Roma 7:14 - Dadiya NT

¹⁴ Bǝ kwɛl bǝ nyǝm diilɔ na a yʊwa. Mɨ mǝ nǝn yʊwa. Ja miyo i na jwaalɛ a kang bwɨlangkɛlɨ.

Roma 7:14 ပူးပေါင်းရင်းမြစ်များ

Matta 16:23

Nǝngɔ Yesu a yǝla a sʊwa Bitrus gɔ, “Yǝla a gul mɨ Mamm! Mʊ tɛl fǝtǝm naa a daa mǝ woi, jʊ a bwɨɨ mʊ ya bɔ bʊʊlalɨ mʊnɔ a kanjǝl Kwaamaɨ, mʊ maa bʊʊlalɨ nǝfitʌmi.”

Matta 18:25

A dwal bɔ a ywaɨ, nǝngɔ tɛlalɔ gǝnɔ a dǝg ji gɔ ja miyo gǝn jǝbɔ nwala gɔ, jǝbɔ bɛtɔ lɔ gɨɨ, jǝbɔ kanjǝl nɨ gǝ nǝn gwamɨ, sǝ a ywa gǝn kemʌn nɨɨ.

Matta 5:22

Kǝngkɔ mǝ sʊwa jen nɛ, na nʊ nɨ a maa nabwɨl jǝbɔ kɨla gɨɨ, jǝ maa gǝm maa borang. Na nʊ nɨ a tuwo kɨla gɨɨ, jǝ yɔ yɔ nǝn gɔ a kǝga nǝb dʊʊm koteregɨɨ. Na nʊ nɨ a sʊwa gɔ ‘Nǝ swɛlatǝmɨ,’ a la maltǝm a lɔ kǝla.

Matta 5:28

A dul kɛl nɨ kǝngkɔ mǝ sʊwa jen nɛ, na nʊ nɨ a dʌng nɔɔlɨ nǝn wɛl maatǝm buloni, a kwɛl a maa bulon jǝbɔ gɔ a mʊgɔ nǝl gǝn.

Luka 5:8

Kwama nɨ Saminu Bitrus a kuwo jʊ nɨ a bwɨɨ, nǝngɔ a bɛ ba yal a kǝga Yesui gɔ, “Kʌlʌm a daa mɨ woi Tɛlalɔ! Mǝ nǝ bwɨlangkɛl.”

Luka 7:6

Nǝngɔ Yesu a shu dakini jǝbɔ jii. Ya dwama lɔngɨ, dʊʊ sʊwajaam nɨ a twam tangǝn fatǝlam gǝnɔ gɔ ja sʊwa Yesu gɔ, “Tɛlalɔ bɛ ka ń kom lɛ dul mʊnɔ a mǝ gǝm! Mǝ la bɔ nyɔ mʊ bɛ lɛ a lɔ mɨɨ.

Roma 3:9

A maa nyǝn? Nǝn Yahudawagɔ nǝn laa Bʌtʌbɔ ka? Ɔ ɔ mɨ nyɔ! Jʊ a bwɨɨ galɨgǝn nǝ do Yahudawagɔ jǝbɔ Bʌtʌbɔ nǝngɔ pʌd jinɔ bwɨlangkɛlɔ maa fɔlɔn nɛ a dul jin.

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

Roma 7:18

N nyǝm mɨ jǝ nyan wo a mǝ gǝm, a bʊtɔ mɨ. Mǝ swɨ lɛ n maa jʊ nɨ a bʊm bʊmɨ sul, mǝ dwal bɔ n maa.

Galatiya 4:3

A na nyɔ a daa bǝn woi. Nǝn kwama Kiristi lǝga bɔ a bɛɨ, bǝ na na bɛtɨ, bǝ na a mʊgɔ jwaalɛn a jǝfʊlǝn yooli nɨ gǝm.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Ibranii 4:12

Kɛl Kwaamaɨ nǝn kʊlɨ, maa maajɨ lɛ dangǝn. A laa tɔɔgɔ nyiyogɔ yoi jalǝng. Gǝ dɔ dɔ kʊlɨ jǝbɔ mʊgɔ nǝl, jǝbɔ kuto a yɔ nǝn a mʊgɔ fiim. Gǝ nʊng nʊng bʊʊlalɨ nǝlɨ jǝbɔ jʊ swɨ lɛɨ.