Yakubu 4:1 - Dadiya NT

¹ N wɛ bɛ lɛ nǝn kɨlan jǝbɔ gʊbkatǝm a kʊm jeni? Mɨ nyǝmatǝm wo, jʊ bɛ lɛ nǝn kanjǝl nɨɨ n wɛltɨn nɨ ta kun nɛ a kʊm jeni.

Yakubu 4:1 ပူးပေါင်းရင်းမြစ်များ

Matta 15:19

Bʊʊlalɨ bwɨlagɔ gǝ jel a mʊgɔ nǝl, jǝbɔ jʌtǝm dul, jǝbɔ bulon, jǝbɔ bwɨlan, jǝbɔ kuul, jǝbɔ nǝtǝm nyiyo gabakɛl jǝbɔ kaltǝm dun nǝbɨɨ.

Yohana 8:44

Jen jǝ́ na a tɨya jen Mammɨ. Jǝ́ saa lɛ jǝ́ maa jʊ nɨ swɨ lɛɨ. N nǝ jʌtǝm dul a tǝltǝmɔ gǝm. Mɨ mwɛ gǝn wo nǝn bɨlǝngkɛl, jʊ a bwɨɨ mɨ bɨlǝngkɛl wo a fʌl gǝn. Gwam kwama nɨ maam gabakɛl lɛɨ, gǝ nʊng bʊʊlalɨ gǝn, jʊ a bwɨɨ n nǝ gabakɛl, tɛ bwɛ gabakɛl.

Roma 7:23

N kuwo kaa diil maa maajɨ lɛ a jinʌn bʊtɔ mɨ, wʊnɨ ta kun nɛ jǝbɔ diil nɨ a bʊʊlalɨ mɨɨ, a dǝg ɨ a lɔsomii, diil bwɨlangkɛlɔ, wʊnɨ yǝm a jinʌn mɨɨ.

Roma 7:5

Nǝn galɨgǝn bǝ bwangtǝn bʊtɔ lɛɨ, wɛl bwɨlanɔ a gun a gola diil, n jʊ maa maajɨ lɛ a bʊtɔ bǝnɨ, n jʊ gʊ bǝm bwaa lɛɨ.

Roma 8:7

Pʌd nʊ nɨ nǝl gǝnɔ gǝ na a kanjǝl bʊtɔɨ, a yǝlam nǝ kii Kwaamaɨ, jʊ a bwɨɨ mɨ bwangtǝn diil Kwaamaɨ lɛ, mɨsɔ dwal lɛ a maa.

Galatiya 5:17

Jǝ́ maa jʊ nɨ, jʊ a bwɨɨ bʊʊlalɨ bʊtɔgɔ maa kii lɛ jǝbɔ Yʊwagɔ, Yʊwagɔ tag maa kii lɛ jǝbɔ bʊʊlalɨ bʊtɔgɔ. Kanjǝl nɨ yoi, jǝ maaka kii lɛ a kʊm jin. N jʊ a bwɨ mɨsɔ jǝ́ dwal lɛ jǝ́ maa jʊ nɨ jǝ́ swɨ lɛ jǝ́ maaɨ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

2 Timoti 2:23

Bɛ ń kɔ gʊbkatǝm kɛlɔ nǝn kwanɨ. Gǝ bɛ bɛ nǝn bwaalɨ.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

Titus 3:9

Bɛ ń tɨ a kʊta jǝbɔ katɨ nɨ mɨ nǝn duli, jǝbɔ gʊbkatǝm a kɛl kiyotǝm tʊgam, jǝbɔ kʊkkan, jǝbɔ kɨlan a kɛl dul diil. Gwam jʊtǝb nɨ mɨ ji nǝn kaa bwili wo, n maajɨ nǝn kwan.

Yakubu 1:14

Nǝl gǝ yal yal a mʊgɔ tɛltǝm nǝn kwama bwɨlang wɛl gǝnɔ a swag gǝnɨ, a gʊ gǝn tagɨ.

Yakubu 4:3

Nǝn kwama jǝ́ kelaɨ, mɨsɔ jǝ́ nya lɛ jʊ a bwɨɨ mɨ jǝ́ kel lɛ a gola nyan. Jǝ́ swɨ lɛ jǝ́ jʌ kanjǝl nɨ jǝ́ nyaɨ, a kanjǝl bwɨla na nyʊwatǝm lǝma bʊtɔ jen.

1 Bitrus 1:14

Jǝ́ yɨ yɨm bɛtɔ nǝtǝm dʊʊn. Ka jǝ́ bwangtǝn nɛ kanjǝl bwɨlantɨn nɨ jǝ́ maa lɛ galɨgǝnɨ, nǝn kwama nɨ jǝ́ nyǝm bɔ Kwaamaɨ.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

2 Bitrus 2:18

Mɛlalɨ jinɔ n yʊwa nǝn kwan jǝbɔ gungtǝm dul. Jǝ sʊwa nǝbɔ lɛ gɔ a maa jʊ nɨ bʊtɔ jinɔ swɨ lɛ ja maaɨ. A dul mɛlatǝm jʊ nɨɨ, jǝ dol nǝbɔ lɛ jǝ bɛ lɛ nǝn a maatǝm bwɨlan nǝn kwan. Nǝb bwangtǝm nɨ n nǝbɔ a bʊʊ a kʊta bɔ a mʊgɔ nǝb nɨ a maa yɨm a mʊgɔ bwɨlangkɛlɨ.

2 Bitrus 3:3

Nǝn tɨkǝga mǝ swɨ lɛ n bʊʊla jem a kumtɨn dɨltǝm, nǝb mogtǝmɔ jel jel, maa mogtǝmɔ lɛ, jǝ bwangtǝn wɛl bwɨlan jinɔ lɛ.