Roma 4:17 - Dadiya NT

¹⁷ Kanga a mʊla mʊlaɨ gɔ, “N dǝg ń ń yǝlam tɛ a bǝlǝntǝmɔ gǝm a lada.” Nǝn gɔ nǝn tɛtɛ bǝn a kǝga Kwaamaɨ, wʊnɨ ga nǝ bɨlǝngkɛl a daa gǝ woi. Nǝn gɔ nǝ kʊlɨ lɛ a bʌlʌntɨnɨ. Nǝn gɔ nǝn kwaan jotǝm jʊtǝb nɨ mɨ woi a yǝlam woi.

Roma 4:17 ပူးပေါင်းရင်းမြစ်များ

Matta 3:9

Bɛ ka jǝ́ sʊwa lɛ jengɔ, ‘Ibrahim nǝn gɔ nǝn tɛtɛ bǝnɨ.’ Mǝ sʊwa jen nɛ, Kwaama a mʊgɔ kwaan gǝn gung gung Ibrahim gǝm bɛtɔ dwalǝn a mʊgɔ tatǝn nɨ.

Yohana 5:21

Kanga Tɛ bwɛ gǝ gung bʌlʌnɔ lɛ nǝn kʊlɨɨ, gǝ na nyɔ Bwɛ nǝ nǝ kʊlɨ a nʊ nɨ gwam a swɨɨ.

Yohana 5:25

Bɨlǝngǝn mǝ sʊwa jen nɛɨ, kwamagɔ bɛ lɛ wo, a kwɛl a bɛ bɛɨ, nǝb nɨ a bʊlalaɨ, jǝ nyʊwa nyʊwa diil Bʊla Kwaamaɨ. Nǝb nɨ a nyʊwaɨ, jǝ bʊʊ bʊʊ.

Yohana 6:63

Yʊwa Kwaamaɨ nǝn gɔ nǝ kʊlɨ lɛɨ, bʊtɔgɔ mɨ nǝn kaa kwaan wo. Kɛltɨn nɨ mǝ sʊwa jeni, n Yʊwa jǝbɔ kʊlɨ.

Maajɨ Bɛtɔ Twamagɨɨ 15:18

Tɛlalɔ nɨ a maa kanjǝlɔ gwamɨ, a sʊwa nyɨɨ.’ “A nʊng kanjǝl nɨ joltɨnɔ a gǝlala.

Roma 3:29

Kwaamagɔ n Kwaama Yahudawagɨɨ kwaaji ka? Ke bɔ a Bʌtʌbi tʌji ka? N bɨlǝngǝn na a Bʌtʌbi tʌji.

Roma 4:18

A ya bɔ nǝl a dul gǝn nǝn kang gǝn. A ya nǝl a daa Kwaama woi. A nǝ bɨlǝngkɛl gɔ gǝ yǝlam yǝlam “Tɛtɛ bǝlǝntǝmɨ a lada.” Kanga Kwaama a sʊwa gǝn gɔ, “Bɨlǝngǝn dʊʊm mʊnɔ yǝlam yǝlam a lada.”

Roma 4:2

Na na Ibrahim a yǝlam nǝ dǝngdǝng a makajǝng gǝnɔ gǝmɨ, na nǝngǝn nǝn jʊ nɨ maam lɨyal lɛɨ, ke bɔ a kǝga Kwaamaɨ.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 9:11

Nǝn kwama a lǝga bɔ a bʌ bɛtɨ yo nɨɨ, nǝn kwama ja lǝga bɔ ja maa jʊ nɨ a bʊmɨ jǝbɔ jʊ nɨ a bʊm bɨɨ, Kwaama a sʊwa gǝn gɔ, “Bwɛ dʊʊnɔ nǝ nǝ bwɛ dwalɨgɔ dʊʊn.” Kwaama a sʊwa nyɔ sǝ a nʊng nʊ nɨ gǝ jǝgǝmɨ, a jǝg gǝn a gola jǝlatǝm gǝn, ke bɔ a dul makajǝng nyantɨn, n jotǝm gǝn.

Roma 9:26

A daa nɨ Kwaama a sʊwa ji gɔ, ‘Jǝ́ ke bɔ nǝbam mɨ.’ N daa nɨ tag a jo ji gɔ jǝ ‘bɛtɔ lɔ Kwaama Nǝ Kʊlɨɨ.’ ”

1 Korinti 1:28

Kwaama a jǝgǝm nǝb nɨ mɨ a nyiyo jǝlɨ, jǝbɔ nǝb nɨ yooligɔ a kɔɨ, jǝbɔ kanjǝl nɨ mɨ woi, sǝ a kalǝm kanjǝl nɨ woi.

1 Korinti 15:45

A mʊla mʊlaɨ nyɔ gɔ, “Nǝ tɨkǝgagɔ nǝn Adamu a yǝlam nǝn kʊlɨɨ.” Adamu gulɔ n yʊwa nɨ nǝ kʊlɨ lɛɨ.

1 Timoti 6:13

N mʊrka ń jǝbɔ Kwaama, nʊ nɨ a nǝ kʊlɨ a kanjǝlɔ gǝm gwamɨ, n mʊrka ń jǝbɔ Kiristi Yesu, wʊnɨ a nʊng nǝtǝm nyiyo nyan a kǝga Buntus Bilatusi,

Ibranii 11:12

A gola nǝfili win, wʊnɨ nǝn galɨgǝn gǝ jǝbɔ bʌlʌnɔ jǝ wini, a fwal dʊʊmɔ a lada nyɔ na nyanyamɨtɨnɨ a kwama, a maa na swiyoti tag a kʌng wɨmaɨ.

Ibranii 11:3

N gola nǝtǝm bɨlǝngkɛl bǝ nyǝm gɔ n sʊwatǝm kɛl nǝn nyiyo Kwaama a fwal yooligɨɨ. Bǝ nyǝm tag Kwaama a fwal kanjǝl nɨ bǝ kuwo lɛɨ, a mʊgɔ kanjǝl nɨ mɨ bǝ kuwo lɛɨ.

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.

1 Bitrus 2:10

Galɨgǝn jǝ́ ke bɔ nǝbɔ wini, kǝngkɔ jǝ́ nǝbam Kwaamaɨ. Galɨgǝn jǝ́ yo bɔ bʊnatǝm gǝnɔ, kǝngkɔ jǝ́ yo bʊnatǝm gǝnɔ.

2 Bitrus 3:8

Kɛtǝlam mɨ nɨ mǝ swɨ lɛɨ, ka jǝ́ twab lɛ kɛl nɨ win swar gɔ, a daa Tɛlalɔ woi kumɔ win swar a maa na jolɔ fʊlkʊblǝn, jolɔ fʊlkʊblǝn a maa na kumɔ win swar.