Yohana 12:31 - Dadiya NT

³¹ Kǝngkɔ Kwaama mwatɨ yooli nɨ gǝm borang lɛɨ, n kǝngkɔ jǝ kaam nǝ fɔlɔn yooli nɨ lɛɨ.

Yohana 12:31 ပူးပေါင်းရင်းမြစ်များ

Matta 12:28

Na mǝ jǝg nǝblaamɔ nǝn Yʊwa Kwaamaɨ, a nʊng fɔlɔn lɔ Kwaamaɨ a bɛ jem.

Yohana 14:30

Mǝ sʊwa sʊwa kɛl nǝbɔ jen, kumtɨnɔ mɨsɔ lada lɛ, jʊ a bwɨɨ nǝ fɔlɔn yooli nɨɨ bɛ lɛ. Mɨ nǝn kwaan a dul mɨ.

Yohana 3:19

Jʊ wɔ a bwɨ Kwaama a maa jim borangɨ, nyalǝmɔ a bɛ a yooligɔ gǝm, nǝbɔ a swɨ duddugigɔ a laa nyalǝmɔ, jʊ a bwɨɨ maajɨ jinɔ na a bwɨla gwam.

Yohana 9:39

Nǝngɔ Yesu a sʊwa gɔ, “Mǝ dɔ yooli nɨ sǝ n maa borang, sǝ nǝb nɨ mɨ kuwo daa lɛɨ, ja nya kuwotǝm daa, sǝ nǝb nɨ kuwo daa lɛɨ, a yǝlam kululʌm.”

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

1 Korinti 1:20

Nǝb yʊlanɔ jǝ na a fee? Nǝb nyǝmtǝmɔ n fee? Nǝb gʊbkatǝm kɛlɔ a dul yooli nɨ n fee? Kwaama a dǝg nyǝmtǝm nǝbɔ yooli nɨɨ a yǝlam jǝ fʌmʌn, mɨ nyɔ ka?

1 Korinti 1:21

Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Afisa 6:12

Kɨlan bǝnɔ ke bɔ a dul nǝfitʌmi bǝ maa lɛɨ, bǝ maa a dul kwaan yʊwa bwɨlantɨn nɨ a dʌbʌl kwamaɨ, jǝbɔ fɔlɔn nǝblaamɨ, jǝbɔ lɛɛ jǝbɔ yʊwa bwɨlantɨn nɨ gwam a mʊgɔ kumtojilii.

Kolosii 2:15

A wɔɔm kanjǝl tatǝm kun Mammɨ jǝbɔ kwaan nǝblaamɨ jǝbɔ fɔlɔn jinɔ, a nǝ ji gunidul a talɨ, a ku jelʌn a dʌbʌl tɨya kʊʊtǝm.

Ibranii 2:14

Na nɨ bɛtɨ gwam nǝn nam jǝbɔ tʊʊmɨ, gǝ tǝgǝn a do jelkalǝng nyɔ, sǝ a gola bwaa gǝnɔ gǝm a kǝl kwaan nʊ nɨ a ta kwaan bwaagɨɨ, nǝn gɔ nǝn mammɨ.

1 Yohana 3:8

Nʊ nɨ gwam maa bwɨlangkɛl lɛɨ, na a mammɨ. Jʊ a bwɨɨ, nǝn tɨkǝga mammɔ n nǝ maatǝm bwɨlangkɛl. Jʊ a bwɨ Bʊla Kwaamaɨ a bɛ sǝ a kalǝm maajɨ mammɨ.

1 Yohana 4:4

Jǝ́ bɛtɔ dwalǝnɔ, jen jǝ́ na a Kwaamaɨ, jǝ́ ku jelʌn a dul nǝb nɨɨ, jʊ a bwɨɨ nʊ nɨ a mʊgɔ nǝl jeni a laa kwaan nʊ nɨ a yooli nɨɨ.

1 Yohana 5:19

Bǝ nyǝm bǝ bɛtɔ lɔ Kwaamaɨ, bǝ nyǝm tag yooligɔ gwam gǝ na a kang nǝ bwɨla nɨɨ.