Yohana 11:4 - Dadiya NT

⁴ Yesu a nyʊwa nyɨɨ, nǝngɔ a sʊwa gɔ, “Bɔɔla nɨ mɨsɔ yǝlam gǝm bwaa lɛ, bɛ bɛ nǝn dʊʊlǝn a daa Kwaama woi, jǝbɔ Bʊla gɔ.”

Yohana 11:4 ပူးပေါင်းရင်းမြစ်များ

Yohana 10:38

Na maajɨgɔ mǝ maa lɛɨ, na jǝ́ nǝ bɔ bɨlǝngkɛl nǝn mǝɨ, jǝ́ nǝ bɨlǝngkɛl nǝn maajɨgɔ, sǝ jǝ́ nyǝm tag jengɔ, Tɛtɛ gǝ na a mʊgɔ mɨ, mǝ tǝmɨ mǝ na a mʊgɔ Tɛtɛɨ.”

Yohana 11:40

Nǝngɔ Yesu a sʊwa gǝn gɔ, “N kwɛl sʊwa ń sʊwa ńɨ mǝʊ na ń nǝ bɨlǝngkɛlɨ, mʊ kuwo kuwo dʊʊlǝn Kwaamaɨ, mɨ nyɔ ka?”

Yohana 12:28

Tɛtɛ, dʊʊl dun mʊnɔ.” Nǝngɔ kaa diilɔ a jel a dʌbʌl sʊwa lɛ gɔ, “N kwɛl n dʊʊl gǝn dʊʊlɨ, mǝ sʊtǝn sʊ dʊʊltǝm gǝnɔ tag.”

Yohana 17:1

Nǝn kwama Yesu a sʊwam kanjǝl nɨɨ, nǝngɔ a gung dul gǝnɔ a dʌbʌl a maa keligɨɨ gɔ, “Tɛtɛ, kwamagɔ a la. Dʊʊl Bʊla mɔ, sǝ Bʊla mɔ a dʊʊl ń tǝgǝn.

Yohana 17:10

Nǝb nɨ pʌd mǝ nǝngǝnɨ, na a mɔ, nǝb nɨ pʌd mʊ nǝnɨ, na a mɨɨ, jǝ dʊʊlɨ ɨ lɛ.

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 2:11

Wʊnɨ nǝn gɔ jǝ laatǝm kang tɨkǝgagɔ Yesu a tǝl maatǝmɔ a tuulɔ Kana nɨ a tǝm Galilii, wʊnɨ gǝ nʊng dʊʊlǝn gǝnɔ. Bɛtɔ mɛlalɨ gǝnɔ a nǝ bɨlǝngkɛl a daa gǝ woi.

Yohana 5:23

Sǝ nǝbɔ gwam a nǝ Bwɛ dʊʊn, kanga jǝ nǝ Tɛ bwɛ dʊʊn nɛɨ. Nʊ nɨ mɨ nǝ Bwɛ dʊʊn nɛɨ, mɨ nǝ Tɛ bwɛ nɨ lɛ a twam gǝnɨ dʊʊn.

Yohana 8:54

Nǝngɔ Yesu a jǝla ji gɔ, “Na n nǝ dul mǝndɨ dʊʊlǝnɨ, dʊʊlǝn mǝndɨ mɨ a nyiyo jǝl. Nʊ nɨ dʊʊlɨ ɨ lɛɨ, nǝn gɔ nǝn Tɛtɛ mɨ, wʊnɨ jǝ́ sʊwa lɛ jengɔ Kwaama jeni.

Yohana 9:24

Nǝngɔ nǝbɔ Farisaɨ a yǝla a jo bwɛ nɨ kuli galɨgǝnɨ, ja sʊwa gǝn gɔ, “Sʊwa bɨlǝngkɛl sǝ ń dʊʊl Kwaamagɔ. Nǝn nǝ nyǝm balɨ nɨ a gung ńi n nǝ bwɨlangkɛl.”

Yohana 9:3

Nǝngɔ Yesu a jǝla ji gɔ, “Ke bɔ bwɨlangkɛl balɨ nɨɨ. Ke bɔ bwɨlangkɛl tɛtǝlam gǝnɨ. Ja bʌ gǝn n kuli sǝ ja nʊng kwaan Kwaamaɨ a dul gǝn.

Roma 11:11

Mǝ bʌ kɛl lɛ tag, fǝtǝm naa nɨ a dǝg ji ja yalaɨ, mɨ guntǝm wo ka? Mɨ nyɔ dǝm! Yalatǝm jinɔ a yǝlam bʊʊtǝm Bʌtʌbi, sǝ a dǝg nǝbɔ Israilaɨ a maa nungon nǝn ji.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Filibii 1:20

N ya nǝl dangǝn, mɨsɔ mǝ nyʊwa gunidul lɛ, mǝ bɨ bɨ nǝl dangǝn a kǝngkɔ jǝbɔ tangǝn kumtɨnɔ sǝ Kiristi a nya gungtǝm a daa mɨ woi, na mǝ yǝm nǝn kʊlɨɨ, na n bʊla bʊlaɨ.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

1 Bitrus 4:14

Na ja tuwo jen a kɛl dun Kiristii, bwiligɔ na a jen, jʊ a bwɨɨ Yʊwa dʊʊlǝnɔ, Yʊwa Kwaamaɨ, gǝ na jǝbɔ jen.