Roma 8:5 - Dadiya NT

⁵ Nǝb nɨ yɨ yɨm bwangtǝm bʊtɔ lɛɨ, nǝl jinɔ gǝ na a jʊ nɨ bʊtɔgɔ swɨ lɛɨ. Nǝb nɨ yɨ yɨm Yʊwa lɛɨ, nǝl jinɔ gǝ na a jʊ nɨ Yʊwagɔ swɨ lɛɨ.

Roma 8:5 ပူးပေါင်းရင်းမြစ်များ

Markus 8:33

Yesu a yǝla a dʌng gulɔ a kuwo bɛtɔ mɛlalɨ gǝnɨ, nǝngɔ a wɛla Bitrus gǝm gɔ, “Yǝla a gul mɨ Mamm! Mʊ maa bʊʊlalɨ nǝfilii, ke bɔ a Kwaamaɨ.”

Yohana 3:6

Jʊ nɨ nǝfili a bʌi, n bʊtɔ bǝn. Jʊ nɨ Yʊwa Kwaamaɨ a bʌi, n yʊwa.

Roma 8:9

Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.

1 Korinti 15:48

Kanga nǝfitʌmɔ gwam nǝngǝn nǝn bʊtɔ tǝm na a Adamui, gǝ na nyɔ bʊtɔ dʌbʌlɔ yǝlam na a Kiristii.

1 Korinti 2:14

Nǝb nɨ mɨ nǝn Yʊwaɨ, jǝ kɔ kɔ kanjǝl Yʊwa Kwaamaɨ, jʊ a bwɨɨ n jǝ fʌmʌn a daa ji woi. Mɨsɔ jǝ dwal nyǝmtǝmɔ lɛ, jʊ a bwɨɨ n Yʊwa Kwaamaɨ gǝ fɛta ji lɛɨ.

2 Korinti 10:3

Nǝ nyǝm nyɔ yɨm nǝnɔ n yɨm yooli sul, tatǝm kun nǝnɔ ke bɔ a yooli.

Galatiya 5:17

Jǝ́ maa jʊ nɨ, jʊ a bwɨɨ bʊʊlalɨ bʊtɔgɔ maa kii lɛ jǝbɔ Yʊwagɔ, Yʊwagɔ tag maa kii lɛ jǝbɔ bʊʊlalɨ bʊtɔgɔ. Kanjǝl nɨ yoi, jǝ maaka kii lɛ a kʊm jin. N jʊ a bwɨ mɨsɔ jǝ́ dwal lɛ jǝ́ maa jʊ nɨ jǝ́ swɨ lɛ jǝ́ maaɨ.

Afisa 5:9

Jʊ a bwɨɨ nyalǝmɔ nǝn gɔ gǝ bʌ jʊ nɨ lɛ gwam na a nyanɨ, jǝbɔ jʊ nɨ dǝngdǝngɨ, jǝbɔ jʊ nɨ bɨlǝngkɛlɨ.

2 Bitrus 2:10

A ga keli a nǝb nɨ a dǝg dul a mʊgɔ wɛl bwɨlaɨ, wʊnɨ kal ji lɛɨ, jǝbɔ nǝb nɨ soga fɔlɔlɔm lɛɨ. N nǝb nɨ mɨ nǝn guniduli, nǝb kwamǝn dul, mɨ jǝ nyʊwa taal tuwol yʊwatɨn nɨ lɛ nǝn kwaan dʊʊnɨ.