Roma 8:1 - Dadiya NT

¹ Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Roma 8:1 ပူးပေါင်းရင်းမြစ်များ

Yohana 14:20

Nǝn kɔkɔ gɔ, jǝ́ nyǝm nyǝm mǝ na a mʊgɔ Tɛtɛ mɨɨ, jen tʌjen a mʊgɔ mɨ, mǝ tǝmɨ a mʊgɔ jen.

Yohana 15:4

Bɛ jǝ́ yɨ a mʊgɔ mɨ, mǝ tǝmɨ mǝ yɨ yɨ a mʊgɔ jen. Kanga kang tɨyang fogfogi mɨ dwal lɛ a tʊʊ tʊʊl nǝn kang gǝnɨ, na a yɨ bɔ a mʊgɔ tɨya fogfogi, a na nyɔ jen tʌjen mɨsɔ jǝ́ dwal lɛ jǝ́ tʊʊ tʊʊl, na jǝ́ yɨ bɔ mʊgɔ mɨɨ.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Roma 16:3

Jǝ́ yal Bilkisu jǝbɔ Akila fatǝm maajɨ mǝndɨ a mʊgɔ Kiristi Yesui.

Roma 16:7

Jǝ́ yal Andaranikas jǝbɔ Yuniyas nǝb nɨ n kɛtǝlam mɨɨ. N nǝbɔ a lɔsomi jǝbɔ mɨɨ, nǝb nɨ ja kwɛl ja nyǝm ji nyǝmɨ nyangǝn a mʊgɔ bɛtɔ twamagɨɨ. Ja kwɛl ja laa ɨ laa ɨ nǝtǝm bɨlǝngkɛl a mʊgɔ Kiristii.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 5:16

Nǝtǝm lǝma Kwaamaɨ nɨ mɨ nyɔ na bwɨlangkɛl nʊ nɨ wini. Jʊ a bwɨɨ biyotǝm borang nɨ ja maa a dul bwɨlangkɛl nʊ nɨ wini, n jʊ a bɛ nǝn kalatǝmɨ. Nǝtǝm nɨ ja nǝ a bwɨlangkɛltɨn nɨ a lada nyɨɨ, n jʊ dǝg lɛ bǝ yǝlam dǝngdǝngɨ.

Roma 7:17

N ke bɔ mǝ mǝ maa jʊ nɨ lɛ mǝ maa lɛɨ, n bwɨlangkɛl nɨ yǝm a mʊgɔ bʊtɔ mɨɨ.

Roma 7:20

Na n maa jʊ ke bɔ jʊ mǝ swɨ lɛ n maaɨ, ke bɔ mǝ mǝ maa lɛɨ, n bwɨlangkɛl nɨ yǝm a bʊtɔ mɨɨ.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 8:14

Nǝb nɨ gwam Yʊwa Kwaamaɨ yɔ lɛ nǝn jii, nǝji jǝ bɛtɔ lɔ Kwaamaɨ.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

Roma 8:34

Nuwo a la nyɔ nǝ bǝn bwɨlangkɛl lɛɨ? Mɨ wo! Kiristi Yesu a bʊla, a gun nǝn kʊlɨ, yǝm a daa yɨm dʊʊn a kang jajǝng Kwaamaɨ, kela Kwaama lɛ a kɛl dul bǝn.

Roma 8:39

na n debatǝmɨ, na n tushitǝmɨ, na kaa jǝl wo a kanjǝl nɨ gwam ja fwalɨ, ja la bɔ ja wʊlaka bǝn jǝbɔ swɨtǝm nɨ Kwaama maa bǝm lɛ a mʊgɔ Kiristi Yesu Tɛlalɔ bǝnɨ.

Roma 8:4

Kwaama a maa jʊ nɨ sǝ kanjǝl nɨ dǝngdǝngɨɨ wʊnɨ diilɔ a sʊwa gɔ bǝ maaɨ, a nya yiitǝm a daa bǝn woi, bǝn nɨ ke bɔ yɨm bwangtǝm bʊtɔ bǝ maa lɛɨ, na a Yʊwagɨɨ.

Roma 8:9

Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 15:22

Kanga nɨ gwam bǝ bʊla a kɛl dul Adamui, na nyɔ, Kwaama fulo nǝn bǝn gwam a kɛl dul Kiristii.

2 Korinti 12:2

N nyǝm kaa nǝl wo n nǝ bwangtǝm Kiristii. Jolɔ kʊb jeli naal a shui, ja do gǝn ja shu nǝn a dʌbʌl kwama na taal, n daagɔ Kwaama woi. Na gǝ na a mʊgɔ bʊtɔɨ, na mɨ a mʊgɔ bʊtɔɨ, mǝ nyǝm bɔ. Nǝn Kwaama n nǝ nyǝmtǝmɨ.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

Galatiya 3:13

Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Galatiya 3:28

Mɨ nʊngtǝm dʌmʌn wo a nǝb nɨ n Yahudawaɨ jǝbɔ Bʌtʌbɔ, nʊ nɨ bwɛ jwaalɛ jǝbɔ nʊ nɨ ke bɔ bwɛ jwaalɛɨ, nɔɔlɨ jǝbɔ balɨ. Jǝ́ yǝlam win a daagɔ Yesu Kiristi woi.

Galatiya 5:16

Kɛl mǝndɨ gǝ na nyɔ, jǝ́ yɨ yɨm Yʊwa Kwaamaɨ. Bɛ ka jǝ́ maa lɛ bʊʊlalɨ jʊ nɨ bʊtɔgɔ swɨ lɛɨ.

Galatiya 5:25

Kanga bǝ na a yɨm Yʊwaɨ, bɛ bǝ bwangtǝn Yʊwagɔ.

Afisa 1:1

Nǝmǝ mǝ Bulus, bwɛ twama Kiristi Yesui nǝn jǝlatǝm Kwaamaɨ. Mǝ mʊla nǝb sagsagɔ gǝm lɛ a Afisaɨ, nǝb nɨ a ta swatǝm yaa a mʊgɔ Kiristi Yesui.

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.