Roma 6:12 - Dadiya NT

¹² Bɛ ka jǝ́ jǝla lɛ bwɨlangkɛlɔ a maa fɔlɔn nǝn bʊtɔ jenɔ nɨ bʊla lɛɨ, kage jǝ́ bwangtǝn kanjǝl bwɨlan nɨ jǝ́ swɨ lɛɨ.

Roma 6:12 ပူးပေါင်းရင်းမြစ်များ

Roma 13:14

Bɛ jǝ́ do yɨm Tɛlalɔ Yesu Kiristii, ka jǝ́ do lɛ yɨm nǝfilii, ka jǝ́ maa lɛ wɛl kanjǝl bwɨla.

Roma 2:8

A nǝb nɨ swɨ dul jinɔ lɛ jǝbɔ nǝb nɨ a kɔ bwangtǝm bɨlǝngkɛlɔ jǝ maa bwɨlan nɛɨ, ywa ywa nǝn nabwɨl jǝbɔ kaltǝm nǝl.

Roma 5:21

Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Roma 6:14

Bwɨlangkɛlɔ mɨsɔ maa fɔlɔn nɛ a dul jen. Ke bɔ diil maa fɔlɔn nɛ a dul jeni, n lǝma Kwaamaɨ.

Roma 6:16

Jǝ́ nyǝm bɔ nʊ nɨ jǝ́ jǝg jǝ́ bwang gǝm lɛ na jwaalɛbɨɨ, jǝ́ yǝlam jwaalɛb gǝnɨ ka? Na jǝ́ jǝgǝm jǝ́ maa bwɨlangkɛlɨ, jǝ́ jwaalɛb gǝn wʊnɨ yɔ lɛ nǝn jen a bwaaɨ. Na jǝ́ jǝgǝm jǝ́ bwangtǝn Kwaamaɨ, jǝ́ yǝlam dǝngdǝng.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 8:13

Na jǝ́ yɨ yɨm bwangtǝm bʊtɔɨ, jǝ́ bʊla bʊla. Na jǝ́ yɨ yɨm a kwaan Yʊwa jǝ́ jʌm maajɨ bwangtǝm bʊtɔgɨɨ, jǝ́ yɨ yɨ nǝn kʊlɨ mɨ dɨtǝm wo.

2 Korinti 4:11

Na nǝn nǝn kʊlɨɨ, nǝn na a nyiyo bwaa a kɛl dul Yesui, sǝ kʊlɨ Yesui a nʊng a bʊtɔ nǝnɔ nɨ na bwaaɨ.

2 Korinti 5:4

Nǝn kwama bǝ yǝm nǝn bʊtɔ yooli nɨɨ, bǝ dʊna lɛ dʊnaɨ a gaalan nɨ bǝ nyʊwa lɛɨ. A nʊng bɔ bǝ swɨ lɛ bǝ bǝla bʊtɔ yooli nɨɨ. Bǝ swɨ lɛ ja mal bǝm bʊtɔ na dʌbʌlɔ, sǝ bʊtɔ kʊlɨgɔ a fʌlʌm bʊtɔ bwaagɔ.

Galatiya 5:16

Kɛl mǝndɨ gǝ na nyɔ, jǝ́ yɨ yɨm Yʊwa Kwaamaɨ. Bɛ ka jǝ́ maa lɛ bʊʊlalɨ jʊ nɨ bʊtɔgɔ swɨ lɛɨ.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

Afisa 4:22

Kanjǝlɔ ja mɛla jemi nǝn gǝ gɔ, jǝ́ tǝlam kanjǝl galɨgɔ fʌlen, wʊnɨ galɨgǝn jen a mʊgɔ gǝnɨ, wʊnɨ kal jen nɛ, swag jen nɛɨ.

1 Tasalonikaɨ 4:5

ke bɔ a gola bulon kanga Bʌtʌbɔ gǝ maam lɛɨ, nǝb nɨ a nyǝm bɔ Kwaamaɨ.

2 Timoti 2:22

Bɛ ń mwal swɨtǝm kanjǝl dǝlatǝm nu a lɔ bwayǝlɨ. Saa maajɨ nɨ dǝngdǝngɨ, jǝbɔ nǝtǝm bɨlǝngkɛlɔ, jǝbɔ swɨkanɔ, jǝbɔ yɨm kwamɨgǝn. Bɛ ń maa nyɔ mɔ jǝbɔ nǝb nɨ jo Tɛlalɔ lɛ nǝn nǝl sagsagɨɨ.

Titus 2:12

Wʊnɨ mɛla bǝm lɛ gɔ bǝ bǝla gola nɨ ke bɔ a bwangtǝm Kwaamaɨ, jǝbɔ dǝlatǝm nu a kanjǝl yooli nɨ. A mɛla bǝm tag gɔ bǝ yɨ yɨm bǝnɔ a yooli nɨ bǝ ta dul bǝnɔ, bǝ yǝlam nǝb yɨm dǝngdǝng, bǝ maa bʊʊlalɨ nɨ lɛ na a Kwaamaɨ.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

1 Bitrus 1:14

Jǝ́ yɨ yɨm bɛtɔ nǝtǝm dʊʊn. Ka jǝ́ bwangtǝn nɛ kanjǝl bwɨlantɨn nɨ jǝ́ maa lɛ galɨgǝnɨ, nǝn kwama nɨ jǝ́ nyǝm bɔ Kwaamaɨ.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

Yahuza 1:16

Nǝb nɨ n nǝb kʊngatǝm kɛl. N nǝb kaltǝm nǝbɨɨ nǝn nyiyo. Jǝ bwangtǝn wɛl nǝl jin. Jǝ maa lɨyal nǝn dul jin. Jǝ nǝ lǝma nyiyo sǝ ja nya jʊ jǝ swɨ lɛɨ.

Yahuza 1:18

Ja sʊwa jen gɔ, “A kwama dɨltǝm yooligɔ gǝm kaam nǝbɔ yǝlam nǝb mogtǝm, jǝ bwangtǝn wɛl nǝl jin, mɨ ji nǝn Yʊwa Kwaamaɨ.”