Yakubu 4:5 - Dadiya NT

⁵ Kɛl Kwaamaɨ a sʊwa gɔ, “Kwaama maa nungon nɛ a dʊʊmɨ nɨ ga dǝg a bʊtɔ bǝnɨ.” Jǝ́ kuwo lɛ mʊlalɨ kɛl Kwaamaɨ a sʊwa nǝn kwan ka?

Yakubu 4:5 ပူးပေါင်းရင်းမြစ်များ

Yohana 10:35

Bǝ nyǝm mʊlalɨ kɛl Kwaamaɨ mɨsɔ kʌbo lɛ. Kwaama a sʊwa gɔ nǝbɔ gǝ nǝ ji twama gǝnɨ ‘n kwaamatɨn.’

Yohana 19:37

Kaa mʊlalɨ kɛl Kwaamaɨ a sʊwa gɔ, “Jǝ dʌng dʌng nʊ nɨ ja kuli.”

Yohana 7:42

Mʊlalɨ kɛl Kwaamaɨ a sʊwa gɔ, ‘Kiristi jel a dʊʊm Daudaɨ, ja bʌ gǝn a Baitalami, a bɛ tuulɔ nɨ Dauda a yɨmɨ, mɨ nyɔ ka?’ ”

Maajɨ Bɛtɔ Twamagɨɨ 7:9

“Tʊgalam nɨ maa nungon nɛ jǝbɔ kɨla ji Yusufu. Nǝngɔ ja miyo gǝnɨ, nǝngɔ nǝb nɨ a ten gǝnɨ, a shu nǝn gɔ a Masarɨ. Kanjǝl nɨ a bwɨ nyɔ sul, Kwaama dakini jǝbɔ gɔ.

Roma 1:29

Nǝl jinɔ a yii nǝn kanjǝl shil gwam, jǝbɔ maajɨ bwɨlan, jǝbɔ wɛl, jǝbɔ katǝm naa. Nǝl jinɔ a yii nǝn nungon, jǝbɔ jʌtǝm dul, jǝbɔ gʊbkatǝm, jǝbɔ swagkatǝm, jǝbɔ maatǝm kii. Kaamɨ n nǝb yʊʊlakatǝm,

Roma 9:17

Mʊlalɨgɔ kɛl Kwaamaɨ a sʊwa Firauna gɔ, “N dǝg ń ń yǝlam fɔlɔ sǝ n nʊng kwaan mǝndɨ a gola mʊn, sǝ ja sʊwa dun mǝndɨ a yooligɔ gǝm gwam.”

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.