Roma 5:21 - Dadiya NT

²¹ Kanga bwɨlangkɛlɔ a maa fɔlɔnɔ a gola bwaaɨ, na nyɔ tag lǝma Kwaamaɨ maa fɔlɔnɔ a gola dǝngdǝng, sǝ a nǝ bǝn kʊlɨ nɨ mɨ dɨtǝm woi a gola Yesu Kiristii, Tɛlalɔ bǝn.

Roma 5:21 ပူးပေါင်းရင်းမြစ်များ

Matta 25:46

Jǝ yɔ nǝn ji a daa mwɛtǝm nɨ mɨsɔ dɨ lɛ woi. Nǝb dǝngdǝngɔ jǝ yɔ nǝn ji a daa kʊlɨ nɨ mɨ dɨtǝm woi.”

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 10:28

Mǝ nǝ ji kʊlɨ nɨ lɛ mɨ dɨtǝm woi. Mɨsɔ jǝ bʊla lɛ wo tag. Mɨ nʊ nɨ wo dwal lɛ a yem ji a kang mɨɨ.

Roma 4:13

Swatǝm yaa nɨ ja maa Ibrahim gǝm jǝbɔ dʊʊm gǝnɨ, sʊwa lɛ gɔ ja ja kʊla yooligɨɨ, a bɛ bɔ a gola diil. N gola dǝngdǝng nɨ jǝ nya lɛ a gola nǝtǝm bɨlǝngkɛlɨ.

Roma 5:12

Kanga bwɨlangkɛlɔ a dɔ yooligɔ a gola nǝl wini, bwɨlangkɛl nɨ nǝn gɔ a bɛ nǝn bwaaɨ, n jʊ a bwɨ bwaagɔ a yǝlam kʊla nǝbɨɨ gwamɨ, jʊ a bwɨɨ pʌd bǝ maa bwɨlangkɛl.

Roma 5:14

Bwaagɔ a tǝl nǝn Adamu a yɔ nǝn a daagɔ Musa woi. A yɔ nǝn tag a dul nǝb nɨ bwɨlangkɛl jinɔ a maa bɔ na bwɨlangkɛl Adamui, wʊnɨ a jelka nʊ nɨ bɛ lɛɨ.

Roma 5:17

Na n dul bwɨlangkɛl nʊ nɨ win bwaagɔ a wɔɔ nǝbɔ gwamɨ, la na nyǝn a nǝb nɨ a nya lǝma a lada, jǝbɔ nǝtǝm wʊnɨ n dǝngdǝng Kwaamaɨ? Jǝ maa fɔlɔn a mʊgɔ kʊlɨ, a gola nʊ nɨ wini, nǝn gɔ nǝn Yesu Kiristi.

Roma 6:12

Bɛ ka jǝ́ jǝla lɛ bwɨlangkɛlɔ a maa fɔlɔn nǝn bʊtɔ jenɔ nɨ bʊla lɛɨ, kage jǝ́ bwangtǝn kanjǝl bwɨlan nɨ jǝ́ swɨ lɛɨ.

Roma 6:14

Bwɨlangkɛlɔ mɨsɔ maa fɔlɔn nɛ a dul jen. Ke bɔ diil maa fɔlɔn nɛ a dul jeni, n lǝma Kwaamaɨ.

Roma 6:16

Jǝ́ nyǝm bɔ nʊ nɨ jǝ́ jǝg jǝ́ bwang gǝm lɛ na jwaalɛbɨɨ, jǝ́ yǝlam jwaalɛb gǝnɨ ka? Na jǝ́ jǝgǝm jǝ́ maa bwɨlangkɛlɨ, jǝ́ jwaalɛb gǝn wʊnɨ yɔ lɛ nǝn jen a bwaaɨ. Na jǝ́ jǝgǝm jǝ́ bwangtǝn Kwaamaɨ, jǝ́ yǝlam dǝngdǝng.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Roma 8:10

Na Kiristi a nǝl jeni, bʊtɔgɔ a bʊlam bʊlamɨ a dul maatǝm bwɨlangkɛl sul, Yʊwa Kwaamaɨ nǝ jen kʊlɨ, jʊ a bwɨɨ Kwaama a dǝg jen jǝ́ yǝlam dǝngdǝng.

Titus 2:11

Mɛla jim nyɔ jʊ a bwɨɨ, lǝma Kwaamaɨ a bɛ sǝ a bʊʊ nǝn nǝbɔ gwam.

Ibranii 4:16

A dul kɛl nɨɨ, bɛ bǝ bɛ nǝn dɔɔm a kotere fɔlɔn lǝma Kwaamaɨ, nǝn kwaan bʊtɔ, sǝ a ji bʊnǝn bǝnɔ, sǝ a maa bǝm lǝma nɨ tɨka bǝn nɛɨ a kwama nɨ bǝ saa tɨkalɨ lɛɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.

1 Yohana 2:25

Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.