Roma 8:9 - Dadiya NT

⁹ Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.

Roma 8:9 ပူးပေါင်းရင်းမြစ်များ

Luka 11:13

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ Yʊwa Kwaamaɨ lɛ a nǝb nɨ a kela gǝnɨ!”

Yohana 14:17

Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

Yohana 14:23

Nǝngɔ Yesu a jǝla gǝn gɔ, “Gwam nʊ nɨ swɨ ɨ lɛɨ, kɨla kɨla kɛl mǝndɨ. Tɛtɛ mɨ tǝgǝn swɨ gǝn swɨ. Mǝ nǝbɔ Tɛtɛ mɨ nǝn bɛ bɛ a daa gǝ woi, sǝ nǝn yɨ dakini nǝbɔ gɔ.

Yohana 3:34

Nʊ nɨ Kwaama a twamɨ, gǝ sʊwa kɛl Kwaamaɨ, jʊ a bwɨɨ nǝn Kwaama a nǝ gǝn Yʊwa gǝnɔ mɨ dɨtǝm woi.

Yohana 3:6

Jʊ nɨ nǝfili a bʌi, n bʊtɔ bǝn. Jʊ nɨ Yʊwa Kwaamaɨ a bʌi, n yʊwa.

Maajɨ Bɛtɔ Twamagɨɨ 16:7

Nǝn kwama ja bɛ a yǝga tǝm Misiyaɨ, jǝ swɨ lɛ ja yɔ a tǝm Bitiniyaɨ, Yʊwa Yesui a jǝla jim bɔ.

Roma 7:5

Nǝn galɨgǝn bǝ bwangtǝn bʊtɔ lɛɨ, wɛl bwɨlanɔ a gun a gola diil, n jʊ maa maajɨ lɛ a bʊtɔ bǝnɨ, n jʊ gʊ bǝm bwaa lɛɨ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

1 Korinti 15:23

Gwam bǝnɔ Kwaama gung bǝn gung win win. Kiristi nǝn gɔ tɨkǝga guntǝmɨ, na a yǝla a bɛɨ, nǝbam gǝnɔ gwam gun gun.

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

1 Korinti 6:17

Nʊ nɨ a mʊrka dul gǝnɔ jǝbɔ Tɛlalɔɨ, a yǝlam win jǝbɔ gɔ a yʊwa.

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

2 Korinti 10:7

Jǝ́ dʌng jʊ nɨ a talɨ! Na nǝl a jǝla gɔ gǝ na a Kiristii, bɛ ga nyǝm gɔ nǝn tǝnǝn nǝ na nyɔ.

2 Korinti 6:16

N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Afisa 1:13

N daa Kiristii, jen tʌjen jǝ́ yǝlam nǝb Kwaamaɨ nǝn kwama jǝ́ nyʊwa kɛl bɨlǝngkɛlɨ, fulon kɛl lǝmɨ nyatǝm bʊʊtǝm jenɔ. Nǝn kwama jǝ́ nǝ bɨlǝngkɛl a daagɔ Kiristi woi, Kwaama a ka jem kwatɨ. Kwatɨ nɨ n Yʊwa Kwaamaɨ wʊnɨ a swa yaa gǝ nǝ bǝn nǝɨ.

Afisa 2:22

N daa gǝ woi tag ja mɔ jen dakini jǝbɔ tangǝnɨ sǝ jǝ́ yǝlam daa yɨm Kwaamaɨ a gola Yʊwa gǝn.

Afisa 3:17

sǝ Kiristi a yɨ a mʊgɔ nǝl jen a gola nǝtǝm bɨlǝngkɛl. Mǝ maa keli lɛ tag bɛ swɨkanɔ a yǝlam jʊ nɨ jǝ́ ywɔ jʌng jenɔ woi, n daagɔ jǝ́ swa fʌlʌm jenɔ woi.

Filibii 1:19

jʊ a bwɨɨ n nyǝm mǝʊ n gola keli jenɔ jǝbɔ tɨkalɨ Yʊwa Yesu Kiristii nǝn gɔ jǝg ɨ lɛɨ.

2 Timoti 1:14

Jǝ bʊmɨ nɨ Kwaama a nǝ ńɨ, bɛ ń tɔɔ gǝn a gola tɨkalɨ Yʊwa Kwaamaɨ, a wʊnɨ yǝm a mʊgɔ nǝl bǝnɨ.

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

1 Yohana 3:24

Nǝb nɨ gwam bwangtǝn diil Kwaamaɨ lɛɨ, yǝm a mʊgɔ gǝn, gǝ tǝgǝn yǝm a mʊgɔ ji. Bǝ nyǝm bǝngɔ gɔ yǝm a mʊgɔ bǝn, jʊ a bwɨɨ a nǝ bǝn Yʊwa gǝnɔ.

1 Yohana 4:13

N gola nɨ bǝ nyǝm nyɔ bǝ yǝm a kʊm gǝnɨ, gǝ tǝgǝn yǝm a kʊm bǝnɨ, jʊ a bwɨɨ n Yʊwa gǝnɔ a nǝ bǝnɨ.

1 Yohana 4:4

Jǝ́ bɛtɔ dwalǝnɔ, jen jǝ́ na a Kwaamaɨ, jǝ́ ku jelʌn a dul nǝb nɨɨ, jʊ a bwɨɨ nʊ nɨ a mʊgɔ nǝl jeni a laa kwaan nʊ nɨ a yooli nɨɨ.

Dʊgam Nyangnyang 13:8

Nǝb nɨ yǝm gwam a yooli nɨɨ, jǝ jʊng jʊng ja maa yʊwal bwɨla nɨ gǝm bǝlátǝm, na ke bɔ nǝb nɨ a tǝltǝm yooli nɨ ja mʊla dun jinɔ a mʊgɔ langǝn bwangǝn kʊlɨ nɨɨ. Langǝn bwangǝn kʊlɨ nɨ na a Bɛ Gal nɨ ja biyoi.

Dʊgam Nyangnyang 20:15

Nʊ nɨ ja mʊla bɔ dun gǝnɔ a mʊgɔ langǝn bwangǝn kʊlɨɨ, jǝ mam gǝn fʌlen a mʊgɔ gʌto kǝla.