Roma 8:30 - Dadiya NT

³⁰ Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

Roma 8:30 ပူးပေါင်းရင်းမြစ်များ

Yohana 17:22

Nǝmɔ mǝ nǝ nǝb nɨ dʊʊlǝnɔ mʊ nɨ ɨɨ, sǝ ja yǝlam win kanga bǝn bǝ wini.

Yohana 17:24

“Tɛtɛ, mǝ swɨ lɛ nǝb nɨ mʊ nɨ ɨɨ, ja yɨ jǝbɔ mǝ a daagɔ mɔ woi, sǝ ja kuwo dʊʊlǝn mǝndɨ, dʊʊlǝnɔ mʊ nɨ ɨ a dul swɨtǝmɔ mʊ maa mɨ lɛɨ na lǝga bɔ ja fwal yooligɨɨ.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Roma 1:6

Jǝ́ na a kʊm Bʌtʌb nɨ Yesu Kiristi a jǝgamɨ.

Roma 11:29

Jʊ a bwɨɨ nǝtǝm lǝma Kwaamaɨ jǝbɔ jotǝm gǝnɔ mɨsɔ gʊm lɛ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Roma 8:21

gɔ jǝ nya nya jǝgtǝm dul a jwaalɛn bʊtatǝm, sǝ ja nya yɨm dul a dʊʊlǝn nɨ jǝ nǝ bɛtɔ lɔ Kwaamaɨ lɛɨ.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

1 Korinti 1:9

Kwaama n nǝ yiitǝm swatǝm yaa. Nǝn gɔ a jo jen a yɨm dakini jǝbɔ Bʊla gɔ Yesu Kiristi Tɛlalɔ bǝnɨ.

1 Korinti 2:7

Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Galatiya 1:15

Kwaama a jǝg ɨ na lǝga bɔ ja bʌ i. A jo i a mʊgɔ lǝma gǝn. Nǝn fulotǝm nǝl

Galatiya 1:6

Jʊ nɨ jǝ́ maa lɛɨ, a yǝlam mɨ komʌn dangǝn. A kǝlɨ kwama nǝn dǝm nyɔ jǝ́ bǝla bwangtǝm nʊ nɨ lɛ a jo jen a mʊgɔ lǝma Kiristii, jǝ́ yǝla jǝ́ bwangtǝn kaa fulon kɛl lɛ nǝn kwan.

Galatiya 5:8

Lobtǝm nɨ jǝ maa jem lɛɨ, ke bɔ a daagɔ Kwaama nɨ a jo jeni.

Afisa 1:11

N daagɔ Kiristi woi, Kwaama a jǝg bǝn bǝ yǝlam nǝb gǝnɨ, a kwɛl a maa fɛkalɨ nɨ nǝn tɨkǝga. Nǝn gɔ gǝ maa jʊtǝb nɨ lɛ gwam a swɨtǝm gǝnɨ,

Afisa 1:5

a jǝla a do bǝn sǝ bǝ yǝlam bɛtɔ lɔ gɨɨ a gola Yesu Kiristii. N jʊ swɨ lɛɨ, a nǝ gǝn fulotǝm nǝl.

Afisa 2:6

A gung bǝn a bwaa dakini jǝbɔ Kiristi. A nǝ bǝn daa yɨm jǝbɔ gɔ a dʌbʌl kwama, a mʊgɔ Kiristi Yesui.

Afisa 3:11

Kwaama a maa fɛkalɨ nɨ a gola Kiristi Yesui, Tɛlalɔ bǝn, nǝngɔ la a fwal yooligɨɨ.

Afisa 4:4

Bʊtɔgɔ win, Yʊwagɔ win, kanga a jo jen a dul yatǝm nǝl nɨ win kwama a jom jeni.

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

2 Timoti 2:11

Kɛl nɨ n bɨlǝngǝn sʊwa lɛ gɔ, Na bǝ bʊla dakini jǝbɔ gɨɨ, bǝ yɨ yɨ bǝnɔ gɔ tag.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

1 Bitrus 3:9

Ka jǝ́ ywa lɛ bwɨlan nǝn bwɨlan, tuwol nǝn tuwol. Bɛ jǝ́ dǝg jim bwili. N kɛl dul jʊ nɨ ja jo jen sǝ jǝ́ nya bwilii.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Bitrus 1:10

A dul kɛl nɨɨ kambɔ, jǝ́ fɛ jǝ́ sʊtǝn kwaan jǝ́ nʊng gɔ nǝn Kwaama a jo jeni, a jǝgam jeni. Na jǝ́ maa nyɨɨ, mɨsɔ jǝ́ yala lɛ wo.

Dʊgam Nyangnyang 17:14

Jǝ ta ta kun jǝbɔ Bɛ Gal nɨ. Bɛ Gal nɨ ja ji ja, jʊ a bwɨɨ nǝn gɔ Tɛlalɔ tɛlalɔtɨnɨ, nǝn gɔ Fɔlɔ fɔlɔlɔmɨ. Gɔ jǝbɔ nǝb nɨ jǝ dakinii, nǝji jǝ nǝb jotǝmɔ, jǝbɔ nǝb jǝgamtǝmɔ, jǝbɔ nǝb tatǝm swatǝm yaagɨɨ.”

Dʊgam Nyangnyang 19:9

Nǝngɔ bwɛ twama Kwaamaɨ a sʊwa ɨ gɔ, “Mʊla jʊ nɨ: Bwiligɔ na a nǝb nɨ ja jo ji jatǝm jǝjalǝn kangwaal Bɛ Gal nɨɨ!” Nǝngɔ a sʊtǝn gɔ, “Kanjǝl nɨ nǝn gɔ kɛltɨn Kwaamaɨ, bɨlǝngǝn.”