Yakubu 1:4 - Dadiya NT

⁴ Bɛ jǝ́ bǝla kʊtǝm nǝl jenɔ a yii maajɨ gǝnɔ, sǝ a yɔ nǝn jen a yɨm tatǝm dul jǝbɔ yɨm nyangǝn, jǝ́ gaa bɔ kaa jǝl.

Yakubu 1:4 ပူးပေါင်းရင်းမြစ်များ

Matta 10:22

Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Matta 19:20

Nǝngɔ bwayǝlɨ nɨ a sʊwa gǝn gɔ, “N kɨla kɨlaɨ diiltɨn nɨ gwam. N wɛ a taam mɨ mǝ maa lɛɨ?”

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Markus 10:21

Yesu a dʌng gǝn nǝn dʌngtǝm swɨtǝm, nǝngɔ a sʊwa gǝn gɔ, “Jʊ win na a taam mʊnɨ, yɔ ya miyo jʊ gwam mʊ nǝnɨ tǝga nǝb bʊnǝnɔ, mʊ nya nya shilo a dʌbʌl. Sǝla ba ń bwang mɨ.”

Luka 18:22

Kwama Yesu a nyʊwa kɛl nɨɨ, nǝngɔ a gar gǝm gɔ, “Jʊ win swar a taam mʊnɨ. Miyo kanjǝlɔ gwam mʊ nǝngǝnɨ, tǝga nǝb bʊnǝnɔ, mʊ nya nya shilo a dʌbʌl. Sǝ ń bɛ ba ń bwang mɨ.”

Luka 21:19

Na jǝ́ kʊ nǝlɨ, jǝ́ bʊʊ bʊʊ.

Luka 8:15

Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.

Yohana 17:23

Mǝ yɨ yɨ a mʊgɔ jin, mɔ tǝmʊn a mʊgɔ mɨ, sǝ ja yǝlam win nyangǝn, sǝ yooligɔ a nyǝm gɔ nǝmɔ mʊ twam ɨɨ, sǝ ja nyǝm mʊ swɨ ji lɛ kanga mʊ swɨ ɨ lɛɨ.

1 Korinti 2:6

A dul kɛl nɨ, nǝ sʊwa yʊlanɔ wo a nǝb nɨ a kwam a kɛl Kwaamaɨ. Ke bɔ a yʊlan kal nɨ. Ke bɔ a nǝb fɔlɔn yooli nɨ, wʊnɨ shu lɛɨ.

Galatiya 6:9

Bɛ ka bʊtɔ bǝnɔ ya yʌb lɛ a maatǝm maajɨ nya. Na a lʊwa bǝn bɔ bǝ gɨyaɨ, kwamagɔ bɛ lɛ wo bǝ kʌso kʌso bwili.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Timoti 3:17

sǝ bwɛ jwaalɛ Kwaamaɨ a yii dǝngdǝng nǝn fɛkalɨ dangǝn a maajɨ nyan gwam.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Yakubu 3:2

Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Bitrus 1:9

Gwam nʊ nɨ a lɛ kanjǝl nɨ a nǝl gǝnɨ, n kuli, wibo lɛ wiboi. A twabǝm gɔ Kwaama a kǝlǝm gǝm bwɨlangkɛltɨn gǝnɔ galɨgǝnɨ.