Yohana 10:3 - Dadiya NT

³ Nʊ nɨ dʌng nyangagɔ lɛɨ, gǝ wum gǝm wum nyangagɔ. Kwamɨtɨnɔ jǝ nyʊwa nyʊwa diil nǝ tɔɔtǝmɔ. Gǝ jo jo kwamɨtɨn gǝnɔ nǝn duntɨn jinɔ, a yɔ nǝn ji a yooli.

Yohana 10:3 ပူးပေါင်းရင်းမြစ်များ

Yohana 10:14

“Nǝmǝ mǝ nǝ tɔɔtǝm kwamɨtɨn nyaɨ. N nyǝm a mǝndɨ, a mǝndɨ a nyǝm ɨ,

Yohana 10:16

Mǝ nǝn kaam kwamɨtɨn nɨ ke bɔ a mʊgɔ yaa mǝndɨɨ, mǝ bɛ bɛ nǝn ji. Jǝ nyʊwa nyʊwa diil mǝndɨ. Jǝ yǝlam kʌm kwamɨgɔ win, jǝ na na nǝn nǝ tɔɔtǝmɔ win.

Yohana 10:4

Na a jǝg kwamɨtɨn gǝnɔ gwam a yoolii, sǝ a ja kǝga, kwamɨtɨnɔ bwang gǝm lɛ a gul, jʊ a bwɨɨ, ja nyǝm diil gǝnɔ.

Yohana 10:9

Nǝmǝ mǝ nyangagɨɨ, nʊ nɨ a dɔ a gola mɨɨ, bʊʊ bʊʊ. Gǝ dɔ dɔ, sǝ a jel, ya saa jǝjalǝn.

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 6:45

Ja mʊla mʊlaɨ a mʊgɔ langǝn bwangǝn nǝbkuwotǝmkǝgagɨɨ, sʊwa lɛ gɔ, ‘Pʌd jinɔ nǝn Kwaama mɛla jim lɛɨ.’ Pʌd nʊ nɨ a nyʊwa, a mɛla a daagɔ Tɛtɛ woi, bɛ bɛ a daa mǝ woi.

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

1 Korinti 16:9

jʊ a bwɨɨ ja wum mɨ kaa gola dʊʊn na maatǝm maajɨ nyan. Nǝb kiimɔ wo a lada.

Filibii 4:3

Mʊ fwalɨ maajɨ mɨ, mǝ kela ń nɛ, bɛ ń tɨka nɔɔtǝm nɨ ja maa maajɨ jǝbɔ mǝ jǝbɔ Kilemas jǝbɔ tangǝn fatǝm maajɨ mǝndɨ a dul fulon kɛl lǝmɨ. Duntɨn jinɔ a mʊgɔ langǝn bwangǝn kʊlɨ.

Kolosii 4:3

Jǝ́ kela Kwaama a wum nǝm gola nǝn sʊwa kɛl nɨ ja yʊ yʊɨ a dul Kiristii, wʊnɨ n kɛl dul gǝn ja bwa ɨɨ.

2 Timoti 2:19

Fʌlʌm kan nyan mɔtǝm a Kwaamaɨ a ta tʌgo gwanggwang. Mɛl nɨ a bʊtɔ gǝnɨ sʊwa lɛ gɔ, “Tɛlalɔ a nyǝm nǝbam gǝnɔ,” jǝbɔ, “Pʌd nʊ nɨ a nʊng jǝlatǝm nǝn dun Tɛlalɔɨ, bɛ a bǝla maatǝm shilɔ wo.”

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Yohana 4:6

A bǝnɔ bǝ na a Kwaamaɨ. Nʊ nɨ a nyǝm Kwaamaɨ, gǝ nyʊwa bǝn nyʊwa. Nʊ nɨ ke bɔ a Kwaamaɨ, mɨ gǝ nyʊwa bǝn nɛ. Bǝ nyǝm nǝ Yʊwa bɨlǝngkɛlɔ nyɔ jǝbɔ nǝ yʊwa gabakɛlɔ.

3 Yohana 1:14

Mǝ ya nǝl lɛ bǝ tǝgaka tǝgaka mɨsɔ kʊta lɛ, sǝ bǝ sʊwa kɛl kǝga jǝbɔ kǝga.

Dʊgam Nyangnyang 20:15

Nʊ nɨ ja mʊla bɔ dun gǝnɔ a mʊgɔ langǝn bwangǝn kʊlɨɨ, jǝ mam gǝn fʌlen a mʊgɔ gʌto kǝla.

Dʊgam Nyangnyang 3:20

Mǝ wɔ mǝ tɨm a nyanga kan, mǝ ga lɛ. Na nʊ nɨ a nyʊwa diil mǝndɨ a wum nyanga kanɨ, mǝ dɔ dɔ a daa gǝ woi, sǝ n ja nǝbɔ gɔ, ga ja jǝbɔ mǝ.

Dʊgam Nyangnyang 7:17

Jʊ a bwɨɨ, Bɛ Gal nɨ fɔ a tɨbǝl kotere fɔlɔnɨ, nǝn gɔ yǝlam nǝ tɔɔtǝm jinɔ lɛɨ. Nǝn gɔ yɔ lɛ nǝn ji a dɨyalɨ mwɛ kʊlɨɨ. Kwaama nǝn gɔ waam jim mwɛ num jinɔ lɛɨ.”