Yakubu 1:19 - Dadiya NT

¹⁹ Kɛtǝlam mɨ nɨ mǝ swɨ lɛɨ, bɛ jǝ́ fɛ jǝ́ nyʊwa a bʊm, ka jǝ́ yǝlam lɛ nǝb sʊwatǝm kɛl jǝbɔ maatǝm nabwɨl yagɨ yagɨ.

Yakubu 1:19 ပူးပေါင်းရင်းမြစ်များ

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Markus 12:37

Dauda nǝn kang gǝn a jo gǝn gɔ ‘Tɛlalɔ.’ A maa nyǝn la a yǝlam bʊla gɨɨ?” Nǝbɔ a nyʊwa kɛl nɨ nyɔ a nyiyo Yesui, ja nyʊwa lǝma.

Markus 2:2

Nǝbɔ ba mʊrka a lada nyɔ, mɨ daa wo a mʊgɔ lɔng jǝbɔ nyanga lɔng. Yesu kiyo jim fulon kɛl lǝmɨgɔ lɛ.

Luka 15:1

Nǝb yotǝm kemʌn tǝmɔ jǝbɔ “nǝb bwɨlangkɛlɔ” ja bɛ sǝ ba ja nyʊwa mɛlalɨ Yesui.

Luka 19:48

Kɛl gǝnɔ a kwɛl a dem gom nǝbɨɨ gwam. N jʊ a bwɨ ja nya bɔ jʊ nɨ jǝ maa lɛɨ.

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

Maajɨ Bɛtɔ Twamagɨɨ 10:33

N kɛl dul jʊ nɨ mǝ twam mǝʊ ja jo ńi. Ń maa a bʊm, mʊ bɛɨ. N wɔ nǝn mʊrka a kǝga Kwaamaɨ, sǝ nǝn nyʊwa twamagɔ Tɛlalɔ a sʊwa ńɨ.”

Maajɨ Bɛtɔ Twamagɨɨ 13:48

Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Maajɨ Bɛtɔ Twamagɨɨ 2:42

Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Afisa 4:26

A mʊgɔ nabwɨl jen, ka jǝ́ maa lɛ bwɨlangkɛl. Ka maatǝm nabwɨl jenɔ ya lɛ kwama lɛ.

Afisa 4:31

Bɛ jǝ́ wʊlaka jǝbɔ kanjǝl nɨ gwam, nǝl kɔkan, jǝbɔ gungtǝm nǝl, jǝbɔ nabwɨl, jǝbɔ kɨlan, jǝbɔ kalkatǝm dun, jǝbɔ maatǝm shil nǝn dʌmʌn.

Kolosii 3:15

Bɛ yɨm kwamɨgǝn a Kiristii a maa fɔlɔn a nǝl jen. N kɛl gɔ ja jo jen jǝ́ yǝlam bʊtɔgɔ wini. Bɛ jǝ́ yǝlam nǝb buutǝm kang.

Kolosii 3:8

Kǝngkɔ bɛ jǝ́ bǝla jʊtǝb nɨ wo, nabwɨl, jǝbɔ bʊwaka nǝl, jǝbɔ kɔkan, jǝbɔ kalkatǝm dun, jǝbɔ sʊwalatǝm kanjǝl bwɨla.

1 Tasalonikaɨ 2:13

Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

Yakubu 1:16

Kɛtǝlam mɨ nɨ mǝ swɨ lɛɨ, ka jǝ́ jǝla lɛ ja swag jen.

Yakubu 1:2

Kɛtǝlam mɨ, bɛ jǝ́ dǝg gaalantɨn nɨ tɛl nǝtǝm bɨlǝngkɛl jenɔ lɛɨ a yǝlam jǝ fulotǝm nǝl.

Yakubu 1:26

Na kaa nǝl bʊʊla lɛ gɔ gǝ nǝn jǝfʊlǝnɨ, mɨ ta nyiyo gǝnɔ lɛɨ, gǝ swag dul gǝn. Jǝfʊlǝn gǝnɔ jǝl nǝn kwan.

Yakubu 2:1

Kɛtǝlam mɨ, ka jǝ́ nʊng lɛ swɨtǝm dul a kʊm jen, jʊ a bwɨɨ jǝ́ kwɛl jǝ́ ya nǝtǝm bɨlǝngkɛl jenɔ a daagɔ Tɛlalɔ bǝn Yesu Kiristi woi, nʊ nɨ nǝn Tɛlalɔ Nǝ dʊʊlǝnɨ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

Yakubu 3:10

Nǝn nyiyo gɔ win bǝ maam bǝlátǝm lɛɨ, nǝn gɔ tag bǝ tuwolam nǝb lɛɨ. N wɛ kɛtǝlam mɨ! A bʊm nyɔ ka?

Yakubu 4:11

Kambɔ, ka jǝ́ tolka lɛ. Nʊ nɨ tuwo kɨla gɔ nǝ bwangtǝm lɛɨ, gǝ tuwo diil Kwaamaɨ. Nʊ nɨ maa kɨla gɔ gǝm borang lɛɨ, gǝ maa diil Kwaamaɨ gǝm borang. Na ń maa diil Kwaamaɨ gǝm borangɨ, mɨ mʊ bwangtǝn diil Kwaamaɨ lɛ. Ń nǝ diilɔ bwɨlangkɛl.

Yakubu 5:12

Kɛtǝlam mɨ, jʊ a laa jǝlɨ, ka jǝ́ wɛɛl lɛ wɛɛlɨ nǝn dʌbʌl jǝbɔ tǝm, jǝbɔ kaa jǝl nyɔ. Bɛ jǝ́ sʊwa jengɔ, “Ɔɔ” na dǝngdǝngɨ. Jǝ́ sʊwa jengɔ, “Ɔ ɔ” na mɨ nyɨɨ, kage Kwaama a maa jem mwɛl.

Yakubu 5:19

Kɛtǝlam mɨ, na kaa win a kʊm jen a bǝla gola bɨlǝngkɛlɨ, bɛ kaa a kʊm jen a yǝla nǝn gɔ a gola.

1 Yohana 2:21

Mǝ mʊla jem lɛ a nʊng bɔ jǝ́ nyǝm bɔ bɨlǝngkɛl. Mɨ nyɔ. Mǝ mʊla jem jʊ a bwɨɨ jǝ́ nyǝm nyǝmɨ, jǝ́ nyǝm mɨ gabakɛl gǝ jel lɛ a mʊgɔ bɨlǝngkɛl.