Yakubu 2:19 - Dadiya NT

¹⁹ Ń nǝ bɨlǝngkɛl Kwaama win ka? N dǝngdǝng. Nǝblaamɔ tʌji a nǝ bɨlǝngkɛl nyɔ. Bʊtɔ jinɔ ka lɛ kʌbkʌb nǝn taal.

Yakubu 2:19 ပူးပေါင်းရင်းမြစ်များ

Matta 8:29

Nǝngɔ ja ga kwaalɨ gɔ, “Bʊla Kwaamaɨ, n wɛ a mʊrka nǝn jǝbɔ mʊɨ? Mʊ bɛ sǝ ba ń nǝ nǝn gaalan kumɔ a lǝga bɔ a laɨ?”

Markus 1:24

sʊwa lɛ gɔ, “Yesu, bwɛ Nazarat, n wɛ a dǝg ń wo jǝbɔ nǝnɨ? Mʊ bɛ sǝ ba ń jʌbo nǝn ka? N nyǝm mʊ nǝn nuwo! Mʊ nǝ Sagsag Kwaamaɨ.”

Markus 12:29

Yesu a jǝla gǝn gɔ, “Nʊ a laa ji gwamɨ nǝn gɔ, ‘Nǝbɔ Israilaɨ jǝ́ nyʊwa, Tɛlalɔ Kwaama bǝn, n Tɛlalɔ win.

Markus 5:7

A ga kwaalɨ nǝn diil gɔ, “Wɛ a mʊrka ɨ jǝbɔ mʊɨ Yesu Bʊla Kwaamaɨ, Nǝ Dʊʊ? N mʊrka ń jǝbɔ Kwaama ka ń nɨ ɨ lɛ gaalan.”

Markus 7:9

Nǝngɔ a sʊwa ji gɔ, “Jǝ́ nya yʊlan kɔtǝm diil Kwaamaɨ, jǝ́ bwangtǝn jǝfʊlǝn jen!

Luka 4:34

“Yesu, bwɛ Nazarat, n wɛ a dǝg ń wo jǝbɔ nǝnɨ? Mʊ bɛ sǝ ba ń jʌbo nǝn ka? N nyǝm mʊ nǝn nuwo! Mʊ nǝ Sagsag Kwaamaɨ.”

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Maajɨ Bɛtɔ Twamagɨɨ 16:17

Nǝngɔ a tɨtǝn bwangtǝm Bulusi jǝbɔ tangǝn nǝnɔ, gaba kwaalɨ lɛ sʊwa lɛ gɔ, “Nǝb nɨ n bɛtɔ jwaalɛn Kwaamaɨ, Nǝ Dʊʊ. Jǝ sʊwa jen gola nyatǝm bʊʊtǝm.”

Maajɨ Bɛtɔ Twamagɨɨ 19:15

Yʊwa bwɨlagɔ a jǝla ji gɔ, “Yesu n nyǝm gǝn. Bulus tǝgǝn n nyǝm gǝn. A jenɔ, jen nǝn wo?”

Maajɨ Bɛtɔ Twamagɨɨ 24:25

Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”

Roma 3:30

Kanga nɨ Kwaama win swar, dǝg nǝb biyotǝm mwɛnɔ lɛ a yǝlam dǝngdǝng a dul nǝtǝm bɨlǝngkɛlɨ, n kanga dǝg nǝb nɨ lɛ a biyo bɔ mwɛnɨ ja yǝlam dǝngdǝng a gola nǝtǝm bɨlǝngkɛl tʌjii.

1 Korinti 8:4

A kɛl jatǝm jǝjalǝn nɨ ja tǝlam shomɔ gǝm twamaɨ, bǝ nyǝm yooligɔ pʌd, shomɔ mɨ a nyiyo kaa jǝl. Bǝ nyǝm Kwaama nǝn gɔ win swarɨ, mɨ kaa wo.

1 Korinti 8:6

Gǝ na nyɔ tag, a daa bǝn woi, Kwaamagɔ win, nǝn gɔ nǝn Tɛtɛɨ, wʊnɨ kanjǝlɔ gwam a bɛ a daa gǝ woi, wʊnɨ bǝn tǝbǝn n yɨm gǝn bǝ maa lɛɨ. Tɛlalɔ win, Yesu Kiristi, wʊnɨ n daa gǝ woi kanjǝlɔ gwam a yǝlamɨ, wʊnɨ n daa gǝ woi bǝ nya kʊlɨɨ.

Galatiya 3:20

Nʊ nɨ a tɨbǝlɨ, gǝ nʊng a shu nǝl win. Kwaamagɔ win.

1 Timoti 2:5

Kwaama win, nʊ a tɨbǝl bǝn jǝbɔ Kwaamaɨ win. Nǝfili nɨ nǝn Kiristi Yesu,

Yakubu 2:8

Bʊm bʊm na jǝ́ bwangtǝn diil fɔlɔn lɔ Kwaamaɨ, wʊnɨ ja mʊla a mʊgɔ mʊlalɨ kɛl Kwaamaɨ sʊwa lɛ gɔ, “Bɛ swɨ fwalɨ yɨm mʊnɔ na dul mʊnɔ.”

Yahuza 1:4

Kaam nǝb a sʊlam a dɔ kʊm jen, nǝbɔ ja maa mʊlalɨ galɨgǝn a dul jii, ja kwɛl ja mwatɨ jim borangɨ. Nǝb nɨ a bwang bɔ Kwaama gǝmɨ, nǝbɔ a yǝla nǝn lǝma Kwaamaɨ a gola maatǝm bwɨlangkɛlɨ. Ja kɔ Tɛlalɔ bǝn Yesu Kiristi, nǝ dʊʊ bǝnɔ wʊnɨ nǝn gɔ kwaagɔ wini.

Yahuza 1:6

Bɛtɔ twama Kwaamaɨ nɨ a kɨla bɔ dʊʊn jinɔ, ja bǝla daa yɨm dʊʊn jini, a kubʌl ji nǝn golman nɨ mɨ dɨtǝm woi a daa kumtojili, ba la nǝn ji a gʌleng kum borang nɨɨ.

Dʊgam Nyangnyang 20:10

Mammɔ tǝgǝn nǝ swagtǝm jinɔ, jǝ mal gǝn a mʊgɔ gʌto kǝla nɨ twɨ lɛ a fo, a shii, wʊnɨ n daagɔ ja mǝlam yʊwal bwɨla nɨ jǝbɔ nǝkuwotǝmkǝga gabakɛlɔ woi. Jǝ nʊng ji gaalanɔ nɛ wo, kum jǝbɔ kɔkɔ mɨ dɨltǝm wo.