Roma 5:9 - Dadiya NT

⁹ Kanga kǝngkɔ bǝ yǝlam dǝngdǝng a gola tʊʊm gǝn, laa na nyǝn a bʊʊtǝmɔ bǝ nya lɛ a nabwɨl Kwaamaɨ a gola gǝnɨ.

Roma 5:9 ပူးပေါင်းရင်းမြစ်များ

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Roma 1:18

Kwaama a nʊng nabwɨl gǝnɔ a dʌbʌl a dul nǝb nɨ a kɔ bwangtǝm gǝnɨ jǝbɔ nǝb maatǝm bwɨlangkɛlɔ. Nǝb nɨ n nǝbɔ jǝ bǝm bɨlǝngkɛl lɛ a gola bwɨlangkɛl jinɔ gǝmɨ.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 5:10

Na a kwamagɔ bǝ nǝb kiim Kwaamaɨ, ja dɔ kʊm bǝnɔ ja fɛka bǝn a gola bwaa Bʊla gɨɨ, la na nyǝn, na ja dɔ kʊm bǝnɔ ja fɛka bǝnɨ, bǝ bʊʊ bʊʊ a gola kʊlɨ gǝnɔ gǝm!

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

Afisa 2:13

A kǝngkǝnɨ a mʊgɔ Kiristi Yesui, jen nɨ galɨgǝn jǝ́ kʊtaɨ, a gʊ jen nǝn dɔɔm a gola tʊʊm Kiristii.

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Ibranii 9:22

N bɨlǝngǝn, kanga diilɔ a nʊngɨ, kanjǝlɔ gwam ja saalǝm nǝn tʊʊm. Na ke bɔ tǝlatǝm tʊʊmɨ, na mɨ kǝlǝmtǝm bwɨlangkɛl wo.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.