Yohana 13:8 - Dadiya NT

⁸ Nǝngɔ Bitrus a sʊwa gǝn gɔ, “Mɨsɔ mʊ saal mɨ naatɨn lɛ wo.” Nǝngɔ Yesu a jǝla gǝn gɔ, “Na mǝ saal mʊn bɔ naatɨn mʊnɨ, mʊ ke bɔ a mɨ.”

Yohana 13:8 ပူးပေါင်းရင်းမြစ်များ

Matta 16:22

Nǝngɔ Bitrus a gʊ gǝn gwanga win a tǝl wɛla gǝm lɛɨ, sʊwa lɛ gɔ, “Bɛ Kwaamagɔ a shigʌm Tɛlalɔ, tǝmɔ gun nǝngǝn, mɨ nǝn jʊ nɨ bwɨ lɛ nǝn mʊɨ.”

Matta 21:29

“Nǝngɔ bwɛ a sʊwa gǝn gɔ, gǝ yɔ bɔ. Nǝn gul nǝngɔ a maa bʊʊlalɨ nǝngɔ a shui.

Matta 26:33

Nǝngɔ Bitrus a jǝla gǝn gɔ, “Na gwam jǝ mwal mwal ja bǝla ńɨ, mɨsɔ mǝ bǝla ń nɛ.”

Matta 26:35

Nǝngɔ Bitrus a jǝla gǝn gɔ, “Na jǝ jʌ i jʌ i jǝbɔ mʊɨ, mɨsɔ mǝ kana nyǝmtǝm mʊnɔ lɛ wo.” Nǝngɔ tangǝn bɛtɔ mɛlalɨgɔ a jǝla nyɨɨ.

Yohana 13:6

A bɛ a daa Bitrus woi, nǝngɔ Bitrus a sʊwa gǝn gɔ, “Tɛlalɔ, nǝmɔ mʊ saal mɨ naa lɛɨ ka?”

Yohana 13:9

Nǝngɔ Bitrus a sʊwa gǝn gɔ, “Tɛlalɔ, ke bɔ naatɨn mɨ kwaagɔ! Saal kangtɨn mǝndɨ jǝbɔ dul mǝndɨ gwam.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Maajɨ Bɛtɔ Twamagɨɨ 22:16

Kǝngkɔ n wɛ mʊ yam lɛɨ? Gun ja yʊ ń mwɛ sagsagɔ, ja saalǝm bwɨlangkɛl mʊnɔ a gola jotǝm dun Tɛlalɔɨ.’

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

Kolosii 2:23

Diiltɨn nɨ maamɔ bɨlǝngǝn, gǝ nʊng yʊlan, gǝ dǝg bǝlátǝm nǝn kwaan, gǝ dǝg shigtǝm dul na kwaan, gǝ dǝg nǝtǝm bʊtɔgɔ gaalan. Diiltɨn nɨ mɨsɔ tɨ lɛ nǝn nǝl a maatǝm kanjǝl bwɨla nɨ bʊtɔ gǝnɔ swɨ lɛ a maaɨ.

Titus 3:5

nǝngɔ a bʊʊ nǝn bǝnɨ. Ke bɔ kaa maajɨ dǝngdǝng a wʊnɨ bǝ maaɨ. Mɨ nyɔ. A ji bʊnǝn bǝn. A bʊʊ nǝn bǝn a gola nǝtǝm Yʊwa Kwaamaɨ, wʊnɨ a saalǝm bǝn a fʌto bǝn bǝ yǝlam bʌtʌm fɨɨ.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.