Yohana 13:14 - Dadiya NT

¹⁴ Kanga mǝ nǝn Tɛlalɔ jen jǝbɔ Nǝ Mɛlalɨ jeni, mǝ saal jem naatɨn jeni, jen tʌjen a yǝlam nyɔ ya jǝ́ saalka naa jenɔ lɛ.

Yohana 13:14 ပူးပေါင်းရင်းမြစ်များ

Yohana 11:2

Liazaru, wʊnɨ mɨ kwamɨgǝnɨ, nǝn kɨla Maryamui, wʊnɨ a kul Tɛlalɔ gǝm nwang lǝmɨɨ, a waam naatɨn gǝnɔ nǝn yitʌn dul gǝnɨ.

Maajɨ Bɛtɔ Twamagɨɨ 20:35

A mʊgɔ kanjǝl nɨ gwam mǝ maaɨ, n sʊwa jen a mɛlalɨ nɨ mǝʊ, jǝ́ maa maajɨ nyɔ sǝ bǝ tɨka nǝb nɨ mɨ nǝn kwaanɨ. Jǝ́ bʊʊla nǝn kɛl nɨ Tɛlalɔ Yesu a sʊwa gɔ, ‘Nǝtǝmɔ a laa yotǝmɔ bwili.’ ”

Roma 12:10

A swɨtǝm kambɨɨ, bɛ jǝ́ swɨka dangǝn. A daa nǝtǝm dʊʊn, bɛ ń laa kɨla mɔ.

Roma 12:16

Jǝ́ yɨ yɨm kwamɨgǝn jǝbɔ kambɔ. Ka jǝ́ nʊng lɛ dʊʊlǝn dul. Bɛ jǝ́ yǝlam fatǝm nǝb nɨ ja ya ji bɔ a nyiyo jǝlɨ. Ka jǝ́ do lɛ dul jenɔ jǝ́ laa tangǝn nǝbɔ yʊlan.

1 Korinti 12:3

A na nyɔ mǝ sʊwa jen nɛ, gɔ mɨ nǝn nʊ nɨ sʊwa kɛl lɛ nǝn Yʊwa Kwaamaɨ sǝ a sʊwa gɔ, “N lag Yesui!” Mɨ nǝn nʊ nɨ sʊwa lɛ gɔ, “Yesu nǝn Tɛlalɔɨ,” na ke bɔ a daagɔ kwaan Yʊwa Kwaamaɨ woi.

1 Korinti 8:13

Gǝ na nyɔ, na jatǝm jǝjalǝnɔ dǝg dǝg kɨla mɨ fǝtǝm naaɨ, mɨsɔ mǝ ja jǝjalǝn nɛ tag, kage n dǝg kɨla mɨ fǝtǝm naa.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

2 Korinti 8:9

Jǝ́ nyǝm lǝma Tɛlalɔ bǝn Yesu Kiristii. N nǝ nyatǝm sul, a yǝlam nǝ bʊnǝn a kɛl dul jen, dɨsɔ jǝ́ yǝlam nǝb nyatǝm a gola bʊnǝn gǝn.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Filibii 2:11

A maa nyɔ tag sǝ nyiyotɨnɔ gwam a sʊwa gɔ Yesu Kiristi nǝn Tɛlalɔ, sǝ ja dʊʊl Kwaama Tɛtɛ.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

1 Bitrus 4:1

Kanga Kiristi a nɔɔ gaalan a bʊtɔɨ, jen tʌjen bɛ jǝ́ fɛka sǝ jǝ́ maa nyɔ, jʊ a bwɨɨ nʊ nɨ a nɔɔ gaalan a bʊtɔɨ, a bǝla maatǝm bwɨlangkɛlɔ.

1 Bitrus 5:5

Jǝ́ bayǝlǝmɔ, jǝ́ nǝ shigtǝm dul a nǝb dʊʊm bwangtǝmɔ gǝm. Pʌd jenɔ bɛ jǝ́ nǝbka shigtǝm dul, jʊ a bwɨɨ, “Kwaama maa kii lɛ jǝbɔ nǝb gungtǝm dulɔ, maa nǝb shigtǝm dulɔ gǝm lǝma lɛ.”