mʊsǝn kɛl nɨ n bɨlǝngǝn wʊnɨ ja sʊwa gɔ, ‘Kaa kwal kwalagɔ lɛ, kaa ka lɛ.’

Yohana 5:20

Tɛ bwɛ swɨ Bwɛ lɛ, gǝ nʊng gǝn nʊng kanjǝl nɨ gwam gǝ maa lɛɨ. Bɨlǝngǝn tag nʊng gǝn nʊng maajɨtɨn nɨ a laa jʊtǝb nɨ, sǝ jǝ́ ta kang a nyiyo.

Yohana 7:33

Nǝngɔ Yesu a jǝla gɔ, “Kwama mǝ yɨ lɛ nǝbɔ jeni a taam nǝn dǝm nyɔ, sǝ n yǝla n shu a daagɔ nʊ nɨ a twam ɨɨ.

Yohana 7:39

Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

Maajɨ Bɛtɔ Twamagɨɨ 10:46

Jʊ a bwɨɨ, ja nyʊwa jǝ kiyo kɛlɔ lɛ nǝn kaam nyiyotɨn, jǝ nǝ Kwaama dʊʊn nɛ. Nǝngɔ Bitrus a sʊwa gɔ,

Maajɨ Bɛtɔ Twamagɨɨ 16:18

A tɨtǝn maatǝmɔ nyɔ kumtɨnɔ a gǝlala. Nǝngɔ Bulus a nyʊwa nabwɨlɨ, a yǝla a sʊwa bwɛlaa nɨ gɔ, “N sʊwa ń a mʊgɔ dun Yesu Kiristii, bǝla gǝn.” A tʌgo a kang nǝngɔ a bǝla gǝnɨ.

Maajɨ Bɛtɔ Twamagɨɨ 19:12

a wʊnɨ na ja do bɛ dwang waatǝm mɨbam gǝnɔ jǝbɔ bɛllɛ nɨ ga mal woi, ja yɔ nǝb twɨlamɔ gǝm nǝnɨ, jǝ gun gun, nǝblaamɔ a dem kang a ji gǝm.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Maajɨ Bɛtɔ Twamagɨɨ 4:16

“N wɛ bǝ maa lɛ nǝn nǝb nɨɨ? Jʊ a bwɨɨ nǝb nɨ gwam yǝm a Urushalimaɨ ja nyǝm gɔ nǝb nɨ a maa gʌleng jǝ laatǝm kang. Mɨ bǝn nǝn jʊ nɨ bǝ sʊwa lɛ bǝngɔ mɨ nyɨɨ.

Maajɨ Bɛtɔ Twamagɨɨ 4:33

Nǝn gʌleng kwaan, bɛtɔ twama nɨ a nǝ nyiyo a guntǝm Tɛlalɔ Yesui a bwaaɨ. Bwili lǝma Tɛlalɔɨ a lada yɔm jǝbɔ ji gwam.

Maajɨ Bɛtɔ Twamagɨɨ 4:4

Nǝbɔ a lada a kʊm nǝb nɨ a nyʊwa kɛl nɨɨ, ja nǝ bɨlǝngkɛl. Nǝb bwangtǝmɔ a la nǝbɔ fʊlkʊblǝn nʊ.

Maajɨ Bɛtɔ Twamagɨɨ 5:15

Nǝbɔ a jel nǝn nǝb nɨ mɨ kwamɨgǝnɨ a kʌng gola. Ja ya ji a dʌbʌl kʌshen jǝbɔ fiyodaalɨ. Jǝ sʊwa lɛ a nǝl jin gɔ, “Na Bitrus ba shu lɛɨ, kɛna duuli gǝnɔ ba yɔ lɛ a bʊtɔ kaamɨ.”

Maajɨ Bɛtɔ Twamagɨɨ 6:7

Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Maajɨ Bɛtɔ Twamagɨɨ 8:7

Nǝblaamɔ jela lɛ nǝn wi a bʊtɔ nǝbɨɨ a lada. Nǝbɔ a lada a swam swamɨ, jǝbɔ nǝbɔ bʊtɔgɔ a gɨya gɨyaɨ, ja nya gungtǝm.

Maajɨ Bɛtɔ Twamagɨɨ 9:34

Nǝngɔ Bitrus a sʊwa gǝn gɔ, “Iniyasu, Yesu Kiristi a gung ń. Gun, kʊlʊm daa daalǝng mʊnɔ.” Tʌgo a kang Iniyasu a gun.

Maajɨ Bɛtɔ Twamagɨɨ 9:40

Nǝngɔ Bitrus a jǝg ji gwam a yoolii, a jʊng a maa keligɨɨ. A yǝla a daagɔ bʌlʌnɔ woi, a sʊwa gɔ, “Tabita, gun.” Nǝngɔ a wum nu gǝnɨ. A kuwo Bitrusi, nǝngɔ a gun a yɨ yɨɨ.

Roma 15:19

Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.