Yohana 11:28 - Dadiya NT

²⁸ Marta a sʊwa nyɨɨ, nǝngɔ a yɔ ya jo Maryamu kɨla gǝ nɔɔlɨgɔ a kelii, a sʊwa gǝn gɔ, “Feyigɔ fɔ, jo ń nɛ.”

Yohana 11:28 ပူးပေါင်းရင်းမြစ်များ

Matta 26:18

Nǝngɔ a sʊwa ji gɔ, “Jǝ́ yɔ a mʊgɔ tuulɔ a daa kaa nǝl woi, jǝ́ sʊwa gǝn jengɔ, ‘Feyigɔ a sʊwa gɔ, Kum mǝndɨ a dwama, mǝ swɨ lɛ n ja Dikulom Yabtǝmɔ jǝbɔ bɛtɔ mɛlalɨ mǝndɨ a lɔ mɔ.’ ”

Markus 10:49

Kwama Yesu a nyʊwa gǝnɨ, nǝngɔ a tɨ a sʊwa gɔ, “Jǝ́ jo mɨ gɔ.” Nǝngɔ ja jo kuli nɨ gɔ, “Ka ń nyʊwa lɛ taal, jo ń nɛ.”

Markus 14:14

Jǝ́ sʊwa tɛlalɔ nɨ a dɔɨ, jengɔ, ‘Nǝn feyi a twam nǝn, gɔ, kan shigtǝm faabǝmɨ ba gǝ jam jǝjalǝn Dikulom Yabtǝm lɛ jǝbɔ bɛtɔ mɛlalɨ gǝnɨ, gǝ na a fee?’

Luka 22:11

Jǝ́ sʊwa gǝn jengɔ, ‘Nǝn feyi a twam nǝn a daa mɔ woi gɔ, kan shigtǝm faabǝmɨ ba gǝ jam jǝjalǝn Dikulom Yabtǝm lɛ jǝbɔ bɛtɔ mɛlalɨ gǝnɨ, gǝ na a fee?’

Yohana 1:41

Tʌgo a kang Andarawas a saa kɨla gɔ Saminui, a sʊwa gǝn gɔ, “Nǝ nya Nʊ nɨ ja jǝgǝmɨ,” wʊnɨ nǝn Kiristii.

Yohana 1:45

Filibus a nya Nataniyel nǝngɔ a sʊwa gǝn gɔ, “Nǝ nya nʊ nɨ jǝ mʊla fulon kɛl gǝnɔ a diil Musaɨ jǝbɔ langǝn bwangǝn nǝbkuwotǝmkǝgagɨɨ, gɔ, nǝn Yesu bwɛ Nazarat, bʊla Yusufui.”

Yohana 10:3

Nʊ nɨ dʌng nyangagɔ lɛɨ, gǝ wum gǝm wum nyangagɔ. Kwamɨtɨnɔ jǝ nyʊwa nyʊwa diil nǝ tɔɔtǝmɔ. Gǝ jo jo kwamɨtɨn gǝnɔ nǝn duntɨn jinɔ, a yɔ nǝn ji a yooli.

Yohana 11:20

Marta a nyʊwa gɔ Yesu bɛ lɛɨ, nǝngɔ a yɔ sǝ ya gǝ tǝga gǝnɨ. Maryamu yɨm a lɔ.

Yohana 11:29

Nyʊwatǝmɔ nyɨɨ, nǝngɔ Maryamu a gun dǝbǝr dǝbǝr, a shu a daa Yesu woi.

Yohana 11:30

Yesu a lǝga bɔ a dɔ bɛ tuulɔngɔ dɨn. Gǝ na a daagɔ Marta a tǝgam gǝnɨ.

Yohana 13:13

Jǝ́ jo i gɔ ‘Feyi’ jǝbɔ ‘Tɛlalɔ.’ N dǝngdǝng. Mǝ na nyɔ.

Yohana 20:16

Yesu a jo gǝn gɔ, “Maryamu!” Nǝngɔ a yǝla a daagɔ Yesu woi, a sʊwa gǝn nǝn nyiyo Yahudawagɨɨ gɔ, “Rabboni!” (Wʊnɨ gǝ nʊng gɔ, Feyi.)

Yohana 21:7

Nǝngɔ bwɛ mɛlalɨ nɨ Yesu swɨ lɛɨ, a sʊwa Bitrus gɔ, “Nǝn Tɛlalɔ!” Saminu Bitrus a nyʊwa gɔ, “Nǝn Tɛlalɔɨ,” nǝngɔ a do bɛllɛ gǝnɔ a malɨ. A kwama gɔ mɨ nǝn bɛllɛ a bʊtɔ. Nǝngɔ a gun a mɔ a mʊgɔ mwɛɨ.

1 Tasalonikaɨ 5:11

A dul kɛl nɨ bɛ ya jǝ́ kʊʊka nǝl lɛ, ya jǝ́ tɨkaka lɛ, kanga jǝ́ maam lɛ kǝngkɨɨ.

Ibranii 12:12

A kɛl dul mwɛl Kwaamaɨ, jǝ́ tal bǝgǝl kang jenɔ nɨ ka lɛ kʌbkʌbi jǝbɔ duntɨn jenɔ nɨ a kwama bɨɨ.