Roma 4:16 - Dadiya NT

¹⁶ N kɛl dul jʊ nɨ, Kwaama a nǝ kanjǝl nɨ ga maa swatǝm yaaɨ a nǝb nɨ a nǝ bɨlǝngkɛlɨ. Jʊ nɨ nǝn gɔ a yǝlam lǝma Kwaamaɨ, a yɔ nǝn a dʊʊm Ibrahimi. Ke bɔ a dul nǝb nɨ bwangtǝn diil lɛɨ kwaaji. A yɔ nǝn a nǝb nɨ a nǝ bɨlǝngkɛlɨ kanga Ibrahim a maamɨ. Nǝn gɔ nǝn Tɛtɛ bǝn pʌdi.

Roma 4:16 ပူးပေါင်းရင်းမြစ်များ

Luka 19:9

Yesu a sʊwa gǝn gɔ, “Dwiyen ń nya bʊʊlɨ a lɔ mɔ, jʊ a bwɨɨ, mʊ nǝn bʊla Ibrahimi tǝmʊn.

Roma 15:8

Mǝ sʊwa jen nɛ, Kiristi a yǝlam bwɛ jwaalɛ a daagɔ Yahudawagɔ woi, sǝ a nʊng bɨlǝngkɛl Kwaamaɨ, sǝ a yii swatǝm yaa Kwaamaɨ wʊnɨ a maa tʊgalam jinɔ gǝmɨ.

Roma 3:22

Dǝngdǝng nɨ na a Kwaamaɨ, wʊnɨ nyatǝm gǝnɔ n gola nǝtǝm bɨlǝngkɛl a daa Yesu Kiristi woi a nǝb nɨ gwam a nǝ bɨlǝngkɛlɨ, mɨ nʊngtǝm wo nǝn dʌmʌn.

Roma 3:30

Kanga nɨ Kwaama win swar, dǝg nǝb biyotǝm mwɛnɔ lɛ a yǝlam dǝngdǝng a dul nǝtǝm bɨlǝngkɛlɨ, n kanga dǝg nǝb nɨ lɛ a biyo bɔ mwɛnɨ ja yǝlam dǝngdǝng a gola nǝtǝm bɨlǝngkɛl tʌjii.

Roma 4:11

Biyotǝm mwɛn nɨ ja maa gǝmɨ, gǝ nʊng dǝgtǝm kang gǝ ga yǝlam dǝngdǝng a gola nǝtǝm bɨlǝngkɛl nɨ gǝ nǝngǝn na lǝga bɔ ja biyo gǝm mwɛnɨ. N jʊ nɨ a dǝg gǝn ga yǝlam tɛ bwɛ a nʊ nɨ gwam a nǝ bɨlǝngkɛlɨ, ja biyo bɔ mwɛn, ja kiyo ji a mʊgɔ nǝb dǝngdǝng.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 9:8

Jʊ nɨ gǝ nʊng gɔ, yǝlamtǝm bɛtɔ lɔ Kwaamaɨ n ke bɔ yǝlamtǝm guu Ibrahimi a bʊtɔ, n guu swatǝm yaa nɨ jǝ kiyo lɛ gɔ n guu Ibrahimi dangǝnɨ.

Galatiya 3:14

A jǝg bǝn sǝ bwili nɨ Kwaama a maa Ibrahim gǝmɨ, a bɛ Bʌtʌbɔ gǝm a gola Yesu Kiristii, sǝ bǝn a gola nǝtǝm bɨlǝngkɛl bǝ nya nya Yʊwa Kwaamaɨ nɨ Kwaama a swam yaaɨ.

Galatiya 3:16

Kwaama a maa swatǝm yaa jǝbɔ Ibrahim, jǝbɔ dʊʊm gǝnɔ. Kɛl Kwaamaɨ a sʊwa bɔ gɔ, “Kʌm dʊʊm” wʊnɨ nʊng lɛ gɔ a ladaɨ. Mɨ nyɔ. A sʊwa gɔ “Dʊʊm mʊnɔ” wʊnɨ a nʊng nʊ wini, nǝn gɔ nǝn Kiristi.

Galatiya 3:22

Mʊlalɨ kɛl Kwaamaɨ a sʊwa gɔ yooligɔ gwam gǝ na a mʊgɔ bwɨlangkɛl. N wɛ a bwɨɨ? Sǝ swatǝm yaa nɨ Kwaama a maa a dul nǝtǝm bɨlǝngkɛl a daa Yesu Kiristi woi, a bɛ nǝb nɨ gǝm a nǝ bɨlǝngkɛlɨ.

Afisa 2:5

A kwama nɨ bǝ bʌlʌntɨn a mʊgɔ bwɨlangkɛl bǝnɔ gǝmɨ, nǝn gɔ a nǝ bǝn kʊlɨ jǝbɔ Kiristii. (N gola lǝma Kwaamaɨ a bʊʊ nǝn bǝnɨ!)

Afisa 2:8

N gola lǝma Kwaamaɨ a bʊʊ nǝn jen a nǝtǝm bɨlǝngkɛlɨ. N ke bɔ kwaan dul jen. N nǝtǝm lǝma a daagɔ Kwaama woi.

Titus 3:7

A maa nyɔ sǝ a jǝg bǝn nǝn lǝma gǝnɔ sǝ bǝ yǝlam nǝb jatǝm kʊla, nǝb yatǝm nǝl a kʊlɨ nɨ mɨ dɨtǝm woi.

2 Bitrus 1:10

A dul kɛl nɨɨ kambɔ, jǝ́ fɛ jǝ́ sʊtǝn kwaan jǝ́ nʊng gɔ nǝn Kwaama a jo jeni, a jǝgam jeni. Na jǝ́ maa nyɨɨ, mɨsɔ jǝ́ yala lɛ wo.