Yakubu 2:12 - Dadiya NT

¹² Bɛ kɛl jenɔ jǝbɔ maajɨ jenɔ a nʊng jǝ́ nǝb nɨ jǝ maa jem borang lɛ a dul diil nɨ nǝ jen jǝgtǝm dul lɛɨ.

Yakubu 2:12 ပူးပေါင်းရင်းမြစ်များ

Luka 4:18

“Yʊwa Kwaamaɨ gǝ na jǝbɔ mǝ, nǝn gɔ a jǝg ɨ gɔ ba n kiyo nǝb bʊnǝnɔ gǝm fulon kɛl lǝmɨɨ. Nǝn gɔ a twam ɨ sǝ n ga wulong jǝgtǝm nǝbɔ a golmanɨ, sǝ n wum kululʌmɔ gǝm nu, sǝ n jǝg nǝb nɨ jǝ bǝm ji lɛɨ,

Yohana 8:32

Jǝ́ nyǝm nyǝm bɨlǝngkɛlɔ, bɨlǝngkɛlɔ nǝn gɔ jǝg jen nɛɨ.”

Galatiya 6:2

Jǝ́ tɨkaka a mʊgɔ gaalan. Maatǝmɔ nyɨɨ, jǝ́ yii yii diil Kiristii.

Filibii 4:8

A dɨltǝmɔ gǝmɨ kambɔ, jǝ́ maa bʊʊlalɨ a jʊ nɨ n bɨlǝngkɛlɨ, jǝbɔ jʊ nɨ na nǝtǝm dʊʊnɨ, jǝbɔ jʊ nɨ dǝngdǝngɨ, jǝbɔ jʊ nɨ sagsagɨ, jǝbɔ jʊ nɨ na swɨtǝmɨ, jǝbɔ jʊ nɨ a daa tʌgoi, jǝbɔ jʊ nɨ a la nǝtǝm dʊʊn jǝbɔ bǝlátǝmɨ. Jǝ́ maa bʊʊlalɨ a dul kanjǝl nɨ gǝm gwam.

Kolosii 3:17

Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.

Yakubu 1:25

A nʊ nɨ a dǝg bʊʊlalɨ gǝnɔ a diil nɨ bɛ lɛ nǝn jǝgtǝm nyanɨ, a ja kǝga nǝn maatǝmɨ, ke bɔ nʊ nɨ nyʊwa lɛ a yǝla a twabǝmɨ, maa lɛɨ, nya nya bwili a mʊgɔ kanjǝl nɨ gǝ maa lɛ gwamɨ.

Yakubu 2:8

Bʊm bʊm na jǝ́ bwangtǝn diil fɔlɔn lɔ Kwaamaɨ, wʊnɨ ja mʊla a mʊgɔ mʊlalɨ kɛl Kwaamaɨ sʊwa lɛ gɔ, “Bɛ swɨ fwalɨ yɨm mʊnɔ na dul mʊnɔ.”