Yakubu 5:20 - Dadiya NT

²⁰ Bɛ ga nyǝm pʌd nʊ nɨ a yǝla nǝn nǝ bwɨlangkɛl a golaɨ, a bʊʊ nǝn kʊlɨ nǝ bwɨlangkɛl nɨ a bwaa, yǝlam gǝm gola kǝlǝmtǝm kʌm bwɨlangkɛltɨn gǝnɔ.

Yakubu 5:20 ပူးပေါင်းရင်းမြစ်များ

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Roma 11:14

Mǝ maa nyɔ sǝ n dǝg nǝb nɨ n nyiyo mɨ nungon, sǝ n dǝg kaam jinɔ a nya bʊʊtǝm.

1 Korinti 1:21

Kanga Kwaama a mʊgɔ nyǝmtǝm gǝn a bʊʊla gɔ, yooligɔ mɨsɔ nyǝm gǝn nɛ a gola yʊlan jin. Nǝngɔ Kwaama a nyʊwa lǝma bʊʊtǝm nǝb nɨ a nǝ bɨlǝngkɛl a gola kiyotǝm fulon kɛl lǝmɨ nɨɨ, wʊnɨ kaam nǝbɔ kuwo lɛ na jǝ fʌmʌni.

1 Korinti 9:22

A nǝb nɨ a gɨyaɨ, n yǝlam na nʊ nɨ a gɨya gɨyaɨ, sǝ n gʊ nǝb nɨ a gɨyaɨ a daa Kiristi woi. N yǝlam jǝl gwam a daagɔ nǝbɔ woi gwam, na gǝ wɛ dwalɨ sǝ n bʊʊ nǝn kaamɨ.

1 Timoti 4:16

Bɛ ń fɛ dʌng dul mʊnɔ jǝbɔ mɛlalɨ mʊnɔ. Bɛ ń ya ń maa lɛ nyɔ. Maatǝmɔ nyɨɨ nǝn gɔ mʊ bʊʊ lɛ nǝn dul mʊnɨ jǝbɔ nǝbɔ nyʊwa ń nɛɨ.

Filimon 1:19

Nǝmǝ mǝ Bulus, mǝ mʊla mʊn jʊ nɨ lɛ nǝn kang mɨɨ. Mǝ yǝla mǝ ywa ń ywa ń. Mɨsɔ mǝ sʊwa lɛ mǝʊ mǝ bwang mʊn naan kʊlɨgɔ lɛ mʊ nya a kang mɨɨ.

Yakubu 1:15

Bwɨlang wɛlɔ na a do fʌli, gǝ bʌm bwɨlangkɛl. Bwɨlangkɛlɔ na a dʊʊlɨ, gǝ bʌm bwaa.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

Yakubu 5:15

Keli nɨ ja maa a mʊgɔ nǝtǝm bɨlǝngkɛlɨ, gǝ gung gung nǝ bɔɔla. Tɛlalɔ gung gǝn gung. Na ga maa bwɨlangkɛlɨ, Tɛlalɔ kǝlǝm gǝm kǝlǝm.

Yakubu 5:19

Kɛtǝlam mɨ, na kaa win a kʊm jen a bǝla gola bɨlǝngkɛlɨ, bɛ kaa a kʊm jen a yǝla nǝn gɔ a gola.

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

Dʊgam Nyangnyang 20:6

Nʊ nɨ a nya guntǝm nǝn tɨkǝgaɨ, n nǝ bwili, n nǝ sagsag. Bwaa na yogɔ mɨ nǝn kwaan a dul nǝb nɨɨ. Ja yǝlam nǝbkǝlam Kwaamaɨ jǝbɔ a Kiristii, sǝ ja maa fɔlɔn jǝbɔ gɔ a yɔ nǝn a jolɔ fʊlkʊblǝn.