Roma 7:13 - Dadiya NT

¹³ Jʊ nɨ n jǝ nyaɨ, nǝn gɔ a bɛ mɨ nǝn bwaaɨ ka? Ɔ ɔ, mɨ nyɔ! N bwɨlangkɛl a bɛ mɨ nǝn bwaa a gola diil nyaɨ, sǝ a nʊng dul gǝnɔ gɔ gǝ bwɨlangkɛl. A gola diil nɨ tagɨ, bwɨlangkɛlɔ a nʊng bwɨlatǝm gǝnɔ dangǝn.

Roma 7:13 ပူးပေါင်းရင်းမြစ်များ

Matta 28:8

Nǝngɔ ja bǝla tuugɔ dǝbǝr dǝbǝr nǝn taalɨ, jǝbɔ fulotǝm nǝl a lada. Jǝ mwal lɛ sǝ ya jǝ sʊwa bɛtɔ mɛlalɨ Yesui.

Luka 20:16

Bɛ ba jʌbom jʌbom nǝb nɨ a yo twam ywatǝmɨ sǝ a nǝ kaam nǝb twam ywatǝmɔ.” Nǝbɔ a nyʊwa nyɨɨ, nǝngɔ ja sʊwa gɔ, “Bɛ Kwaama a shigʌm.”

Roma 5:20

Ja dɔ nǝn diilɔ sǝ bwɨlangkɛlɔ a jel a talɨ. Daagɔ bwɨlangkɛlɔ a sʊtǝnɨ, lǝma Kwaamaɨ gǝ sʊ sʊ a laa nyɔ.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Galatiya 3:21

Diilɔ maa kii lɛ jǝbɔ swatǝm yaa Kwaamaɨ ka? Ɔ ɔ, mɨ nyɔ. Na na ja bɛ nǝn kaa diil wʊnɨ dǝg lɛ bǝ bʊʊɨ, na bǝ nya nya dǝngdǝng Kwaamaɨ, na bǝ bwangtǝn diili.