Roma 5:11 - Dadiya NT

¹¹ A sʊtǝnɨ, bǝ maa lɨyal lɛ tag nǝn Kwaama a gola Tɛlalɔ bǝn Yesu Kiristii, wʊnɨ n daa gǝ woi ja dɔ kʊm bǝnɔ ja fɛkaɨ.

Roma 5:11 ပူးပေါင်းရင်းမြစ်များ

Luka 1:46

Maryamu gɔ, “Nǝl mǝndɨ dʊʊl Tɛlalɔ lɛ.

Yohana 1:12

A nǝb nɨ gwam a yo gǝnɨ, a nǝ bɨlǝngkɛl a daa gǝ woi, a nǝ ji fɔlɔn ja yǝlam bɛtɔ lɔ Kwaamaɨ.

Roma 11:15

Na kɔtǝm jinɔ ja maaɨ a yǝlam gola fɛkalɨ yooligɔ jǝbɔ Kwaamaɨ, na Kwaama a yo ji tagɨ, a yǝlam na fulotǝm nǝn kʊlɨ a mʊgɔ bwaa.

Roma 2:17

Na ń sʊwa mɔʊ, mʊ bwɛ Yahudaɨ, na mʊ ya nǝl a diili, mʊ maa lɨyal lɛ nǝn Kwaamaɨ,

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 5:10

Na a kwamagɔ bǝ nǝb kiim Kwaamaɨ, ja dɔ kʊm bǝnɔ ja fɛka bǝn a gola bwaa Bʊla gɨɨ, la na nyǝn, na ja dɔ kʊm bǝnɔ ja fɛka bǝnɨ, bǝ bʊʊ bʊʊ a gola kʊlɨ gǝnɔ gǝm!

Roma 5:3

A sʊtǝnɨ, bǝ maa lɨyal lɛ nǝn nɔɔtǝm gaalan bǝnɔ. Bǝ nyǝm nɔɔtǝm gaalanɔ nǝn gɔ gǝ bɛ lɛ nǝn bwatǝm nǝlɨ.

Roma 8:23

Ke bɔ kanjǝl fwaltǝm tǝna lɛ kwaajii, bǝ wo a mʊgɔ gǝn, bǝn nɨ bǝ kwɛl bǝ nya nyaɨ Yʊwa Kwaamaɨ, wʊnɨ nǝn gɔ tǝltǝm kanjǝl nɨ Kwaama a nǝ bǝnɨ, bǝ tǝna lɛ a nǝl bǝn, kanga bǝ yam lɛ nǝn yatǝm nǝl nyangǝnɨ, sǝ Kwaama a do bǝn bǝ yǝlam bɛtɔ lɔ gɨɨ, nǝn kwama a jǝg bʊtɔ bǝnɨ.

Roma 9:10

A tɨ bɔ nyɔ, bɛtɨ yo nɨ, nɛnɛ bǝn Rifkatu a do fʌlɔ jǝbɔ tɛtɛ bǝn Ishaku.

1 Korinti 10:16

Kʌshi buutǝm kang nɨ bǝ buum Kwaama gǝm kang lɛɨ, n ke bɔ jʊ a mʊrka bǝn a tʊʊm Kiristii ka? Kʊkkʊm nɨ bǝ kǝlsa lɛɨ, n ke bɔ jʊ a mʊrka bǝn a bʊtɔ Kiristii ka?

2 Korinti 8:19

A sʊtǝnɨ, mʊrkalɨtɨn nǝb bwangtǝm Kwaamaɨ a jǝgǝm gǝn ya yɔ lɛ dakini jǝbɔ nǝnɨ, kanga nǝ do kemʌn nɨ ja nǝɨ. Nǝ maa maajɨ nɨ sǝ a gung dʊʊlǝn Tɛlalɔɨ, sǝ a nʊng tɨkalɨgɔ nǝn swɨ lɛ nǝn maaɨ.

Galatiya 4:9

Kǝngkɔ jǝ́ nyǝm Kwaamaɨ, mǝ sʊwa sʊwa mǝʊ Kwaama a nyǝm jen, n wɛ a bwɨ jǝ́ yǝla lɛ a jǝfʊlǝn nɨ mɨsɔ sɔl jem bʊnǝn nɛɨ, jǝ́ swɨ lɛ jǝ́ yǝlam bɛtɔ jwaalɛn jin tag ka?

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Filibii 3:1

A dɨltǝmɔ gǝmɨ kambɔ, jǝ́ maa fulotǝm nǝl nǝn Tɛlalɔ! Mɨ komtǝm wo n yǝla n mʊla jem kanjǝl nɨ tʌgo tag. Maatǝmɔ nyɨɨ nǝn gɔ n tɨkalɨ jeni.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Filibii 4:4

Bɛ jǝ́ maa fulotǝm nǝl kwangkwang nǝn Tɛlalɔ. Mǝ sʊwa jen nɛ tʌgo tag, jǝ́ maa fulotǝm nǝl!

Kolosii 2:6

Kanga jǝ́ yo Kiristi Yesu nǝn Tɛlalɔ jeni, bɛ jǝ́ ja kǝga nǝn yɨmɔ a mʊgɔ gǝn.

1 Bitrus 1:8

Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.