Roma 9:16 - Dadiya NT

¹⁶ Nʊ nɨ Kwaama a jǝgǝmɨ, a na bɔ a dul jʊ nɨ nǝfili swɨ lɛɨ, ke bɔ kwaan gǝn, n bʊnatǝm Kwaamaɨ kwaagɔ.

Roma 9:16 ပူးပေါင်းရင်းမြစ်များ

Matta 11:27

“Kanjǝlɔ gwam Tɛtɛ mɨ a nɨ ɨ nɨ ɨɨ. Mɨ nǝn nʊ nɨ a nyǝm Bwɛɨ, na ke bɔ Tɛ bwɛɨ. Mɨ nǝn nʊ nɨ a nyǝm Tɛ bwɛɨ, na ke bɔ Bwɛɨ jǝbɔ nʊ nɨ Bwɛ swɨ lɛ a fɛta ji ja nyǝm Tɛ bwɛɨ.

Matta 4:8

Nǝngɔ mammɔ a do gǝn a yɔ nǝn gɔ a yem nɨ a deba nyɨɨ. Nǝngɔ a nʊng gǝn fɔlɔn yooli nɨ gwam jǝbɔ dʊʊlǝn jini.

Luka 10:21

Nǝn kwama gɔ, Yesu maa fulotǝm nǝl lɛ nǝn Yʊwa Kwaamaɨ, a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ. Tɛtɛ, n jʊ mʊ swɨ maatǝmɨ.

Yohana 3:8

Yʊwagɔ gǝ fʌl gǝ yɔ a daa nɨ a swɨɨ, mʊ nyʊwa diil gǝnɔ lɛ, mʊ nyǝm bɔ daagɔ a jelʌmi jǝbɔ daagɔ yilom woi. A na nyɔ dangǝn jǝbɔ nʊ nɨ a nya bʌtʌm Yʊwa Kwaamaɨ.”

Roma 9:11

Nǝn kwama a lǝga bɔ a bʌ bɛtɨ yo nɨɨ, nǝn kwama ja lǝga bɔ ja maa jʊ nɨ a bʊmɨ jǝbɔ jʊ nɨ a bʊm bɨɨ, Kwaama a sʊwa gǝn gɔ, “Bwɛ dʊʊnɔ nǝ nǝ bwɛ dwalɨgɔ dʊʊn.” Kwaama a sʊwa nyɔ sǝ a nʊng nʊ nɨ gǝ jǝgǝmɨ, a jǝg gǝn a gola jǝlatǝm gǝn, ke bɔ a dul makajǝng nyantɨn, n jotǝm gǝn.

Galatiya 2:2

Kwaama a nʊng ɨ a mʊgɔ dʊgam nyangnyang gɔ n shui. Mǝ la fʌleni, nǝngɔ nǝn tǝgaka nǝbɔ nǝb nɨ ja do ji gɔ dʊʊm nǝb bwangtǝmɨ. Nǝngɔ mǝ fɛta ji kanga mǝ sʊwam fulon kɛl lǝmɨ nɨ lɛ a daa Bʌtʌbi. Mǝ sʊwa ji jʊ nɨ jǝ kwaaji, kage maajɨ nɨ mǝ maa lɛɨ, jǝbɔ maajɨ nɨ mǝ kwɛl mǝ maaɨ, a yɔ nǝn kwan.

Afisa 2:8

N gola lǝma Kwaamaɨ a bʊʊ nǝn jen a nǝtǝm bɨlǝngkɛlɨ. N ke bɔ kwaan dul jen. N nǝtǝm lǝma a daagɔ Kwaama woi.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.