Yohana 10:15 - Dadiya NT

¹⁵ kanga mǝ nyǝm Tɛtɛɨ, Tɛtɛ tǝgǝn a nyǝm ɨ. Mǝ nǝ kʊlɨ mǝndɨ a dul kwamɨtɨnɔ gǝm.

Yohana 10:15 ပူးပေါင်းရင်းမြစ်များ

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Matta 20:28

A na nyɔ Bʊla Nǝlɨ a bɛ bɔ sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ sǝ a jǝg nǝbɔ a lada.”

Luka 10:21

Nǝn kwama gɔ, Yesu maa fulotǝm nǝl lɛ nǝn Yʊwa Kwaamaɨ, a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ. Tɛtɛ, n jʊ mʊ swɨ maatǝmɨ.

Luka 10:22

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.”

Yohana 1:18

Mɨ nǝn nǝfili nɨ a kuwo Kwaama woi, nǝn Bʊla gɔ kwaagɔ win, nǝn gɔ dakini jǝbɔ Tɛ bwɛɨ, nʊng bǝn jelkalǝng Kwaamaɨ lɛɨ.

Yohana 10:11

“Nǝmǝ mǝ nǝ tɔɔtǝm kwamɨ nyaɨ. Nǝ tɔɔtǝm kwamɨ nyagɔ, gǝ nǝ nǝ kʊlɨ gǝnɔ a dul kwamɨtɨn.

Yohana 15:13

Mɨ nǝn swɨtǝm nɨ a laa a wʊnɨ, na nǝl a nǝ kʊlɨ gǝnɔ a dul fatǝlam gǝnɨ.

Yohana 17:25

“Tɛtɛ, nǝ dǝngdǝng, yooligɔ a nyǝm ń bɔ, mǝ, n nyǝm ń, nǝb nɨ a nyǝm nǝmɔ mʊ twam ɨɨ.

Yohana 6:46

Mɨ nǝn nʊ nɨ a kuwo Tɛtɛɨ, na ke bɔ nʊ nɨ a gǝla a daagɔ Kwaama woi, nǝn gɔ kwaagɔ win a kuwo Tɛtɛɨ.

Yohana 8:55

Jen jǝ́ nyǝm gǝn bɔ. Mǝ n nyǝm gǝn. Na na n sʊwa jen mǝʊ mǝ nyǝm gǝn bɨɨ, n yǝlam nǝ gabakɛl na jen. N nyǝm gǝn, n bwangtǝn mɛlalɨ gǝnɔ.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Galatiya 3:13

Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

1 Bitrus 2:24

Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

1 Yohana 2:2

Gǝ nǝn kang gǝn nǝn gɔ a tǝla tʊʊm gǝnɔ na kǝlǝmtǝm bwɨlangkɛltɨn bǝnɨ, n ke bɔ a bǝn kwaagɔ, pʌd jǝbɔ bwɨlangkɛl yooligɔ gwam.