Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”
Kanga nɨ Kwaama win swar, dǝg nǝb biyotǝm mwɛnɔ lɛ a yǝlam dǝngdǝng a dul nǝtǝm bɨlǝngkɛlɨ, n kanga dǝg nǝb nɨ lɛ a biyo bɔ mwɛnɨ ja yǝlam dǝngdǝng a gola nǝtǝm bɨlǝngkɛl tʌjii.
Gǝ na nyɔ tag, a daa bǝn woi, Kwaamagɔ win, nǝn gɔ nǝn Tɛtɛɨ, wʊnɨ kanjǝlɔ gwam a bɛ a daa gǝ woi, wʊnɨ bǝn tǝbǝn n yɨm gǝn bǝ maa lɛɨ. Tɛlalɔ win, Yesu Kiristi, wʊnɨ n daa gǝ woi kanjǝlɔ gwam a yǝlamɨ, wʊnɨ n daa gǝ woi bǝ nya kʊlɨɨ.
Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.
Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.