Yohana 12:26 - Dadiya NT

²⁶ Gwam nʊ nɨ maa mɨ maajɨ lɛɨ, bwang mɨ bwang. Daa mǝ woi, bwɛ jwaalɛ mǝndɨ dakini jǝbɔ mǝ. Tɛtɛ mɨ nǝ nǝ dʊʊn a nʊ nɨ gwam maa mɨ maajɨ lɛɨ.

Yohana 12:26 ပူးပေါင်းရင်းမြစ်များ

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Matta 25:21

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Markus 8:34

Nǝngɔ a jo nǝbɔ mʊrkaɨ jǝbɔ bɛtɔ mɛlalɨ gǝnɔ, a sʊwa ji gɔ, “Nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Luka 12:37

Bwiligɔ na a bɛtɔ jwaalɛn nɨ tɛlalɔngɔ ba nya jǝ yam gǝn nɛɨ. N sʊwa jen bɨlǝngǝn, dʊʊ dʊʊ dwang dʊʊl gǝnɔ, sǝ a sʊwa ji gɔ ja yɨ a daa jatǝm jǝjalǝnɔ gǝm, sǝ a tǝga ji jǝjalǝnɔ.

Luka 6:46

“N wɛ a bwɨ jǝ́ jo i lɛ gɔ ‘Tɛlalɔ, Tɛlalɔɨ,’ mɨ jǝ́ maa kanjǝlɔ lɛ mǝ sʊwa jen mǝʊ jǝ́ maaɨ?

Luka 9:23

Nǝngɔ a sʊwa gɔ, “Na nǝl swɨ lɛ a bwang mɨɨ, bɛ ga kɔ dul gǝnɔ. Ga do tɨya kʊʊtǝm gǝnɔ kum jǝbɔ kum. Ga bwang mɨ.

Yohana 10:27

Kwamɨtɨn mɨɨ bwangtǝn jʊ nɨ lɛ mǝ sʊwa lɛɨ. N nyǝm ji, jǝ bwang mɨ lɛ tag.

Yohana 13:16

Bɨlǝngkɛl mǝ sʊwa jen nɛɨ, bwɛ jwaalɛ mɨ gǝ laa tɛlalɔ gǝnɔ lɛ. Bwɛ twama mɨ gǝ laa nʊ nɨ lɛ a twam gǝnɨ.

Yohana 14:15

“Na jǝ́ maa mɨ swɨtǝm lɛɨ, jǝ́ bwangtǝn bwang diil mǝndɨ.

Yohana 14:3

Na ya n fɛka jem daagɨɨ, sǝla n yǝla ba n yɔ nǝn jen a daa gɔ, sǝ tʌjen jǝ́ yɨ a daa mǝ woi.

Yohana 15:20

Jǝ́ bʊʊla nǝn jʊ mǝ sʊwa jeni mǝʊ, ‘Bwɛ jwaalɛ mɨ gǝ laa tɛlalɔ gǝnɔ lɛ.’ Na ja nɨ ɨ gaalanɨ, jen tʌjen jǝ nǝ jen nǝ gaalan. Na ja bwangtǝn kɛl mǝndɨ, jǝ bwangtǝn bwang a jenɔ.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Yohana 21:22

Nǝngɔ Yesu a sʊwa gǝn gɔ, “Na n jǝla nʊ nɨ a yɨ nǝn kʊlɨ ba la nǝn kwama mǝ bɛm lɛɨ, n wɛ a dǝg ń woi? Mɔ, bɛ ń bwang mɨ!”

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.

Roma 14:18

Pʌd nʊ nɨ maa Kiristi gǝm maajɨ lɛ a gola nɨɨ, n jǝ yotǝm a daagɔ Kwaama woi. N nǝ jǝlatǝm a daagɔ nǝbɔ woi tag.

2 Korinti 4:5

Ke bɔ kiyotǝm kɛl dul nǝn nǝ maa lɛɨ, nǝn kiyo a dul Yesu Kiristii wʊnɨ nǝn gɔ nǝn Tɛlalɔɨ. Nǝn nǝ jwaalɛb jen a kɛl dul Yesui.

2 Korinti 5:8

Nǝn nǝn bɨtǝm nǝl. Nǝn swɨ lɛ na laa laa jǝl nǝn wʊlaka nǝn bʊtɔ nɨɨ, nǝn yɨ a daagɔ Tɛlalɔ woi.

Galatiya 1:10

Jǝ́ kuwo lɛ mǝ swɨ lɛ n fulo nǝbɔ gǝm nǝl ka? Ke bɔ a Kwaamaɨ ka? Jǝ́ nyǝma lɛ jengɔ mǝ maa sǝ n fulo nǝbɔ gǝm nǝl ka? Mɨ nyɔ. Na na mǝ fulo nǝbɔ gǝm nǝlɨ, na mǝ yǝlam bɔ bwɛ jwaalɛ Kiristii.

Filibii 1:23

Gwam jinɔ yo jǝ gʊ nǝl mǝndɨ lɛ dangǝn. Swɨtǝm mǝndɨ n bʊla sǝ n yɔ ya n yɨ nǝbɔ Kiristi. Nǝn gɔ jʊ a laa jǝlɨ.

Kolosii 3:24

Nǝn Tɛlalɔ Kiristi jǝ́ maa gǝm maajɨ lɛɨ! Jǝ́ nyǝm Tɛlalɔ nǝ jen nǝ kʊla maajɨ jenɔ jǝ́ maaɨ.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

1 Yohana 5:3

Jʊ a bwɨɨ, swɨtǝm Kwaamaɨ n bwangtǝm diil gǝn. Bwangtǝm diil gǝnɔ a bwa bɔ.

Yahuza 1:1

Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.

Dʊgam Nyangnyang 14:4

Nǝb nɨ n nǝbɔ a maa bɔ jǝ bwɨlan wo na buloni, jǝ nǝb sagsag. Nǝji jǝ bwangtǝn Bɛ Gal nɨ lɛ a daagɔ yɔ lɛ wo gwamɨ. Nǝji ja ten ji a kʊm nǝbɨɨ, nǝji jǝ bɨtǝm tɨkǝgagɔ ja nǝ Kwaama jǝbɔ Bɛ Gal nɨɨ.