Roma 8:7 - Dadiya NT

⁷ Pʌd nʊ nɨ nǝl gǝnɔ gǝ na a kanjǝl bʊtɔɨ, a yǝlam nǝ kii Kwaamaɨ, jʊ a bwɨɨ mɨ bwangtǝn diil Kwaamaɨ lɛ, mɨsɔ dwal lɛ a maa.

Roma 8:7 ပူးပေါင်းရင်းမြစ်များ

Matta 12:34

Jǝ́ faatɨn! Jǝ́ nyǝm sʊwatǝm kɛl nyanɔ nyǝn, jen nɨ jǝ́ nǝb bwɨlanɨ? Jʊ a mʊgɔ nǝlɨ, n jʊ jel lɛ a nyiyoi.

Matta 5:19

Nʊ nɨ a mǝla bɛ diilɔ win a mʊgɔ diiltɨnɔ gǝmɨ, a mɛla nǝbɔ gǝm nyɨɨ, jǝ sʊwa gǝn gɔ nǝn gɔ ga maa dǝm a mʊgɔ fɔlɔn lɔ Kwaamaɨ. A nʊ nɨ a bwangtǝn a mɛla jimi, jǝ sʊwa gǝn gɔ nǝn gɔ gǝ nǝ dʊʊɨ a fɔlɔn lɔ Kwaamaɨ.

Yohana 7:7

A jenɔ yooligɔ mɨsɔ kɔ jen nɛ. A mǝndɨ a kɔ ɨ, jʊ a bwɨɨ n sʊwala gǝn bwɨlang kanjǝl nɨ gǝ maa lɛɨ.

Roma 1:28

Kanga ja kɔ jǝlatǝm nyǝmtǝm Kwaamaɨ, Kwaama a bǝla ji nǝn bʊʊlalɨ bwɨla jinɔ, sǝ ja maa jǝ gunidul.

Roma 1:30

jǝbɔ nǝb kalkan, jǝbɔ nǝb kɔtǝm Kwaamaɨ, jǝbɔ nǝb gungtǝm dul, jǝbɔ nʊngtǝm latǝm nyɔ, jǝbɔ nǝb fɛkalɨ maatǝm shil, jǝbɔ nǝb nɨ mɨ bwangtǝn tɛb lɛɨ,

Roma 3:31

Bǝ kalǝm diilɔ a gola nǝtǝm bɨlǝngkɛl nɨ ka? Ɔ ɔ, mɨ nyɔ! N jǝlatǝm nǝn bǝ maaɨ.

Roma 5:10

Na a kwamagɔ bǝ nǝb kiim Kwaamaɨ, ja dɔ kʊm bǝnɔ ja fɛka bǝn a gola bwaa Bʊla gɨɨ, la na nyǝn, na ja dɔ kʊm bǝnɔ ja fɛka bǝnɨ, bǝ bʊʊ bʊʊ a gola kʊlɨ gǝnɔ gǝm!

Roma 7:22

Mǝ a mʊgɔ nǝl mɨɨ, nǝl mɨɨ a fulo nǝn diil Kwaamaɨ.

Roma 8:4

Kwaama a maa jʊ nɨ sǝ kanjǝl nɨ dǝngdǝngɨɨ wʊnɨ diilɔ a sʊwa gɔ bǝ maaɨ, a nya yiitǝm a daa bǝn woi, bǝn nɨ ke bɔ yɨm bwangtǝm bʊtɔ bǝ maa lɛɨ, na a Yʊwagɨɨ.

1 Korinti 2:14

Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ.

1 Korinti 9:21

A daagɔ nǝb nɨ mɨ a mʊgɔ diili, n yǝlam na nʊ nɨ mɨ a mʊgɔ diili, jʊ a bwɨɨ sǝ n gʊ nǝb nɨ mɨ a mʊgɔ diili a daa Kiristi woi. Mǝ sʊwa bɔ mǝʊ mɨ kaa diil Kwaamaɨ nɨ wo nǝngǝn nǝn kwaan a dul mɨɨ. Mɨ nyɔ. Diil Kiristii gǝ na a dul mɨ.

Kolosii 1:21

Galɨgǝn jǝ́ kʊtaka jǝbɔ Kwaama. Jǝ́ yǝlam nǝb kiim gǝn a bʊʊlalɨ jenɔ gǝm, nǝb maajɨ bwɨla.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

2 Timoti 3:4

jǝbɔ nǝb katǝm naa, jǝbɔ nǝbɔ mɨ nǝn bʊʊlalɨɨ, jǝbɔ nǝb sogan, jǝbɔ nǝbɔ swɨ lǝma lɛ a laa jim swɨtǝm Kwaamaɨ.

Ibranii 8:10

Mǝ Tɛlalɔ, n sʊwa mǝʊ, wʊnɨ nǝn gɔ swatǝm yaagɔ mǝ maa lɛ jǝbɔ nǝbɔ Israilaɨ a gul kumtɨn nɨɨ. Mǝ dǝg dǝg diil mǝndɨ a mʊgɔ nǝl jinɔ gǝm, sǝ n mʊla jim a nǝl jinɔ gǝm. Mǝ yǝlam yǝlam Kwaama jin. Ji tʌji jǝ yǝlam yǝlam nǝbam mɨ.

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

2 Bitrus 2:14

Wɛl maatǝm bulon a daa ji woi kwangkwang. Ja bo bɔ nǝn maatǝm bwɨlangkɛl. Jǝ swag nǝb nɨ lɛ mɨ nǝn kwaan a nǝtǝm bɨlǝngkɛlɨ. Nǝl jinɔ a yii nǝn wɛl. Dʊʊm nɨ Kwaama lag ji lag, mɨ nyǝmatǝm wo.