Yakubu 2:21 - Dadiya NT

²¹ Nǝn kwama tʊga bǝn Ibrahim a nǝ bʊla gɔ Ishaku a daa twɨtǝm yulʌni, n kɛl dul maajɨ dǝngdǝng gǝnɔ Kwaama a nya gǝn bɔ nǝn bwɨlangkɛlɨ, mɨ nyɔ ka?

Yakubu 2:21 ပူးပေါင်းရင်းမြစ်များ

Matta 12:37

Kɛl mʊnɔ nǝn gɔ jǝg ń nɛɨ, nǝn gɔ nʊng bwɨlangkɛl mʊnɔ lɛɨ.”

Matta 3:9

Bɛ ka jǝ́ sʊwa lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.

Luka 1:73

Nǝn gɔ wɛɛlɨgɔ a wɛɛl tɨya bǝn Ibrahim gǝmɨ:

Luka 16:24

Nǝngɔ a jo jangajǝl gɔ, ‘Ibrahim, n kela ń, ji bʊnǝn mɨɨ, tʊng Liazaru ba dǝg bawuli kang gǝnɔ a mwɛ sǝ a mal mɨ a ben mǝndɨ gǝm. Ya mǝ bʊla lɛ a mʊgɔ kǝla nɨ gǝm.’

Luka 16:30

“Nǝngɔ gɔ, ‘Ɔ ɔ, tɛtɛ Ibrahim. Na nʊ nɨ a kwɛl a bʊla bʊlaɨ a yɔ nǝn kɛlɨ, jǝ yǝla yǝla ja bǝla bwɨlangkɛlɔ.’

Yohana 8:39

Nǝngɔ ja jǝla gǝn gɔ, “Ibrahim nǝn tɨya nǝn.” Nǝngɔ Yesu a jǝla ji gɔ, “Na na jǝ́ bɛtɔ lɔ Ibrahimi, na jǝ́ maa kanjǝl nɨ Ibrahim a maaɨ.

Yohana 8:53

Mʊ bʊʊla mɔʊ ń laa tɨya nǝn Ibrahim ka? Gǝ tǝgǝn a bʊla. A na nyɔ nǝbkuwotǝmkǝgagɔ ja bʊlala. Mɔ bʊʊla mɔʊ nǝmɔ mʊ wo?”

Maajɨ Bɛtɔ Twamagɨɨ 7:2

Nǝngɔ Istifanus a sʊwa ji gɔ, “Jǝ́ kɛtǝlam mǝndɨ jǝbɔ tɛtǝlam mɨɨ, jǝ́ nyʊwa ɨ. Kwaama nǝ dʊʊlǝnɔ a nʊng dul gǝnɔ a daa tʊga bǝn Ibrahim woi, nǝn kwama nɨ gɔ a tǝm Bagadazaɨ, nǝn kwama gɔ lǝga bɔ ga yɨ a Haranɨ.

Roma 3:20

Mɨ nʊ nɨ wo yǝlam lɛ dǝngdǝng a kǝga Kwaamaɨ a gola kɨlatǝm diili, n gola diil bǝ kuwo bwɨlangkɛl bǝnɔ lɛɨ.

Roma 4:1

N wɛ bǝ sʊwa lɛ a dul Ibrahimi, tʊga tʊgalam bǝnɨ a mʊgɔ bʊtɔɨ?

Roma 4:12

Nǝn gɔ tag a yǝlam tɛtɛ nǝb biyotǝm mwɛnɨ, nǝb nɨ ke bɔ biyotǝm mwɛn kwaagɔ jǝ nǝngǝnɨ. Jǝ bwangtǝn gola nǝtǝm bɨlǝngkɛl tʊga bǝn Ibrahimi, wʊnɨ tǝgǝn a bwangtǝn na lǝga bɔ ja biyo gǝm mwɛnɨ.

Roma 4:16

N kɛl dul jʊ nɨ, Kwaama a nǝ kanjǝl nɨ ga maa swatǝm yaaɨ a nǝb nɨ a nǝ bɨlǝngkɛlɨ. Jʊ nɨ nǝn gɔ a yǝlam lǝma Kwaamaɨ, a yɔ nǝn a dʊʊm Ibrahimi. Ke bɔ a dul nǝb nɨ bwangtǝn diil lɛɨ kwaaji. A yɔ nǝn a nǝb nɨ a nǝ bɨlǝngkɛlɨ kanga Ibrahim a maamɨ. Nǝn gɔ nǝn Tɛtɛ bǝn pʌdi.

Ibranii 11:17

N gola nǝtǝm bɨlǝngkɛl Ibrahimi, nǝn kwama Kwaama a tɛl gǝn gɔ a twɨ yulʌn nǝn bʊla gɔ Ishakui, Ibrahim n nʊ nɨ a ta swatǝm yaa nɨɨ. A maa fɛkalɨ twɨtǝm bʊla gɨɨ nɨ win swarɨ.

Yakubu 2:18

Kaa nǝl sʊwa sʊwa gɔ, “Mɔ nǝngǝn nǝn nǝtǝm bɨlǝngkɛl, mǝ nǝngǝn nǝn maajɨtɨn.” Nʊng ɨ nǝtǝm bɨlǝngkɛl mʊnɔ nɨ mɨ nǝn maajɨ nyantɨnɨ, mǝ nʊng ń nʊng ń nǝtǝm bɨlǝngkɛl mǝndɨ nǝn maajɨ nyantɨn.

Yakubu 2:24

Jǝ́ kuwo Kwaama a nya gǝn bɔ nǝn bwɨlangkɛl a dul maajɨ nyan gǝnɔ gǝm. Ke bɔ a dul nǝtǝm bɨlǝngkɛl kwaagɔ.