Yakubu 3:17 - Dadiya NT

¹⁷ A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.

Yakubu 3:17 ပူးပေါင်းရင်းမြစ်များ

Matta 23:28

Jǝ́ na nyɔ tʌjen, nǝbɔ kuwo jen nɛ a yooli maamɔ jǝ́ nǝb dǝngdǝng. Mʊgɔ bʊtɔ jenɔ n kɛl fento jǝbɔ maatǝm bwɨlan.

Matta 5:8

Bwiligɔ na a nǝbɔ nǝn nǝl sagsagɨɨ, jʊ a bwɨɨ jǝ kuwo kuwo Kwaama.

Matta 5:9

Bwiligɔ na a nǝb nɨ mʊrka yɨm kwamɨgǝn nɛɨ, jʊ a bwɨɨ jǝ jo ji gɔ bɛtɔ lɔ Kwaamaɨ.

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Luka 6:36

Ya jǝ́ ji bʊnǝn nǝfitʌmi lɛ kanga Tɨya jen ji bʊnǝn nǝbɨɨ lɛɨ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:47

Nǝn kwama Yesu a kuwom Nataniyel bɛ lɛ a daa gǝ woi, nǝngɔ a sʊwa gɔ, “Bwɛ nɨ n bwɛ Israila dangǝn, wʊnɨ mɨ nǝn gabakɛlɨ.”

Maajɨ Bɛtɔ Twamagɨɨ 11:24

Barnaba n nǝ nya. A yii nǝn Yʊwa Kwaamaɨ jǝbɔ nǝtǝm bɨlǝngkɛl. Nǝbɔ a lada a yǝla a bɛ a daagɔ Tɛlalɔ woi.

Maajɨ Bɛtɔ Twamagɨɨ 9:36

Kaa nɔɔlɨ nǝ bwangtǝm Kwaamaɨ wo a Yafa dunɔ nǝn Tabita, (wʊnɨ win jǝbɔ Dokasɨ). Nɔɔlɨ nɨ gǝ maa nǝbɔ gǝm jǝ nyan, jǝbɔ maatǝm tɨkalɨ nǝb bʊnǝnɨ.

Roma 12:18

Na na maa maa nyɨɨ, jǝ́ yɨ yɨm kwamɨgǝn jǝbɔ nǝbɔ gwam.

Roma 12:9

Bɛ swɨkan jenɔ a yǝlam bɨlǝngǝn. Bɛ jǝ́ kɔ jʊ nɨ na a bwɨlaɨ, bɛ jǝ́ ta jʊ nɨ a bʊm bʊmɨ nǝn kwaan dangǝn.

Roma 15:14

Kambɔ, n jǝla nǝn jen, mǝʊ jǝ́ nǝb nyan dangǝn, nǝb nyǝmtǝm nyangǝn, nǝb nɨ a la kanga mɛla kambɔ gǝm lɛɨ.

1 Korinti 12:8

A wini Kwaama a nǝ gǝn lǝma sʊwatǝm kɛl nǝn yʊlan a gola Yʊwa nɨ. A wini a nǝ gǝn lǝma sʊwatǝm kɛl nǝn nyǝmtǝm a gola Yʊwa nɨ tag.

2 Korinti 10:1

Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.

2 Korinti 6:6

Nǝn nʊng nǝn bɛtɔ jwaalɛn Kwaamaɨ a gola sagsag, jǝbɔ nyǝmtǝm, jǝbɔ kʊtǝm nǝl, jǝbɔ maatǝm jǝ nya, nǝn maa a gola Yʊwa Kwaamaɨ, jǝbɔ swɨkan nya.

2 Korinti 7:11

Bɛ jǝ́ dʌng kaltǝm nǝl nɨ Kwaama a dǝg a mʊgɔ nǝl jeni, a maa jemi. Jǝ́ swɨ lɛ jǝ́ maa jʊ nɨ dǝngdǝngɨ. Jǝ́ swɨ lɛ jǝ́ nʊng jǝ́ maa bɔ bwɨlangkɛl. Jǝ́ nyʊwa nabwɨl a bwɨlangkɛlɔ ga maaɨ. Jǝ́ ta kang a nyiyo a jʊ ga maaɨ. Jǝ́ swɨ lɛ jǝ́ kuwo nǝn. Jǝ́ swɨ lɛ jǝ́ maa jʊ mǝ sʊwa jeni. Jǝ́ mwɛ nǝb bwɨlangkɛlɔ dangǝn. A golantɨn nɨ, jǝ́ nʊng mɨ jen nǝn bwɨlangkɛl.

2 Korinti 9:10

Nǝn Kwaama gǝ nǝ nǝbɔ dʊʊmɔ lɛɨ. Nǝn gɔ nǝ jǝjalǝn nɛɨ. Nǝn gɔ sʊ mʊn nyatǝmɔ lɛɨ, sǝ ya jǝ́ tɨka nǝb nɨ lɛ mɨ nǝnɨ.

Afisa 5:9

Jʊ a bwɨɨ nyalǝmɔ nǝn gɔ gǝ bʌ jʊ nɨ lɛ gwam na a nyanɨ, jǝbɔ jʊ nɨ dǝngdǝngɨ, jǝbɔ jʊ nɨ bɨlǝngkɛlɨ.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Filibii 4:8

A dɨltǝmɔ gǝmɨ kambɔ, jǝ́ maa bʊʊlalɨ a jʊ nɨ n bɨlǝngkɛlɨ, jǝbɔ jʊ nɨ na nǝtǝm dʊʊnɨ, jǝbɔ jʊ nɨ dǝngdǝngɨ, jǝbɔ jʊ nɨ sagsagɨ, jǝbɔ jʊ nɨ na swɨtǝmɨ, jǝbɔ jʊ nɨ a daa tʌgoi, jǝbɔ jʊ nɨ a la nǝtǝm dʊʊn jǝbɔ bǝlátǝmɨ. Jǝ́ maa bʊʊlalɨ a dul kanjǝl nɨ gǝm gwam.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

1 Tasalonikaɨ 2:7

Nǝn dʌng jen nɛ kanga nɛ bwɛ gǝ dʌngʌm bɛtɔ lɔ gɨɨ lɛɨ.

1 Timoti 5:21

N mʊrka ń jǝbɔ Kwaama, jǝbɔ Kiristi Yesu, jǝbɔ bɛtɔ twama Kwaamaɨ nɨ ja jǝgamɨ, bɛ ń kɨla kanjǝl nɨ dangǝn, nǝn bɨlǝngǝn. Ka ń maa lɛ swɨtǝm dul.

2 Timoti 2:24

Bwɛ jwaalɛ Tɛlalɔɨ mɨsɔ yǝlam nǝ saatǝm kɨlan nɛ. Bɛ a yǝlam nǝ maatǝm jǝ nya a daagɔ nǝbɔ woi, jǝbɔ nʊ nɨ a nyǝm mɛlalɨɨ, jǝbɔ nǝ kʊtǝm nǝl,

Titus 1:15

Nǝb nǝl sagsagɔ, kanjǝlɔ gwam sagsag a daa ji woi. Nǝb nɨ mɨ nǝn nǝl sagsagɨ, ja nǝ bɔ bɨlǝngkɛlɨ, mɨ kaa jǝl wo sagsag a daa ji woi. Nǝl jinɔ jǝbɔ bʊʊlalɨ jinɔ gwam mɨ sagsag.

Titus 3:2

Ka ja yʊʊla lɛ kaa nǝl. Ka ja maa lɛ kʊkkan. Bɛ ja yǝlam nǝb shigtǝm dul. Ja yǝlam nǝb maatǝm jǝ nyan a daa nǝbɔ woi gwam.

Ibranii 12:11

Mwɛlɔ pʌd nǝn kwama nɔɔtǝm gǝnɨ n jǝ fitǝm nǝl. N ke bɔ jǝ fulotǝm nǝl. A gulɔ gǝm nǝb nɨ a nya mwɛl nyɨɨ, jǝ yɨ yɨ yɨm dǝngdǝng jǝbɔ yɨm kwamɨgǝn.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

Yakubu 1:17

Nǝtǝm jǝ nyan, jǝbɔ yiitǝm lǝma a bɛ a dʌbʌl a daagɔ Tɛtɛ Kwaama woi, wʊnɨ a fwal nyalǝmɔ pʌd a dʌbʌl kwamaɨ. Mɨ gǝ fʌto lɛ wo. Mɨ duuli gǝnɔ gǝ yǝla lɛ wo.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Yakubu 2:13

Jʊ a bwɨɨ nǝn kwama mwɛlɔ, Kwaama mɨsɔ ji bʊnǝn nʊ nɨ lɛ mɨ nǝn bʊnatǝmɨ. Jʊ a bwɨɨ bʊnatǝmɔ laa laa kwaan mwɛlɔ.

Yakubu 2:4

Na jǝ́ maa nyɨɨ, jǝ́ nʊng bɔ swɨtǝm dul a kʊm jen ka? Wɛ a bwɨ jǝ́ mwatɨ borangɔ lɛ nǝn bʊʊlalɨ bwɨlanɨ?

Yakubu 3:15

Yʊlan nɨ ke bɔ a wʊnɨ gǝla lɛ a dʌbʌli, na a yooli nɨɨ. Ke bɔ a sagsag, na a mammɨ.

Yakubu 4:8

Jǝ́ bɨtǝn a daagɔ Kwaama woi. Gǝ tǝgǝn bɨtǝn bɨ tʌgo a jen gǝm. Jǝ́ nǝb bwɨlangkɛlɔ, jǝ́ saalǝm kang jenɔ. Jǝ́ nǝb fentogɔ, jǝ́ saalǝm nǝl jenɔ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Bitrus 2:1

A dul kɛl nɨɨ, jǝ́ bǝla maatǝm shilɔ wo, jǝbɔ swagkatǝmɔ, jǝbɔ maatǝm fento, jǝbɔ nungon, jǝbɔ tuwolkatǝmɔ gwam.

1 Bitrus 2:18

Jǝ́ jwaalɛbɔ, bɛ jǝ́ nǝ shigtǝm dul a tɛlalɔtɨn jenɔ gǝm nǝn nǝtǝm dʊʊn nyangǝn. Ka jǝ́ nǝ lɛ shigtǝm dul a nǝb nɨ gǝm nǝlɔ a yʌb yʌbi kwaaji, jǝ́ nǝ shigtǝm dul a nǝb nɨ gǝm nǝlɔ a shilo shiloi tʌji.

1 Yohana 3:18

Jǝ́ bɛtɔ dwalǝnɔ, ka jǝ́ nʊng lɛ swɨtǝm a ben. Bɛ a yǝlam a maatǝm jǝbɔ bɨlǝngkɛl.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.