Roma 6:3 - Dadiya NT

³ Jǝ́ nyǝm bɔ jengɔ bǝn nɨ gwam ja yʊ bǝn mwɛ sagsag a mʊgɔ Kiristi Yesui, n mʊgɔ bwaa gǝn ja yʊ bǝn mwɛ sagsagɨɨ ka?

Roma 6:3 ပူးပေါင်းရင်းမြစ်များ

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Maajɨ Bɛtɔ Twamagɨɨ 19:5

Ja nyʊwa nyɨɨ, nǝngɔ ja yʊ ji mwɛ sagsagɔ a mʊgɔ dun Tɛlalɔ Yesui.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Maajɨ Bɛtɔ Twamagɨɨ 8:16

Jʊ a bwɨɨ, Yʊwa Kwaamaɨ lǝga bɔ a gǝla kaa nǝl gǝm wo dɨn. Jʊ a bwɨɨ ja yʊ ji ka mwɛ sagsag a mʊgɔ dun Tɛlalɔ Yesui.

Roma 6:16

Jǝ́ nyǝm bɔ nʊ nɨ jǝ́ jǝg jǝ́ bwang gǝm lɛ na jwaalɛbɨɨ, jǝ́ yǝlam jwaalɛb gǝnɨ ka? Na jǝ́ jǝgǝm jǝ́ maa bwɨlangkɛlɨ, jǝ́ jwaalɛb gǝn wʊnɨ yɔ lɛ nǝn jen a bwaaɨ. Na jǝ́ jǝgǝm jǝ́ bwangtǝn Kwaamaɨ, jǝ́ yǝlam dǝngdǝng.

Roma 6:8

Na bǝ bʊla dakini jǝbɔ Kiristii, bǝ nǝ bɨlǝngkɛl bǝ yɨ yɨ dakini bǝnɔ gɔ.

Roma 7:1

Kambɔ, jǝ́ nyǝm bɔ diilɔ nǝn kwaan a dul nǝlɨ na nǝngǝn nǝn kʊlɨɨ ka? Mǝ sʊwa kɛlɔ a dul nǝb nɨ a nyǝm diili.

1 Korinti 10:2

Gwam jinɔ ja yʊ ji mwɛ sagsag a lul jǝbɔ wɨma, ja yǝlam nǝb bwangtǝm Musaɨ.

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

1 Korinti 15:29

Na na mɨ guntǝm wo a bwaaɨ, wɛ bwɨ lɛ nǝn nǝb nɨ ja yʊ ji mwɛ sagsag a dul nǝbɔ a bʊla bʊlaɨ? Na na mɨsɔ jǝ gung nǝb nɨ lɛ a bʊla bʊlaɨ, n wɛ a bwɨ jǝ yʊ kaamɨ mwɛ lɛ a kɛl dul nǝb nɨ a bʊla bʊlaɨ?

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

1 Korinti 5:6

Maatǝm sʊtɔ jenɔ a bʊm bɔ. Jǝ́ nyǝm bɔ, kǝlɨ yisti nǝn dǝm nyɔ gǝ dɔ bʊtɔ kʊkkʊmɔ lɛ gwamɨ ka?

1 Korinti 6:19

Jǝ́ nyǝm bɔ bʊtɔ jenɔ n Kan Kwaaman Yʊwa Kwaamaɨ wʊnɨ a nǝl jeni, wʊnɨ jǝ́ nya a daagɔ Kwaama woi ka? Jen jǝ́ ke bɔ a dul jen.

1 Korinti 6:9

Jǝ́ nyǝm bɔ, nǝb nɨ mɨ sagsagɨɨ mɨsɔ jǝ nya kʊla fɔlɔn lɔ Kwaamaɨ lɛɨ ka? Ka ja swag jen nɛ! Nǝb bulonɔ, jǝbɔ nǝb bwangtǝm shomɔ, jǝbɔ batǝm kalalɨgɔ, jǝbɔ balɨ nɨ daa lɛ nǝn kǝga balɨɨ,

1 Korinti 9:13

Jǝ́ nyǝm bɔ, nǝbɔ maa maajɨ lɛ a Kan Kwaamanɨ, jǝ nya jǝjalǝn jinɔ woi ka? Nǝbɔ maa maajɨ lɛ a daa twɨtǝm yulʌni, jǝ nya a jinɔ a kanjǝl twɨtǝm yulʌnɔ jǝ biyo lɛɨ ka?

1 Korinti 9:24

Jǝ́ nyǝm bɔ a gaan sʊtǝm sʊgɔl, nǝb sʊtǝm sʊgɔlɔ jǝ maa laakatǝm, nʊ win na gǝ nya lǝmagɔ lɛɨ ka? Bɛ ya jǝ́ mwal sʊgɔlɔ lɛ nyɔ sǝ jǝ́ ku jelʌn.

2 Korinti 13:5

Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ.

Galatiya 3:27

Gwam jenɔ nɨ ja yʊ jen mwɛ sagsagɨ, jǝ́ yǝlam win jǝbɔ Kiristi, jǝ́ do yɨm Kiristii.

Yakubu 4:4

Jǝ́ na na nǝb bulon! Jǝ́ nyǝm bɔ yǝlamtǝm fwalɨ yooligɨɨ win jǝbɔ maatǝm kii jǝbɔ Kwaamaɨ ka? A dul kɛl nɨ, nʊ nɨ a do swɨtǝm yoolii, a do dul gǝnɔ gǝ nǝ kii Kwaamaɨ.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.