Roma 8:11 - Dadiya NT

¹¹ Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 8:11 ပူးပေါင်းရင်းမြစ်များ

Yohana 14:17

Nǝn gɔ Yʊwa bɨlǝngkɛlɨ, wʊnɨ yooli nɨ a dwal bɔ a yo gǝnɨ, jʊ a bwɨɨ a kuwo gǝn bɔ, a nyǝm gǝn bɔ. A jenɔ jǝ́ nyǝm gǝn, jʊ a bwɨɨ, yǝm dakini jǝbɔ jen, yɨ yɨ a mʊgɔ nǝl jen.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

Maajɨ Bɛtɔ Twamagɨɨ 2:24

Nǝngɔ Kwaama a gung gǝn nǝn kʊlɨɨ, a jǝg gǝn a kwaan bwaagɔ gǝmɨ. Bwaagɔ a dwal bɔ a ta gǝn.

Roma 16:10

Jǝ́ yal Abalis, wʊnɨ ja jǝla nǝn maajɨ gǝnɔ a mʊgɔ Kiristii. Jǝ́ yal nǝbɔ lɔ Aristobulusi.

Roma 16:3

Jǝ́ yal Bilkisu jǝbɔ Akila fatǝm maajɨ mǝndɨ a mʊgɔ Kiristi Yesui.

Roma 16:7

Jǝ́ yal Andaranikas jǝbɔ Yuniyas nǝb nɨ n kɛtǝlam mɨɨ. N nǝbɔ a lɔsomi jǝbɔ mɨɨ, nǝb nɨ ja kwɛl ja nyǝm ji nyǝmɨ nyangǝn a mʊgɔ bɛtɔ twamagɨɨ. Ja kwɛl ja laa ɨ laa ɨ nǝtǝm bɨlǝngkɛl a mʊgɔ Kiristii.

Roma 16:9

Jǝ́ yal Urbanus fwalɨ maajɨ bǝnɔ a mʊgɔ Kiristii, jǝbɔ Istakis fwal mɨ nyangǝn.

Roma 6:12

Bɛ ka jǝ́ jǝla lɛ bwɨlangkɛlɔ a maa fɔlɔn nǝn bʊtɔ jenɔ nɨ bʊla lɛɨ, kage jǝ́ bwangtǝn kanjǝl bwɨlan nɨ jǝ́ swɨ lɛɨ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Roma 8:12

A dul kɛl nɨ kambɔ, bǝ nǝngǝn nǝn maajɨ a dul bǝn, ke bɔ yɨm bwangtǝm bʊtɔ nɨ bǝ swɨ lɛɨ.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

Roma 8:9

Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.

1 Korinti 15:16

Jʊ a bwɨɨ na na Kwaama a gung bɔ bwaagɨɨ, na Kiristi a gun bɔ.

1 Korinti 6:14

Kwaama gung gung bʊtɔ bǝnɔ a bwaa nǝn kwaan gǝnɔ, kanga a gung Tɛlalɔ a bwaaɨ.

2 Korinti 4:11

Na nǝn nǝn kʊlɨɨ, nǝn na a nyiyo bwaa a kɛl dul Yesui, sǝ kʊlɨ Yesui a nʊng a bʊtɔ nǝnɔ nɨ na bwaaɨ.

2 Korinti 4:14

Nǝ nyǝm nyɔ Kwaama nɨ a gung Tɛlalɔ Yesu a bwaaɨ, gǝ tǝgǝn gung nǝn gung a gola Yesui. Bɛ bɛ nǝn nǝn jǝbɔ jen a kǝga gǝn.

2 Korinti 5:4

Nǝn kwama bǝ yǝm nǝn bʊtɔ yooli nɨɨ, bǝ dʊna lɛ dʊnaɨ a gaalan nɨ bǝ nyʊwa lɛɨ. A nʊng bɔ bǝ swɨ lɛ bǝ bǝla bʊtɔ yooli nɨɨ. Bǝ swɨ lɛ ja mal bǝm bʊtɔ na dʌbʌlɔ, sǝ bʊtɔ kʊlɨgɔ a fʌlʌm bʊtɔ bwaagɔ.

Galatiya 6:8

Nʊ nɨ a kwal kwala a wɛl swɨtǝm nǝl gǝnɨ, nǝn gɔ yɔ lɛ nǝn gɔ a kʌsotǝm bwaaɨ. Nʊ nɨ a kwal kwala nɨ fulo Yʊwa Kwaamaɨ gǝm nǝl lɛɨ, nya nya kʌsotǝm kʊlɨ nɨ mɨ dɨtǝm woi.

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

Filibii 3:21

Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 11:11

Nǝn kwama kumɔ taal jǝbɔ kwama yǝlalɨ a shui, nǝngɔ fǝbǝm nɨ nǝ kʊlɨ lɛ a daagɔ Kwaama woi a dɔ jii. Nǝngɔ ja gun ja tɨ tɨɨ. Nǝngɔ taal bwɨlagɔ a ta nǝb nɨ a kuwo jii.