Roma 8:26 - Dadiya NT

²⁶ Gǝ na nyɔ, Yʊwagɔ maa bǝm tɨkalɨ lɛ a mʊgɔ gɨyatǝm bǝnɔ gǝm. Bǝ nyǝm bɔ kanga bǝ maam keli lɛ dǝngdǝngɨ, Yʊwagɔ nǝn dul gǝn kela Kwaama lɛ a dul bǝn, a tǝnatǝm kɛltɨn nɨ mɨsɔ dwal lɛ a nʊngɨ.

Roma 8:26 ပူးပေါင်းရင်းမြစ်များ

Matta 10:20

N ke bɔ jen jǝ́ sʊwa kɛl lɛɨ. N Yʊwa Tɨya jeni sʊwa kɛl lɛ a daa jen woi.

Matta 20:22

Nǝngɔ Yesu a jǝla gɔ, “Jǝ́ nyǝm bɔ jʊ jǝ́ kela lɛɨ. Jǝ́ mwɨ mwɨ jǝ́ nɔɔ gaalan nɨ mǝ nɔɔ lɛɨ ka?” Nǝngɔ ja jǝla gǝn gɔ, “Nǝn mwɨ mwɨ.”

Luka 22:44

Jʊ nɨ gɔ a mʊgɔ gaalan dangǝnɨ, a sʊtǝn keligɔ, mɨbamɔ jel lɛ a bʊtɔ gǝn na tʊʊm tǝla lɛ a tǝm.

Yohana 14:16

Mǝ kel kel Tɛtɛ, a nǝ jen kaa Nǝ tɨkalɨ, sǝ a yɨ jǝbɔ jen mɨ dɨtǝm wo.

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

Roma 7:24

N mwɛ mɨ! N yǝlam jǝ bʊnatǝm! Nuwo jǝg ɨ lɛ a mʊgɔ bʊtɔ nɨ, wʊnɨ yɔ lɛ nǝn mǝ a bwaaɨ?

Roma 8:15

Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

2 Korinti 5:2

Kǝngkǝnɨ bǝ dʊna lɛ nǝn bʊtɔ yooli nɨɨ, bǝ ya nǝl lɛ a bʊtɔ nɨ jǝ mal bǝm lɛ na dʌbʌli,

2 Korinti 5:4

Nǝn kwama bǝ yǝm nǝn bʊtɔ yooli nɨɨ, bǝ dʊna lɛ dʊnaɨ a gaalan nɨ bǝ nyʊwa lɛɨ. A nʊng bɔ bǝ swɨ lɛ bǝ bǝla bʊtɔ yooli nɨɨ. Bǝ swɨ lɛ ja mal bǝm bʊtɔ na dʌbʌlɔ, sǝ bʊtɔ kʊlɨgɔ a fʌlʌm bʊtɔ bwaagɔ.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

Afisa 2:18

N daa gǝ woi gwam bǝnɔ yo bǝ nya bɛtǝm a daagɔ Tɛtɛ woi a gola Yʊwagɔ wini.

Afisa 6:18

Bɛ ya jǝ́ maa keli lɛ kwangkwang a mʊgɔ kwaan Yʊwa. Jǝ́ maa kelitɨnɔ nǝn dʌmʌn. A dul kanjǝl nɨ, jǝ́ yɨ nǝn fɛkalɨ, ya jǝ́ maa keli lɛ kwangkwang a dul nǝb sagsagɨɨ.

Ibranii 4:15

Dalɨ nǝkǝla nɨ bǝ nǝngǝnɨ, n ke bɔ nʊ nɨ mɨ ji bʊnǝn bǝnɔ lɛ a gɨyatǝm bǝnɔ gǝmɨ. Mɨ nyɔ. N nʊ ja tɛl gǝn a golantɨnɔ gǝm gwam kanga jǝ tɛl bǝn nɛɨ, a gǝnɔ a maa bɔ bwɨlangkɛl.

Ibranii 5:2

A yǝlam nʊ nɨ dwal lɛ a ji bʊnǝn nǝb nɨ a nyǝm bɔ jǝlɨ, jǝbɔ nǝbɔ a kwɛl a lɛla golaɨ, kanga gǝ tǝgǝn ga gɨya gɨyaɨ.

Yakubu 4:3

Nǝn kwama jǝ́ kelaɨ, mɨsɔ jǝ́ nya lɛ jʊ a bwɨɨ mɨ jǝ́ kel lɛ a gola nyan. Jǝ́ swɨ lɛ jǝ́ jʌ kanjǝl nɨ jǝ́ nyaɨ, a kanjǝl bwɨla na nyʊwatǝm lǝma bʊtɔ jen.