13 Na kaa nǝl wo a kʊm jen a mʊgɔ gaalanɨ, bɛ ga maa keli. Na kaa wo a mʊgɔ fulotǝm nǝlɨ, bɛ ga ma nafɨ bǝlátǝm.
Nǝn kwama ja mam nafɨgɨɨ, nǝngɔ ja jel ja shu a Yem Zaituni.
Jʊ nɨ gɔ a mʊgɔ gaalan dangǝnɨ, a sʊtǝn keligɔ, mɨbamɔ jel lɛ a bʊtɔ gǝn na tʊʊm tǝla lɛ a tǝm.
Nǝngɔ a kela gǝn gɔ, “Yesu, bɛ ń bʊʊla nǝn mǝ na ń nya fɔlɔn mʊnɨ.”
Mǝ maa nyǝn? Mǝ maa keli nǝn dʊʊmɨ mɨ, mǝ maa nǝn bʊʊlalɨ mɨ tag. Mǝ ma nafɨ Kwaamaɨ nǝn dʊʊmɨ mɨ, mǝ ma nǝn bʊʊlalɨ mɨ tag.
Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.
Bɛ jǝ́ ma nafɨ Zaburaɨ, jǝbɔ nafɨtɨn bǝlátǝm, jǝbɔ nafɨgɔ Yʊwagɔ a nǝ jeni. Bɛ jǝ́ ma nafɨ, jǝ́ bǝlá Tɛlalɔ nǝn nǝl jenɔ gwam.
Yesu nǝn kwama yɨm gǝnɔ a yoolii, a maa kelitɨn jǝbɔ jitǝm wi nǝn kwaan nǝn mwɛ num. A maa nyɔ a nʊ nɨ nǝn fɔlɔn bʊʊ lɛ nǝn gɔ a bwaaɨ. A nyʊwa keli nɨ ga maa nǝn shigtǝm duli.
Kambɔ, jǝ́ bwangtǝn nǝbkuwotǝmkǝga nɨ a sʊwa kɛl a dun Tɛlalɔɨ. Jǝ́ maa mɛlalɨ nǝn bwatǝm nǝl jinɔ a mʊgɔ gaalan nɨ.
Jǝ ma kaa nafɨ fɨ lɛ a kǝga kotere fɔlɔnɔ gǝm jǝbɔ kǝga kanjǝl nɨ naal nǝn kʊlɨɨ, jǝbɔ kǝga daltɔ dʊʊm nɨ. Mɨ nǝn nʊ nɨ nyǝm mɛlatǝm nafɨ nɨ lɛɨ na ke bɔ nǝb nɨ fʊlkʊblǝnɔ fʊlkʊb jǝbɔ fʊltǝnaal jeli naalɨ (144,000), wʊnɨ ja ten ji a yooli nɨɨ.
Ja gung diil jinɔ nǝn kwaan jǝ sʊwa lɛ gɔ, “Bʊʊtǝmɔ na a Kwaama bǝnɨ, wʊnɨ yǝm a dʌbʌl kotere fɔlɔnɨ, jǝbɔ daagɔ Bɛ Gal nɨ woi!”