Roma 9:30 - Dadiya NT

³⁰ N wɛ bǝ sʊwa lɛ tagɨ? Nǝb nɨ n Bʌtʌb ja saa bɔ dǝngdǝng Kwaamaɨ n wɔ ja nya. Ja nya dǝngdǝng nɨ a gola nǝtǝm bɨlǝngkɛl.

Roma 9:30 ပူးပေါင်းရင်းမြစ်များ

Roma 10:10

N nǝl nǝfili gǝ nǝ bɨlǝngkɛl lɛɨ sǝ a yǝlam nǝ dǝngdǝngɨ. N nyiyo nǝfili gǝ sʊwa bwɨlangkɛl gǝnɔ lɛɨ sǝ a nya bʊʊtǝmɨ.

Roma 10:20

Ishaya a jel nyangnyang a sʊwa gɔ, Kwaama a sʊwa gɔ, “Nǝb nɨ a saa ɨ bɨɨ, ja nya ɨ. Nǝb nɨ mǝ nʊng dul mǝndɨ a daa ji woi n nǝbɔ a bʌ i bɨɨ.”

Roma 10:6

A kaa gola, yɨm dǝngdǝng nɨ a gola nǝtǝm bɨlǝngkɛlɨ a sʊwa gɔ, “Bɛ ka ń sʊwa lɛ a mʊgɔ nǝl mʊn mɔʊ, ‘Nuwo gwi dʌbʌl kwama lɛɨ?’ ” (Sǝ a shig Kiristi woi).

Roma 3:5

Na maajɨ bwɨla bǝnɔ a nʊng gɔ Kwaama n nǝ dǝngdǝngɨ, n wɛ bǝ sʊwa lɛɨ? Bǝ sʊwa sʊwa bǝngɔ Kwaama a maa jǝ bwɨla a mwɛ bǝnɨ ka? (Mǝ sʊwa kɛl nǝfilii.)

Roma 4:11

Biyotǝm mwɛn nɨ ja maa gǝmɨ, gǝ nʊng dǝgtǝm kang gǝ ga yǝlam dǝngdǝng a gola nǝtǝm bɨlǝngkɛl nɨ gǝ nǝngǝn na lǝga bɔ ja biyo gǝm mwɛnɨ. N jʊ nɨ a dǝg gǝn ga yǝlam tɛ bwɛ a nʊ nɨ gwam a nǝ bɨlǝngkɛlɨ, ja biyo bɔ mwɛn, ja kiyo ji a mʊgɔ nǝb dǝngdǝng.

Roma 4:13

Swatǝm yaa nɨ ja maa Ibrahim gǝm jǝbɔ dʊʊm gǝnɨ, sʊwa lɛ gɔ ja ja kʊla yooligɨɨ, a bɛ bɔ a gola diil. N gola dǝngdǝng nɨ jǝ nya lɛ a gola nǝtǝm bɨlǝngkɛlɨ.

Roma 4:22

N jʊ a bwɨ “Kwaama a kiyo nǝtǝm bɨlǝngkɛl gǝnɔ n dǝngdǝngɨ.”

Roma 4:9

Bwili nɨ Kwaama a maam nǝbɔ a biyo mwɛnɨ kwaaji ka? A maa nǝb nɨ gǝm wo a biyo bɔ mwɛnɨ tʌji ka? Jʊ bǝ sʊwa lɛɨ nǝn gɔ, “Kwaama a kiyo nǝtǝm bɨlǝngkɛl Ibrahimi n dǝngdǝng a daa gǝ woi.”

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 9:14

N wɛ tag bǝ sʊwa lɛɨ? Kwaama mɨ dǝngdǝng ka? A fee, mɨ nyɔ!

Roma 9:31

Nǝbɔ Israilaɨ a sɨn saatǝm gola dǝngdǝng Kwaamaɨ a bwangtǝm diili, n wɔ ja nya bɔ.

Galatiya 2:16

Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

Galatiya 3:24

Diil nɨ a yǝlam bwaɨ bǝn, wʊnɨ a yɔ nǝn bǝn a kwama Kiristi a bɛmɨ, sǝ bǝ yǝlam nǝb dǝngdǝng a kǝga Kwaamaɨ a gola nǝtǝm bɨlǝngkɛl.

Galatiya 3:8

Kɛl Kwaamaɨ a kwɛl a mʊla mʊlaɨ sʊwa lɛ gɔ, Kwaama dǝg dǝg Bʌtʌbɔ a yǝlam nǝb dǝngdǝng a gola nǝtǝm bɨlǝngkɛl a daa gǝ woi. N jʊ a bwɨ galɨgǝn ja kiyo Ibrahim gǝm fulon kɛl lǝmɨgɔ gɔ, “N dul mʊn nǝbɔ yoolii nɨ gwam nya bwili lɛɨ.”

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.

Afisa 2:12

Bɛ jǝ́ bʊʊla galɨgǝn jǝ́ nyǝm bɔ Kiristi. Jǝ́ Bʌtʌb a daagɔ nǝbɔ Israilaɨ. Jǝ́ faabǝm a swatǝm yaa nɨ Kwaama a maa jimi. Jǝ́ yǝm a yooli nɨ mɨ jen nǝn yatǝm nǝl. Mɨ jen nǝn Kwaama.

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.

1 Timoti 6:11

Mɔ bwɛ jwaalɛ Kwaamaɨ, bɛ ń mwal bwɨlang kanjǝl nɨ. Bɛ ń dǝg dul mʊnɔ a maajɨ nɨ dǝngdǝngɨ, jǝbɔ bwangtǝm Kwaamaɨ, jǝbɔ nǝtǝm bɨlǝngkɛl, jǝbɔ swɨkan, jǝbɔ kʊtǝm nǝl, jǝbɔ yʌbtǝm dul.

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.

1 Bitrus 4:3

Jǝ́ kwɛl jǝ́ tɨla dangǝn a yɨm nɨ jǝ́ yɨ galɨgǝnɨ, wʊnɨ Bʌtʌbɔ swɨ maatǝm lɛɨ, a wʊlam nyɔ. Kanjǝl nɨ nǝn gɔ maatǝm bulon, jǝbɔ maatǝm wɛl, jǝbɔ yǝlatǝm dul, jǝbɔ nɔɔlatǝm jǝl ya maa jen nɛ, jǝbɔ jalatǝm kanjǝl bwɨlan nɨ a bʊm bɨɨ, jǝbɔ boga fʌl, jǝbɔ bwangtǝm bwɨlang shomtɨn.