Roma 7:23 - Dadiya NT

²³ N kuwo kaa diil maa maajɨ lɛ a jinʌn bʊtɔ mɨ, wʊnɨ ta kun nɛ jǝbɔ diil nɨ a bʊʊlalɨ mɨɨ, a dǝg ɨ a lɔsomii, diil bwɨlangkɛlɔ, wʊnɨ yǝm a jinʌn mɨɨ.

Roma 7:23 ပူးပေါင်းရင်းမြစ်များ

Roma 6:13

Bɛ ka jǝ́ nǝ lɛ jinʌn bʊtɔ jenɔ a maatǝm bwɨlangkɛl, ja yǝlam na kanjǝl maatǝm shil. Bɛ jǝ́ nǝ dul jenɔ a daagɔ Kwaama woi, na nǝb nɨ ja bʊʊ nǝn ji a bwaa a yɔ nǝn a nyatǝm kʊlɨɨ. Bɛ jǝ́ nǝ jinʌn bʊtɔ jenɔ a daagɔ Kwaama woi, ja yǝlam na kanjǝl maatǝm jǝ dǝngdǝng.

Roma 6:19

Mǝ sʊwa jen kɛl nǝfitʌmi, jʊ a bwɨɨ jǝ́ gɨya a bʊʊlalɨ jenɔ gǝm. Kanga galɨgǝn jǝ́ nǝ jinʌn bʊtɔ jenɔ a maatǝm jwaalɛn a maajɨ bwɨlanɨ, wʊnɨ sʊtǝn shil lɛɨ, kǝngkɔ bɛ jǝ́ nǝ jinʌn bʊtɔ jenɔ a bwangtǝm maajɨ dǝngdǝng, wʊnɨ yɔ lɛ nǝn jen jǝ́ yǝlam sagsagɨ.

Roma 7:14

Bǝ kwɛl bǝ nyǝm diilɔ na a yʊwa. Mɨ mǝ nǝn yʊwa. Ja miyo i na jwaalɛ a kang bwɨlangkɛlɨ.

Roma 7:21

N kuwo, a yǝlam mɨ diil, na n swɨ maatǝm jǝ nyaɨ, jǝ bwɨlagɔ yǝm jǝbɔ mǝ.

Roma 7:25

Buutǝm kangɔ na a Kwaamaɨ a gola Yesu Kiristii, Tɛlalɔ bǝn! Mǝ nǝn dul mɨ, a bʊʊlalɨ mɨ n jwaalɛn mǝ maa lɛ a diil Kwaamaɨ. A bʊtɔ mɨ n jwaalɛn mǝ maa lɛ a diil bwɨlangkɛlɨ.

Roma 7:5

Nǝn galɨgǝn bǝ bwangtǝn bʊtɔ lɛɨ, wɛl bwɨlanɔ a gun a gola diil, n jʊ maa maajɨ lɛ a bʊtɔ bǝnɨ, n jʊ gʊ bǝm bwaa lɛɨ.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

Galatiya 5:17

Jǝ́ maa jʊ nɨ, jʊ a bwɨɨ bʊʊlalɨ bʊtɔgɔ maa kii lɛ jǝbɔ Yʊwagɔ, Yʊwagɔ tag maa kii lɛ jǝbɔ bʊʊlalɨ bʊtɔgɔ. Kanjǝl nɨ yoi, jǝ maaka kii lɛ a kʊm jin. N jʊ a bwɨ mɨsɔ jǝ́ dwal lɛ jǝ́ maa jʊ nɨ jǝ́ swɨ lɛ jǝ́ maaɨ.

Ibranii 12:4

Kɨlan jenɔ a dul bwɨlangkɛlɨ, a la bɔ jǝ tǝla tʊʊm jenɔ lɛɨ.

Yakubu 3:2

Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

Yakubu 4:1

N wɛ bɛ lɛ nǝn kɨlan jǝbɔ gʊbkatǝm a kʊm jeni? Mɨ nyǝmatǝm wo, jʊ bɛ lɛ nǝn kanjǝl nɨɨ n wɛltɨn nɨ ta kun nɛ a kʊm jeni.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.