Roma 8:16 - Dadiya NT

¹⁶ Yʊwagɔ nǝn dul gǝn, jǝbɔ yʊwa bǝnɔ jǝ nǝ bwatǝm guu lɛ, sʊwa lɛ gɔ bǝn bǝ bɛtɔ lɔ Kwaamaɨ.

Roma 8:16 ပူးပေါင်းရင်းမြစ်များ

Matta 5:9

Bwiligɔ na a nǝb nɨ mʊrka yɨm kwamɨgǝn nɛɨ, jʊ a bwɨɨ jǝ jo ji gɔ bɛtɔ lɔ Kwaamaɨ.

Luka 20:36

Mɨsɔ jǝ bʊla bwaa lɛ wo tag, jǝ dǝngdǝng jǝbɔ bɛtɔ twama Kwaamaɨ, n bɛtɔ lɔ Kwaamaɨ, kanga nɨ ja gun a bwaaɨ.

Yohana 1:12

A nǝb nɨ gwam a yo gǝnɨ, a nǝ bɨlǝngkɛl a daa gǝ woi, a nǝ ji fɔlɔn ja yǝlam bɛtɔ lɔ Kwaamaɨ.

Maajɨ Bɛtɔ Twamagɨɨ 5:32

Nǝn yǝlam nǝb nǝtǝm nyiyo a kanjǝl nɨ gǝm, gǝ na nyɔ Yʊwa Kwaamaɨ a nǝ nyiyo a kanjǝl nɨ gǝm, wʊnɨ Kwaama a nǝ nǝb nɨ nyʊwa diil gǝnɔ lɛɨ.”

Roma 8:14

Nǝb nɨ gwam Yʊwa Kwaamaɨ yɔ lɛ nǝn jii, nǝji jǝ bɛtɔ lɔ Kwaamaɨ.

Roma 8:19

Kanjǝl nɨ gwam Kwaama a fwalɨ, jǝ ya nǝl lɛ nyangǝn, jǝ yam Kwaama lɛ sǝ a nʊng bɛtɔ lɔ gɨɨ.

Roma 8:23

Ke bɔ kanjǝl fwaltǝm tǝna lɛ kwaajii, bǝ wo a mʊgɔ gǝn, bǝn nɨ bǝ kwɛl bǝ nya nyaɨ Yʊwa Kwaamaɨ, wʊnɨ nǝn gɔ tǝltǝm kanjǝl nɨ Kwaama a nǝ bǝnɨ, bǝ tǝna lɛ a nǝl bǝn, kanga bǝ yam lɛ nǝn yatǝm nǝl nyangǝnɨ, sǝ Kwaama a do bǝn bǝ yǝlam bɛtɔ lɔ gɨɨ, nǝn kwama a jǝg bʊtɔ bǝnɨ.

Roma 8:26

Gǝ na nyɔ, Yʊwagɔ maa bǝm tɨkalɨ lɛ a mʊgɔ gɨyatǝm bǝnɔ gǝm. Bǝ nyǝm bɔ kanga bǝ maam keli lɛ dǝngdǝngɨ, Yʊwagɔ nǝn dul gǝn kela Kwaama lɛ a dul bǝn, a tǝnatǝm kɛltɨn nɨ mɨsɔ dwal lɛ a nʊngɨ.

Roma 9:26

A daa nɨ Kwaama a sʊwa ji gɔ, ‘Jǝ́ ke bɔ nǝbam mɨ.’ N daa nɨ tag a jo ji gɔ jǝ ‘bɛtɔ lɔ Kwaama Nǝ Kʊlɨɨ.’ ”

Roma 9:8

Jʊ nɨ gǝ nʊng gɔ, yǝlamtǝm bɛtɔ lɔ Kwaamaɨ n ke bɔ yǝlamtǝm guu Ibrahimi a bʊtɔ, n guu swatǝm yaa nɨ jǝ kiyo lɛ gɔ n guu Ibrahimi dangǝnɨ.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

2 Korinti 1:22

A ka bǝm kwatɨ gǝnɔ gɔ bǝ na a gɔ, a nǝ bǝn Yʊwa gǝnɔ a nǝl bǝn. Mɨ nyǝmatǝm wo, gɔ gǝ nǝ bǝn nǝ tangǝn kanjǝlɔ gwam.

2 Korinti 5:5

Nǝn Kwaama a fɛka bǝm fʌtotǝm nɨɨ, gǝ nɨ a nǝ bǝn Yʊwa gǝnɨ. Mɨ nyǝmatǝm wo, gɔ gǝ nǝ bǝn nǝ tangǝn kanjǝlɔ gwam.

2 Korinti 6:18

Mǝ yǝlam yǝlam Tɛ a daa jen woi. Jen tʌjen jǝ́ yǝlam yǝlam bɛtɔ lɔ mɨɨ, batǝm jǝbɔ nɔɔtǝm, N sʊwatǝm Tɛlalɔ Nǝ Kwaanɨ.”

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Galatiya 4:6

Jʊ a bwɨɨ jǝ́ bɛtɔ lɔ gɨɨ, Kwaama a twam Yʊwa Bʊla gɨɨ a mʊgɔ nǝl bǝnɨ, Yʊwagɔ jo jangajǝl lɛ gɔ, “Tɛtɛ, Tɛtɛ!”

Afisa 1:13

N daa Kiristii, jen tʌjen jǝ́ yǝlam nǝb Kwaamaɨ nǝn kwama jǝ́ nyʊwa kɛl bɨlǝngkɛlɨ, fulon kɛl lǝmɨ nyatǝm bʊʊtǝm jenɔ. Nǝn kwama jǝ́ nǝ bɨlǝngkɛl a daagɔ Kiristi woi, Kwaama a ka jem kwatɨ. Kwatɨ nɨ n Yʊwa Kwaamaɨ wʊnɨ a swa yaa gǝ nǝ bǝn nǝɨ.

Afisa 4:30

Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.

1 Yohana 3:1

Jǝ́ dʌng swɨtǝm nɨ Tɛtɛ a nʊng bǝmɨ. A jo bǝn gɔ bǝ bɛtɔ lɔ Kwaamaɨ, bǝ na nyɔ kǝngkɔ. Nǝb nɨ a yooli nɨɨ a nyǝm bǝn bɔ, jʊ a bwɨɨ ja nyǝm gǝn bɔ.

1 Yohana 3:10

Jʊ jǝ nyǝm bɛtɔ lɔ Kwaamaɨ lɛ nǝnɨ jǝbɔ bɛtɔ lɔ mammɨ nǝn gɔ, nʊ nɨ a maa bɔ jǝ dǝngdǝngɨ, ke bɔ a Kwaamaɨ, gǝ na nyɔ a nʊ nɨ mɨ swɨ kɨla gǝ lɛɨ.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

1 Yohana 4:13

N gola nɨ bǝ nyǝm nyɔ bǝ yǝm a kʊm gǝnɨ, gǝ tǝgǝn yǝm a kʊm bǝnɨ, jʊ a bwɨɨ n Yʊwa gǝnɔ a nǝ bǝnɨ.

1 Yohana 5:10

Gwam nʊ nɨ a nǝ bɨlǝngkɛl nǝn Bʊla Kwaamaɨ, nǝngǝn nǝn nǝtǝm nyiyo nɨ bɛ lɛ a daagɔ Kwaama woi a nǝl gǝn. Gwam nʊ nɨ a nǝ bɔ bɨlǝngkɛlɨ, a do Kwaama n nǝ gabakɛl, jʊ a bwɨɨ, ga nǝ bɔ bɨlǝngkɛl a nǝtǝm nyiyo Kwaamaɨ a maa Bʊla gɔ gǝmɨ.

Dʊgam Nyangnyang 21:7

Nʊ nɨ a ku jelʌni, ja ja kʊlagɔ a daa mǝ woi. N yǝlam Kwaama gǝn, gǝ tǝgǝn a yǝlam bwɛ a daa mǝ woi.