Yakubu 4:11 - Dadiya NT

¹¹ Kambɔ, ka jǝ́ tolka lɛ. Nʊ nɨ tuwo kɨla gɔ nǝ bwangtǝm lɛɨ, gǝ tuwo diil Kwaamaɨ. Nʊ nɨ maa kɨla gɔ gǝm borang lɛɨ, gǝ maa diil Kwaamaɨ gǝm borang. Na ń maa diil Kwaamaɨ gǝm borangɨ, mɨ mʊ bwangtǝn diil Kwaamaɨ lɛ. Ń nǝ diilɔ bwɨlangkɛl.

Yakubu 4:11 ပူးပေါင်းရင်းမြစ်များ

Luka 6:37

“Bɛ ka jǝ́ mwatɨ lɛ borang, jen tʌjen mɨsɔ jǝ mwatɨ jem borang lɛ. Bɛ ka jǝ́ tuwo lɛ nǝl nǝn bwɨlang jǝl, jen tʌjen mɨsɔ jǝ tuwo jen nɛ. Bɛ jǝ́ kǝlǝm nǝbɔ gǝm, jen tʌjen jǝ kǝlǝm jem kǝlǝm.

Roma 2:1

A dul kɛl nɨɨ, mɨ mʊ nǝn tabatǝm fɨɨ mʊ nǝfili, mʊ nɨ mʊ maa nǝl gǝm borang lɛɨ. Kwama mʊ maa nǝl gǝm borang lɛɨ, mʊ tǝmʊn ń mwatɨ dul mʊnɔ gǝm borang, jʊ a bwɨɨ mʊ nɨ mʊ maa borang lɛɨ mʊ maa nyɔ tǝmʊn.

Roma 2:13

Ke bɔ nǝbɔ a nyʊwa diili n nǝbɔ dǝngdǝng a kǝga Kwaamaɨ, n nǝb nɨ bwangtǝn diil gǝnɔ lɛɨ n nǝb dǝngdǝngɨ.

Roma 7:7

N wɛ tag bǝ sʊwa lɛɨ? Diilɔ n bwɨlangkɛl ka? Ɔ ɔ, mɨ nyɔ! Na ke bɔ diili, mɨsɔ mǝ nyǝm bwɨlangkɛl lɛ. Na ke bɔ diil a sʊwa gɔ “Bɛ ka ń kona lɛ nu a jǝ nǝlɨ,” na mɨsɔ mǝ nyǝm jʊ nɨ lɛ jǝ jo lɛ gɔ konatǝm nui.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

Afisa 4:31

Bɛ jǝ́ wʊlaka jǝbɔ kanjǝl nɨ gwam, nǝl kɔkan, jǝbɔ gungtǝm nǝl, jǝbɔ nabwɨl, jǝbɔ kɨlan, jǝbɔ kalkatǝm dun, jǝbɔ maatǝm shil nǝn dʌmʌn.

1 Timoti 3:11

Nɔɔtǝlam jinɔ tʌji, bɛ ja yǝlam nǝb shigtǝm dul, ke bɔ nǝb dǝnglatǝm kɛl, bɛ ja yǝlam nǝb tatǝm dul, nǝb tatǝm swatǝm yaa a golantɨnɔ gǝm gwam.

2 Timoti 3:3

jǝbɔ nǝbɔ mɨ nǝn swɨkanɨ, jǝbɔ nǝb tatǝm kɛtǝlam jini a nǝl, jǝbɔ nǝb kaltǝm dun, jǝbɔ nǝbɔ a ta bɔ duli, jǝbɔ nǝb shil, jǝbɔ nǝbɔ mɨ swɨ jǝ bʊmɨ lɛɨ,

Titus 2:3

A na nyɔ, bɛ ń mɛla nɔɔtǝm dʊʊmɔ gǝm nyɔ tʌji ja yɨ yɨm nɨ dʊʊl Kwaama lɛɨ. Bɛ ka ja yǝlam lɛ nǝb yʊʊlatǝm nǝbɨɨ, jǝbɔ nǝb wɛl nɔɔlatǝm bʊgɛ. Bɛ ja yǝlam nǝb maatǝm mɛlalɨ nya.

Yakubu 1:16

Kɛtǝlam mɨ nɨ mǝ swɨ lɛɨ, ka jǝ́ jǝla lɛ ja swag jen.

Yakubu 1:19

Kɛtǝlam mɨ nɨ mǝ swɨ lɛɨ, bɛ jǝ́ fɛ jǝ́ nyʊwa a bʊm, ka jǝ́ yǝlam lɛ nǝb sʊwatǝm kɛl jǝbɔ maatǝm nabwɨl yagɨ yagɨ.

Yakubu 1:25

A nʊ nɨ a dǝg bʊʊlalɨ gǝnɔ a diil nɨ bɛ lɛ nǝn jǝgtǝm nyanɨ, a ja kǝga nǝn maatǝmɨ, ke bɔ nʊ nɨ nyʊwa lɛ a yǝla a twabǝmɨ, maa lɛɨ, nya nya bwili a mʊgɔ kanjǝl nɨ gǝ maa lɛ gwamɨ.

Yakubu 2:8

Bʊm bʊm na jǝ́ bwangtǝn diil fɔlɔn lɔ Kwaamaɨ, wʊnɨ ja mʊla a mʊgɔ mʊlalɨ kɛl Kwaamaɨ sʊwa lɛ gɔ, “Bɛ swɨ fwalɨ yɨm mʊnɔ na dul mʊnɔ.”

Yakubu 5:10

Kambɔ, jǝ́ bwangtǝn nǝbkuwotǝmkǝga nɨ a sʊwa kɛl a dun Tɛlalɔɨ. Jǝ́ maa mɛlalɨ nǝn bwatǝm nǝl jinɔ a mʊgɔ gaalan nɨ.

Yakubu 5:7

A dul kɛl nɨ kambɔ, jǝ́ yɨ yɨm kʊtǝm nǝl a yɔ nǝn a kwama Tɛlalɔ bɛm lɛɨ. Jǝ́ dʌng kʊtǝm nǝlɔ nǝ jʊngtǝm twamɔ gǝ maa lɛɨ, a yɔ nǝn a kwama nɨ twam gǝnɔ gǝ jǝgǝm dul lɛɨ. N kʊtǝm nǝl gǝ yam mwɛ kwala lɛ jǝbɔ mwɛ guli.

Yakubu 5:9

Kambɔ, jǝ́ bǝla kʊngatǝmɔ wo a kʊm jen, kage ja biyo jem borang. Nǝ biyotǝm borangɔ bɛ lɛ. N wɔ tɨm a nyanga kan.

1 Bitrus 2:1

A dul kɛl nɨɨ, jǝ́ bǝla maatǝm shilɔ wo, jǝbɔ swagkatǝmɔ, jǝbɔ maatǝm fento, jǝbɔ nungon, jǝbɔ tuwolkatǝmɔ gwam.