Titus 3:3 - Dadiya NT

³ Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

Titus 3:3 ပူးပေါင်းရင်းမြစ်များ

Matta 21:29

“Nǝngɔ bwɛ a sʊwa gǝn gɔ, gǝ yɔ bɔ. Nǝn gul nǝngɔ a maa bʊʊlalɨ nǝngɔ a shui.

Luka 21:8

Nǝngɔ Yesu a sʊwa ji gɔ, “Bɛ jǝ́ nyǝm ka kaa nǝl a swag jen. Nǝbɔ a lada na jǝ bɛ lɛ a mʊgɔ dun mɨɨ. Jǝ sʊwa lɛ gɔ nǝji ji nǝn mɨɨ, dɨltǝm yooligɔ a dwama! Ka jǝ́ bwang jim lɛ.

Yohana 8:34

Nǝngɔ Yesu a jǝla ji gɔ, “Bɨlǝngkɛl, mǝ sʊwa jen nɛɨ, nʊ nɨ maa bwɨlangkɛl lɛɨ, n bwɛ jwaalɛ bwɨlangkɛl.

Roma 11:30

Kanga galɨgǝn jǝ́ kɔ bwangtǝm Kwaamaɨ, a na nyɔ kǝngkɔ Kwaama a ji bʊnǝn jenɔ a dul kɔtǝm bwangtǝm Kwaamaɨ jinɔ gǝm.

Roma 6:12

Bɛ ka jǝ́ jǝla lɛ bwɨlangkɛlɔ a maa fɔlɔn nǝn bʊtɔ jenɔ nɨ bʊla lɛɨ, kage jǝ́ bwangtǝn kanjǝl bwɨlan nɨ jǝ́ swɨ lɛɨ.

Roma 6:17

Buutǝm kangɔ na a Kwaamaɨ. Galɨgǝn jǝ́ jwaalɛb bwɨlangkɛl. Kǝngkɔ jǝ́ bwangtǝn mɛlalɨ nɨ mǝ nǝ jeni nǝl jenɔ win.

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

Galatiya 6:3

Na kaa nǝl do dul gǝnɔ lɛ gɔ gǝ kaa jǝlɨ, gǝ ke bɔ kaa jǝl, gǝ swag dul gǝn.

Kolosii 1:21

Galɨgǝn jǝ́ kʊtaka jǝbɔ Kwaama. Jǝ́ yǝlam nǝb kiim gǝn a bʊʊlalɨ jenɔ gǝm, nǝb maajɨ bwɨla.

Kolosii 3:7

Galɨgǝn jǝ́ yɔ nyɔ a mʊgɔ yɨm galɨgɔ jǝ́ yɨɨ, nǝn kwama jǝ́ yɨm a kumtojilii.

2 Timoti 3:13

Nǝb bwɨlanɔ jǝbɔ nǝb swagtǝmɔ, n sʊtǝm kaltǝm ya jǝ maa lɛɨ. Jǝ swag kaamɨ lɛ. Kaam nǝbɔ swag ji lɛ tʌji.

2 Timoti 3:6

A kʊm jin kaamɨ wo gǝ waam waam ja dɔ lɔtɨn nǝbɨɨ, sǝ ja swag nɔɔtǝm nɨ mɨ nǝn yʊlanɨ, wʊnɨ bwɨlangkɛlɔ a nɔɔ dul jini, jǝbɔ nǝb dǝlatǝm nu a kanjǝl yoolii.

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

Yakubu 1:26

Na kaa nǝl bʊʊla lɛ gɔ gǝ nǝn jǝfʊlǝnɨ, mɨ ta nyiyo gǝnɔ lɛɨ, gǝ swag dul gǝn. Jǝfʊlǝn gǝnɔ jǝl nǝn kwan.

1 Bitrus 1:14

Jǝ́ yɨ yɨm bɛtɔ nǝtǝm dʊʊn. Ka jǝ́ bwangtǝn nɛ kanjǝl bwɨlantɨn nɨ jǝ́ maa lɛ galɨgǝnɨ, nǝn kwama nɨ jǝ́ nyǝm bɔ Kwaamaɨ.

Dʊgam Nyangnyang 12:9

Nǝngɔ ja mal gʌleng sɔɔ dʊʊ nɨ a tǝmɨ, sɔɔ dʊʊ nɨ galɨgǝn galɨɨ, nǝn gɔ Nǝ bwɨla nɨɨ, Mammɔ, nǝ swagtǝm yooli nɨ. Ja mal gǝn a yooli nɨ dakini jǝbɔ bɛtɔ twama gǝnɔ.

Dʊgam Nyangnyang 13:14

A swag nǝb nɨ yǝm a yooli nɨɨ, nǝn maatǝm kanjǝl laatǝm kang nɨ ja jǝla gɔ ga maa a kǝga yʊwal bwɨla nɨɨ. A dǝg ji ja fɛ kaa bawilom a nyiyo yʊwal bwɨla nɨ, sǝ ja nǝ gǝn dʊʊn. Yʊwal bwɨla nɨ ja nyʊwa gǝm twɨla nǝn gulʌn sul, a bʊʊ.

Dʊgam Nyangnyang 18:2

Nǝngɔ a jo jangajǝl nǝn kwaan gɔ, “A kʌbo! Gʌleng Babilagɔ a kʌbo! A yǝlam lɔ nǝblaamɨ, jǝbɔ daa yɨm yʊwa bwɨlantɨnɔ, jǝbɔ lǝbɨtɨn nɨ a bʊm bɔ kuwotǝmɨ, jǝbɔ yʊwaltɨn nɨ n jǝ kɔtǝmɨ.