Titus 1:2 - Dadiya NT

² N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

Titus 1:2 ပူးပေါင်းရင်းမြစ်များ

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Markus 10:17

Yesu a gun sǝ gǝ bǝla daa gɨɨ, nǝngɔ kaa balɨ a bɛ nǝn sʊgɔl ba jʊng a kǝga gǝnɨ, a bʌ gǝn gɔ, “Feyi nyan, n wɛ mǝ maa lɛ sǝ n nya kʊlɨ nɨ mɨ dɨtǝm woi?”

Markus 10:30

nya nya jʊ nɨ a laa jʊ nɨ gǝ nǝngǝnɨ naagɔ fʊlkʊb win a jol nɨ kǝngkɨɨ. Gǝ nya nya lɔtɨn, jǝbɔ kɛb batǝn jǝbɔ a nɔɔtǝn, jǝbɔ nɛb, jǝbɔ bɛtɨ, jǝbɔ twamtɨn, jǝbɔ gaalantɨnɔ a jol nɨ bɛ lɛ a kǝgaɨ, nya nya kʊlɨ nɨ mɨ dɨtǝm woi.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Yohana 6:54

Na nʊ nɨ a wo nam bʊtɔ mǝndɨ, a nɔɔ tʊʊm mǝndɨ, nǝngǝn nǝn kʊlɨ nɨ mɨ dɨtǝm woi, mǝ gung gǝn gung a kɔkɔ dɨltǝm tag.

Yohana 6:68

Nǝngɔ Saminu Bitrus a jǝla gǝn gɔ, “Tɛlalɔ, nǝ yi a daa woi? Mɔ nǝngǝn nǝn kɛl nɨ nǝ kʊlɨ lɛ mɨ dɨltǝm woi.

Maajɨ Bɛtɔ Twamagɨɨ 15:18

Tɛlalɔ nɨ a maa kanjǝlɔ gwamɨ, a sʊwa nyɨɨ.’ “A nʊng kanjǝl nɨ joltɨnɔ a gǝlala.

Roma 1:2

Fulon kɛl lǝmɨ nɨ Kwaama a maa swatǝm yaa gǝnɔ galɨgǝn a nyiyo nǝbkuwotǝmkǝga gǝnɨ, kanga ja mʊla a mʊgɔ langǝn bwangǝntɨn Kwaamaɨ sagsagɨ.

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Roma 5:2

N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Roma 5:4

Bwatǝm nǝlɔ nǝn gɔ gǝ bɛ lɛ nǝn nǝl nyaɨ. Nǝl nyagɔ tag nǝn gɔ bɛ lɛ nǝn yatǝm nǝlɨ.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

1 Tasalonikaɨ 2:15

N nǝbɔ a jʌ Tɛlalɔ Yesu jǝbɔ nǝbkuwotǝmkǝgagɨɨ, ja kaa nǝnɨ. Mɨ jǝ maa maajɨ nɨ lɛ Kwaama swɨ lɛɨ. N nǝb kɔtǝm nǝbɨɨ gwam.

1 Tasalonikaɨ 5:8

A bǝnɔ, bǝ na a yɨm nyalǝm. Bɛ bǝ yɨ yɨm tɔɔtǝm. Bɛ bǝ dʊʊ bɛllɛ kemʌn a nǝtǝm bɨlǝngkɛlɔ jǝbɔ swɨkan. Bɛ bǝ sum bule kemʌn na yatǝm nǝl a nyatǝm bʊʊtǝm.

1 Timoti 6:12

Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.

1 Timoti 6:19

Nǝn gɔ n gola nɨ jǝ ya dul jinɔ gǝm shilo lɛɨ, wʊnɨ nǝn gɔ n fʌlʌm nyan a kǝga nɨɨ, sǝ ja kwal kʊlɨ nɨ n bɨlǝngǝnɨ.

2 Timoti 1:1

Nǝmǝ mǝ Bulus bwɛ twama Kiristi Yesui nǝn jǝlatǝm Kwaamaɨ, sǝ n sʊwa swatǝm yaa kʊlɨ nɨ a mʊgɔ Kiristi Yesui.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

2 Timoti 2:13

Na bǝ ta bɔ swatǝm yaa bǝnɨ, a gǝnɔ mɨsɔ bǝla tatǝm swatǝm yaa gǝnɔ lɛ, jʊ a bwɨɨ mɨsɔ kana dul gǝnɔ lɛ.

2 Timoti 2:15

Bɛ ń sʊtǝn kwaan maajɨ, sǝ ń yǝlam nǝ jǝlatǝm a daagɔ Kwaama woi, nǝ maajɨ nɨ mɨ gola nɨ wo nyʊwa gunidul lɛɨ, wʊnɨ mɛla bɨlǝngkɛlɔ lɛ dǝngdǝngɨ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Titus 2:7

A mʊgɔ kanjǝlɔ gǝm gwam bɛ ń nʊng gola maajɨ nyan a golantɨnɔ gǝm gwam. Bɛ ń maa mɛlalɨ mʊnɔ nǝn bɨlǝngǝn nǝn kwaan bʊtɔ,

Titus 3:7

A maa nyɔ sǝ a jǝg bǝn nǝn lǝma gǝnɔ sǝ bǝ yǝlam nǝb jatǝm kʊla, nǝb yatǝm nǝl a kʊlɨ nɨ mɨ dɨtǝm woi.

1 Yohana 2:25

Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Yahuza 1:21

Jǝ́ tɨ tʌgo a swɨtǝm nɨ Kwaama maa bǝm lɛɨ, kanga jǝ́ yam bʊnatǝm Tɛlalɔ bǝn Yesu Kiristii lɛɨ, wʊnɨ yɔ lɛ nǝn jen a yɨm kʊlɨ nɨ mɨ dɨtǝm woi.

Dʊgam Nyangnyang 13:8

Nǝb nɨ yǝm gwam a yooli nɨɨ, jǝ jʊng jʊng ja maa yʊwal bwɨla nɨ gǝm bǝlátǝm, na ke bɔ nǝb nɨ a tǝltǝm yooli nɨ ja mʊla dun jinɔ a mʊgɔ langǝn bwangǝn kʊlɨ nɨɨ. Langǝn bwangǝn kʊlɨ nɨ na a Bɛ Gal nɨ ja biyoi.

Dʊgam Nyangnyang 17:8

Yʊwal bwɨla nɨ mʊ kuwoi, galɨgǝn wo, kǝngkɔ mɨ wo. Gwi gwi a bʊwa nɨ mɨ dɨltǝm woi, sǝ a yɔ a daa nɨ jǝ jʌm gǝn nɛɨ. Nǝbɔ yǝm a yooli nɨɨ, nǝb nɨ a tǝltǝm fwaltǝm yooligɔ gǝmɨ, ja mʊla bɔ duntɨn jinɔ a mʊgɔ langǝn bwangǝn kʊlɨ nɨɨ, jǝ ta ta kang a nyiyo a kuwotǝm yʊwal bwɨla nɨ, jʊ a bwɨɨ galɨgǝn wo, kǝngkɔ mɨ wo, yǝla bɛ bɛ.