Yakubu 3:6 - Dadiya NT

⁶ Ben nǝlɨ n kǝla. N bwɨlang yooli a mʊgɔ bʊtɔ bǝn! Benɔ gǝ kal kal nǝl gwam a mʊgɔ yɨm gǝnɔ gǝm. Benɔ dul gǝn lɔ kǝla kul gǝm kǝla lɛɨ.

Yakubu 3:6 ပူးပေါင်းရင်းမြစ်များ

Matta 12:24

Nǝbɔ Farisaɨ a nyʊwa nyɨɨ, nǝngɔ ja sʊwa gɔ, “Nǝn Baalzabul fɔlɔ nǝblaamɨ, a nǝ gǝn kwaan jǝgtǝm nǝblaamɨ.”

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Markus 7:15

Jǝjalǝn nɨ mʊ dǝg lɛ a nyiyoi, mɨsɔ kal ń nɛ a kɛl bwangtǝm Kwaamaɨ gǝm. Kanjǝl bwɨlan nɨ jel lɛ a mʊgɔ nǝl mʊnɨ, nǝn gɔ kal ń nɛɨ.”

Luka 16:24

Nǝngɔ a jo jangajǝl gɔ, ‘Ibrahim, n kela ń, ji bʊnǝn mɨɨ, tʊng Liazaru ba dǝg bawuli kang gǝnɔ a mwɛ sǝ a mal mɨ a ben mǝndɨ gǝm. Ya mǝ bʊla lɛ a mʊgɔ kǝla nɨ gǝm.’

Maajɨ Bɛtɔ Twamagɨɨ 20:30

A kʊm jen kaamɨ gun gun a sʊwala gabakɛl, sǝ ja gʊ nǝb bwangtǝmɔ a gul ji.

Maajɨ Bɛtɔ Twamagɨɨ 5:3

Nǝngɔ Bitrus gɔ, “Mɔ Hananiya, n wɛ a bwɨ mɔ bǝla Mammɔ a dɔ mʊgɔ nǝl mʊnɔ, mʊ maa Yʊwa Kwaamaɨ gǝm gabakɛlɨ, mʊ yʊ kaa jǝl a mʊgɔ kemʌn talɨgɔ gǝmɨ?

Maajɨ Bɛtɔ Twamagɨɨ 6:13

Nǝngɔ ja bɛ nǝn nǝb gabakɛlɨɨ, jǝ sʊwa lɛ gɔ, “Bwɛ nɨ kwangkwang sʊwa kɛl bwɨlan nɛ a a dul daa sagsag nɨ jǝbɔ diil Musaɨ.

Titus 1:11

N dǝngdǝng ja ga jim wulong ja yɨ shig, jʊ a bwɨɨ jǝ kal nǝbɔ lɛ a lɔ nǝn lɔ a gola mɛlalɨ nɨ a bʊm bɨɨ, sǝ ja nyam kemʌn.

Yakubu 2:7

Ke bɔ ji tag jǝ sʊwa kɛl sogan nɛ a dul dun nyan gǝnɔ ja nyǝm jen nǝnɨ ka?

Yakubu 3:7

Nǝfitʌmɔ gǝ mɛl mɛl yʊwaltɨnɔ, jǝbɔ lǝbɨtɨnɔ, jǝbɔ namtɨn nɨ wuul lɛ nǝn fʌli, jǝbɔ jʌngigɔ.

2 Bitrus 3:3

Nǝn tɨkǝga mǝ swɨ lɛ n bʊʊla jem a kumtɨn dɨltǝm, nǝb mogtǝmɔ jel jel, maa mogtǝmɔ lɛ, jǝ bwangtǝn wɛl bwɨlan jinɔ lɛ.

3 Yohana 1:10

Na n bɛɨ, mǝ sʊwa sʊwa nǝbɔ jʊ nɨ gǝ maa lɛɨ mɨ nyǝmatǝm wo, n kɛlɨkɛlɨ nǝn kwan a dul bǝn. Kal bǝn nɛ, wʊnɨ a la gǝm bɔ, a kɔ yotǝm kambɨɨ, kaa nǝb nɨ lɛ swɨ lɛ a yo jii, jǝg ji lɛ a mʊgɔ mʊrkalɨ nǝb bwangtǝm Kwaamaɨ.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Dʊgam Nyangnyang 13:14

A swag nǝb nɨ yǝm a yooli nɨɨ, nǝn maatǝm kanjǝl laatǝm kang nɨ ja jǝla gɔ ga maa a kǝga yʊwal bwɨla nɨɨ. A dǝg ji ja fɛ kaa bawilom a nyiyo yʊwal bwɨla nɨ, sǝ ja nǝ gǝn dʊʊn. Yʊwal bwɨla nɨ ja nyʊwa gǝm twɨla nǝn gulʌn sul, a bʊʊ.

Dʊgam Nyangnyang 18:23

Fitila mɨsɔ sʊtǝn nyalǝm lɛ a daa mʊ woi tag. Mɨsɔ jǝ nyʊwa diil nʊ nɨ lɛ a naa nɔɔlɨ jǝbɔ nɔɔgwaalɨ a daa mʊ woi tag. Nǝb dʌbogɔ galɨgǝnɨ nǝji jǝ nǝb dʊʊm yooligɨɨ. N gola swagtǝm mʊn, Bʌtʌbɔ a lɛla golaɨ.

Dʊgam Nyangnyang 19:20

Nǝngɔ ja ta yʊwal bwɨla nɨ jǝbɔ nǝkuwotǝmkǝga gabakɛlɔ, wʊnɨ a maa jǝ laatǝm kang a nyiyo yʊwal bwɨla nɨ. N maatǝm jǝ laatǝm kang nɨ a swag nǝb nɨ nǝn kwatɨ yʊwal bwɨla nɨɨ, jǝbɔ nǝb nɨ a maa bawilom gǝnɔ gǝm bǝlátǝmɨ. Ja ta yʊwal bwɨla nɨ jǝbɔ nǝkuwotǝmkǝga gabakɛl nɨ, ja mal ji nǝn kʊlɨ a mʊgɔ gʌto kǝla jǝbɔ kǝla nɨ a fo, a shii.