Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.
Mǝ Bulus nǝn kang mɨ mǝ kel jen nɛ nǝn shigtǝm dul jǝbɔ nǝl yʌbi a Kiristii. Nǝbɔ sʊwala lɛ gɔ mǝ nǝ taal na mǝ a kʊm jeni. Mǝ nǝ sʊwatǝm kɛl nǝn kwaan na n bǝla jeni.
Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.
Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.
Jǝ́ maa jʊtǝb nɨ jʊ a bwɨɨ, a mʊla mʊlaɨ sʊwa lɛ gɔ, “Pʌd nʊ nɨ swɨ lɛ a nyʊwa lǝma yɨm gǝnɔ a yooli nɨɨ, bɛ ga ta ben gǝnɔ a sʊwalatǝm kɛl bwɨlan bɛ ga ta nyiyo gǝnɔ a sʊwalatǝm kɛl swagtǝm.
A ga keli a nǝb nɨ a dǝg dul a mʊgɔ wɛl bwɨlaɨ, wʊnɨ kal ji lɛɨ, jǝbɔ nǝb nɨ soga fɔlɔlɔm lɛɨ. N nǝb nɨ mɨ nǝn guniduli, nǝb kwamǝn dul, mɨ jǝ nyʊwa taal tuwol yʊwatɨn nɨ lɛ nǝn kwaan dʊʊnɨ.