Roma 5:2 - Dadiya NT

² N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Roma 5:2 ပူးပေါင်းရင်းမြစ်များ

Matta 25:21

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Yohana 10:7

A kɛl nɨ gǝmɨ, Yesu a yǝla a sʊwa ji gɔ, “Bɨlǝngkɛl, mǝ sʊwa jen nɛɨ, nǝmǝ mǝ nyanga kan kwamɨtɨnɨ.

Yohana 10:9

Nǝmǝ mǝ nyangagɨɨ, nʊ nɨ a dɔ a gola mɨɨ, bʊʊ bʊʊ. Gǝ dɔ dɔ, sǝ a jel, ya saa jǝjalǝn.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Maajɨ Bɛtɔ Twamagɨɨ 14:27

Ja bɛ woi, ja mʊr mʊrkalɨ nǝb bwangtǝm Kwaamaɨ, ja nǝ ji fulon jʊ Kwaama a maa a daa ji woi. Ja sʊwa nǝb bwangtǝmɔ tag kanga Kwaama a wum Bʌtʌbɔ gǝm nyanga kan nǝtǝm bɨlǝngkɛlɨ.

Roma 11:20

N bɨlǝngǝn dangǝn. Ja nǝ bɔ bɨlǝngkɛl n jʊ a bwɨ ja kǝlam jii. Mɔ n kɛl nǝtǝm bɨlǝngkɛl mʊnɔ ja bǝla ń woi. Bɛ ka ń gung lɛ dul. Bɛ ń nyʊwa taal Kwaamaɨ.

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

Roma 14:4

Nǝmɔ mʊ wo mʊ ya bwɨlan nɛ a dul kaa bwɛ jwaalɛ nǝlɨ? Na tɨ tɨɨ, na yal yalɨ, n mwɛ tɛlalɔ gǝnɨ. Jǝ tɨ tɨ nǝn gɔ, jʊ a bwɨɨ Tɛlalɔ nǝn kwaan nɨ tɨ lɛ nǝn gɨɨ.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Roma 3:23

Jʊ a bwɨɨ nǝfitʌmɔ gwam a maa bwɨlangkɛl, ja gɨya tag a dʊʊlǝn Kwaamaɨ.

Roma 5:5

Yatǝm nǝlɔ mɨ gǝ bɛ lɛ nǝn gunidul, jʊ a bwɨɨ Kwaama a kwɛl a tal swɨtǝm gǝnɔ a nǝl bǝnɔ gǝm, a gola Yʊwa Kwaamaɨ nɨ ga nǝ bǝnɨ.

Roma 8:1

Gǝ na nyɔ, mɨ borang bwaa wo kǝngkɔ a dul nǝb nɨ a mʊgɔ Kiristi Yesui.

Roma 8:24

A nǝ bǝn yatǝm nǝl nɨ kwama bǝ nya bʊʊtǝmɨ. Na bǝ ya nǝl a jʊ nɨ bǝ kuwoi, n ke bɔ yatǝm nǝl. Nuwo ya nǝl lɛ a jʊ nɨ a kwɛl a nyaɨ?

1 Korinti 15:1

A kǝngkɔ, kambɔ, mǝ bʊʊla jem bʊʊla fulon kɛl lǝmɨ nɨ mǝ sʊwa jeni, wʊnɨ jǝ́ yoi, wʊnɨ jǝ́ bwangtǝnɨ.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Afisa 2:18

N daa gǝ woi gwam bǝnɔ yo bǝ nya bɛtǝm a daagɔ Tɛtɛ woi a gola Yʊwagɔ wini.

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

Afisa 6:13

Bɛ jǝ́ dʊʊ kanjǝl tatǝm kun Kwaamaɨ pʌd, sǝ jǝ́ dwal jǝ́ tɨ, jǝ́ kʌshi dul jenɔ nǝn di kɔkɔ bwɨla nɨ, sǝ na nǝn kwama jǝ́ dɨm tatǝm kun nɨ, jǝ́ ja kǝga nǝn tɨmɔ nǝn kwaan.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 6:18

Kanjǝl nɨ yoi mɨsɔ fʌto lɛ wo, swatǝm yaa jǝbɔ wɛɛlɨ nɨ Kwaama a maaɨ. Mɨsɔ bwɨ lɛ Kwaama a maa gabakɛl. A dul kɛl nɨ, bǝn nɨ bǝ mwala bǝ nya daa wuutǝmɨ bǝ nya kwaan dangǝn, bǝ ta jʊ nɨ bǝ ya nǝl wo a dul gǝn dangǝnɨ.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

Dʊgam Nyangnyang 21:11

Tuulɔ nɨ beta lɛ nǝn dʊʊlǝn Kwaamaɨ, betatǝm gǝnɔ a maa na tɛl bʊmǝntɨn, maamɔ tɛl kwaasɨn fulo nǝn fǝbfǝb nyɔ, beta lɛ na bwaala.

Dʊgam Nyangnyang 21:23

Tuulɔngɔ a saa bɔ nyalǝm kɔkɔ, jǝbɔ fulotǝm bwaala sǝ a nǝ gǝn nyalǝm, jʊ a bwɨɨ dʊʊlǝn Kwaamaɨ nǝn gɔ nyalǝm gǝnɨ. Bɛ Gal nɨ nǝn gɔ fitila gǝnɨ.

Dʊgam Nyangnyang 21:3

N nyʊwa kaa diil nǝn kwaan nyɔ a daagɔ kotere fɔlɔnɔ woi, sʊwa lɛ gɔ, “Jǝ́ kuwo, daa yɨm Kwaamaɨ gǝ na jǝbɔ nǝbɔ, yɨ jǝbɔ ji. Jǝ yǝlam nǝbam gǝn, Kwaama nǝn dul gǝn yɨ yɨ jǝbɔ ji a yǝlam Kwaama ji.

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.