Roma 9:3 - Dadiya NT

³ Na na maa maa nyɨɨ, bɛ ja lag ɨ, ja wʊlaka ɨ jǝbɔ Kiristi a kɛl dul kɛtǝlam mɨɨ, nǝbam nyiyo mǝndɨ.

Roma 9:3 ပူးပေါင်းရင်းမြစ်များ

Maajɨ Bɛtɔ Twamagɨɨ 13:26

“Kambɔ, dʊʊm Ibrahimi jǝbɔ jen Bʌtʌbɔ nyʊwa taal Kwaamaɨ lɛɨ, n daagɔ bǝn woi ja twam kɛl bʊʊtǝm nɨɨ.

Maajɨ Bɛtɔ Twamagɨɨ 22:5

Dalɨ nǝkǝlagɔ jǝbɔ mʊrkalɨ nǝb dʊʊm nǝbɨɨ gwam jǝ nǝ nǝ nyiyo a dul mɨ. N daa ji woi mǝ yo langǝn bwangǝn na yɔmɔ a daagɔ kɛtǝlam bǝnɔ woi, Yahudawa nɨ a Dimaskaɨ. Mǝ shu wo sǝ ya n bwaba nǝb nɨ bwangtǝn golagɔ lɛ fʌleni, sǝ n bɛ nǝn ji a Urushalima, ja nǝ ji gaalan.

Maajɨ Bɛtɔ Twamagɨɨ 28:21

Nǝngɔ ja sʊwa gǝn gɔ, “Nǝn nya bɔ langǝn bwangǝn a dul mʊn a Yahudiya. Mɨ kaa kɨla nǝn nɨ wo, a bɛ fɔ nǝn katǝm kɛl mʊnɨ, a sʊwa kɛl nɨ a bʊm bɔ a dul mʊnɨ.

Roma 1:3

Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

Roma 11:1

Mǝ maa bʌtʌm lɛ, Kwaama a yǝla nǝbam gǝnɔ gǝm gul ka? A fee! Mɨ nyɔ dǝm! Mǝ tǝmɨ nǝn dul mɨ mǝ bwɛ Israila, a guu Ibrahimi, a dʊʊm Biliyaminui.

Roma 11:14

Mǝ maa nyɔ sǝ n dǝg nǝb nɨ n nyiyo mɨ nungon, sǝ n dǝg kaam jinɔ a nya bʊʊtǝm.

Roma 16:11

Jǝ́ yal Hirudiyan, nʊ nɨ nǝn kɨla mɨɨ. Jǝ́ yal nǝb bwangtǝm nɨ a mʊgɔ Tɛlalɔɨ a lɔ Narkisasɨ.

Roma 16:21

Timoti fwalɨ maajɨ mǝndɨ, yal jen nɛ. A na nyɔ Lukiyas jǝbɔ Yason jǝbɔ Susibataras, kɛtǝlam mǝndɨ, jǝ yal jen nɛ.

Roma 16:7

Jǝ́ yal Andaranikas jǝbɔ Yuniyas nǝb nɨ n kɛtǝlam mɨɨ. N nǝbɔ a lɔsomi jǝbɔ mɨɨ, nǝb nɨ ja kwɛl ja nyǝm ji nyǝmɨ nyangǝn a mʊgɔ bɛtɔ twamagɨɨ. Ja kwɛl ja laa ɨ laa ɨ nǝtǝm bɨlǝngkɛl a mʊgɔ Kiristii.

Roma 9:2

mǝ nǝn fitǝm nǝl jǝbɔ komʌn nɨ mɨsɔ dɨ lɛ woi a mʊgɔ nǝl mɨ.

1 Korinti 12:3

A na nyɔ mǝ sʊwa jen nɛ, gɔ mɨ nǝn nʊ nɨ sʊwa kɛl lɛ nǝn Yʊwa Kwaamaɨ sǝ a sʊwa gɔ, “N lag Yesui!” Mɨ nǝn nʊ nɨ sʊwa lɛ gɔ, “Yesu nǝn Tɛlalɔɨ,” na ke bɔ a daagɔ kwaan Yʊwa Kwaamaɨ woi.

1 Korinti 16:22

Nʊ nɨ gwam mɨ swɨ Tɛlalɔ lɛɨ, bɛ a yǝlam nǝ lagtǝm. Tɛlalɔ bǝn, bɛ!

2 Korinti 12:15

Mǝ jʌ jʌ jǝ kang mǝndɨ gwam, jǝbɔ kumtɨn mǝndɨ gwam, nǝn fulotǝm nǝl a kɛl dul jen. Na n sʊtǝn swɨtǝm jeni, jǝ́ shig shig swɨtǝm mǝndɨ ka?

Galatiya 1:8

Mǝ sʊwa jen nɛ, na kaa nǝl a bɛ a daa jen woi nǝn kaa fulon kɛl ke bɔ a wʊnɨ nǝn sʊwa jen nǝn tɨkǝgaɨ, na n bwɛ twama Kwaamaɨ wʊnɨ a dʌbʌli, na nǝnǝn nǝn kang nǝnɨ, bɛ a yǝlam nǝ lagtǝm!

Galatiya 1:9

Kanga nǝn kwɛl nǝn sʊwa jen nǝn tɨkǝgaɨ, mǝ yǝla mǝ sʊwa jen nɛ tʌgo mǝʊ, na kaa nǝl a sʊwa jen kaa fulon kɛl nǝn kwanɨ, ke bɔ a wʊnɨ jǝ́ kwɛl jǝ́ nyʊwa, jǝ́ yoi, bɛ a yǝlam nǝ lagtǝm.

Galatiya 3:10

Nǝb nɨ gwam kuwo lɛ gɔ Kwaama yo ji yo a gola bwangtǝm diili, ja lag ji. Mʊlalɨ kɛl Kwaamaɨ a sʊwa gɔ, “Gwam nʊ nɨ a bwangtǝn bɔ jʊ nɨ gwam ja mʊla a langǝn bwangǝn mʊlalɨ diilɔ gǝmɨ, ja lag gǝn.”

Galatiya 3:13

Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”

Afisa 6:5

Jǝ́ jwaalɛbɔ, jǝ́ bwang tɛlalɔtɨn jenɔ gǝm nǝn shigtǝm dul jǝbɔ taal, nǝn nǝl nyan, kanga jǝ́ bwang Kiristi gǝm lɛɨ.