Roma 5:17 - Dadiya NT

¹⁷ Na n dul bwɨlangkɛl nʊ nɨ win bwaagɔ a wɔɔ nǝbɔ gwamɨ, la na nyǝn a nǝb nɨ a nya lǝma a lada, jǝbɔ nǝtǝm wʊnɨ n dǝngdǝng Kwaamaɨ? Jǝ maa fɔlɔn a mʊgɔ kʊlɨ, a gola nʊ nɨ wini, nǝn gɔ nǝn Yesu Kiristi.

Roma 5:17 ပူးပေါင်းရင်းမြစ်များ

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Yohana 10:10

Nǝkuugɔ a bɛ sǝ ba kuu kuul, jǝbɔ jʌtǝm, jǝbɔ kaltǝm. Mǝ bɛ sǝ ja nya kʊlɨ, kʊlɨ nɨ a ladaɨ.

Roma 5:12

Kanga bwɨlangkɛlɔ a dɔ yooligɔ a gola nǝl wini, bwɨlangkɛl nɨ nǝn gɔ a bɛ nǝn bwaaɨ, n jʊ a bwɨ bwaagɔ a yǝlam kʊla nǝbɨɨ gwamɨ, jʊ a bwɨɨ pʌd bǝ maa bwɨlangkɛl.

Roma 5:15

Nǝtǝm Yesui nɨ mɨ dǝngdǝng jǝbɔ bwɨlangkɛl Adamui. Bwɨlangkɛl nʊ nɨ wini a gʊ nǝb nɨ a lada nyɨɨ gǝm bwaa. La na nyǝn a lǝma Kwaamaɨ jǝbɔ nǝtǝm nɨ a bɛ a gola nǝfilii win swarɨ, Yesu Kiristi, a sʊ nǝbɔ gǝm a lada nyɨɨ!

Roma 5:20

Ja dɔ nǝn diilɔ sǝ bwɨlangkɛlɔ a jel a talɨ. Daagɔ bwɨlangkɛlɔ a sʊtǝnɨ, lǝma Kwaamaɨ gǝ sʊ sʊ a laa nyɔ.

Roma 6:14

Bwɨlangkɛlɔ mɨsɔ maa fɔlɔn nɛ a dul jen. Ke bɔ diil maa fɔlɔn nɛ a dul jeni, n lǝma Kwaamaɨ.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Roma 8:39

na n debatǝmɨ, na n tushitǝmɨ, na kaa jǝl wo a kanjǝl nɨ gwam ja fwalɨ, ja la bɔ ja wʊlaka bǝn jǝbɔ swɨtǝm nɨ Kwaama maa bǝm lɛ a mʊgɔ Kiristi Yesu Tɛlalɔ bǝnɨ.

1 Korinti 15:49

Kanga ja bʌ bǝn bǝ do jelkalǝng nǝfilii, n kanga bǝ do jelkalǝng nʊ nɨ lɛ a dʌbʌli.

1 Korinti 4:8

Kɛ jǝ́ kwɛl jǝ́ nya jʊ jǝ́ swɨ lɛɨ! Kɛ jǝ́ kwɛl jǝ́ yǝlam nǝb shiloi! Kɛ jǝ́ kwɛl jǝ́ yǝlam fɔlɔlɔm ke bɔ jǝbɔ nǝnɨ! Mǝ ya nǝl lɛ mǝʊ jǝ́ yǝlam fɔlɔlɔm, sǝ nǝn yǝlam fɔlɔlɔm nǝbɔ jen!

Filibii 3:9

sǝ n yǝlam win nǝbɔ gɔ. Mǝ ya bɔ nǝl mǝ mǝ nǝ dǝngdǝng a gola bwangtǝm diil, na ke bɔ a gola nǝtǝm bɨlǝngkɛl a dul Kiristii. N dǝngdǝng nɨ a daa Kwaama woi bɛ lɛ nǝn nǝtǝm bɨlǝngkɛlɨ.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

2 Timoti 2:12

Na bǝ kʊ nǝlɨ, bǝ maa maa fɔlɔn bǝnɔ gɔ tag. Na bǝ kana nyǝmtǝm gǝnɨ, gǝ tǝgǝn kana kana nyǝmtǝm bǝnɔ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

Dʊgam Nyangnyang 1:6

A dǝg bǝn bǝ yǝlam nǝb fɔlɔn jǝbɔ nǝbkǝlam sǝ bǝ maa Kwaama Tɛtɛ gɔ gǝm maajɨ. Bɛ dʊʊnɔ jǝbɔ kwaanɔ a ta tʌgo gwanggwang mɨ dɨltǝm wo. A daa nyɔ.

Dʊgam Nyangnyang 20:4

Nǝngɔ mǝ kuwo kaam kotere fɔlɔnɔ, jǝbɔ nǝb nɨ ja nǝ ji fɔlɔn biyotǝm borangɨ yǝmam a dul jin. N kuwo kʊlɨ nǝb nɨ ja betam dultɨn jini, a kɛl nǝtǝm nyiyo a dul Yesui jǝbɔ kɛl Kwaamaɨ. Nǝji ja nǝ bɔ yʊwal bwɨla nɨ bǝlátǝm jǝbɔ bawilom gǝnɨ, ja yo bɔ kwatɨ a tɛkǝga jǝbɔ kangtɨn jinɔ. Ja fulo, ja maa fɔlɔn jǝbɔ Kiristi a yɔ nǝn jolɔ fʊlkʊblǝn.

Dʊgam Nyangnyang 20:6

Nʊ nɨ a nya guntǝm nǝn tɨkǝgaɨ, n nǝ bwili, n nǝ sagsag. Bwaa na yogɔ mɨ nǝn kwaan a dul nǝb nɨɨ. Ja yǝlam nǝbkǝlam Kwaamaɨ jǝbɔ a Kiristii, sǝ ja maa fɔlɔn jǝbɔ gɔ a yɔ nǝn a jolɔ fʊlkʊblǝn.

Dʊgam Nyangnyang 22:5

Mɨsɔ jǝ fi kum lɛ wo. Mɨsɔ jǝ swɨ kuwotǝm nyalǝm fitila lɛ jǝbɔ nyalǝm kɔkɔgɔ, jʊ a bwɨɨ, Tɛlalɔ Kwaama nǝn gɔ yǝlam jim nyalǝm lɛɨ. Jǝ maa maa fɔlɔn mɨ dɨltǝm wo.

Dʊgam Nyangnyang 3:21

“Nʊ nɨ a ku jelʌni, mǝ nǝ gǝn nǝ gola a yɨ jǝbɔ mǝ a dʌbʌl kotere fɔlɔn mǝndɨ, kanga mǝ tǝmɨ mǝ ku jelʌni, mǝ yɨ dakini nǝbɔ Tɛtɛ mɨ a dʌbʌl kotere fɔlɔn gǝnɨ.