Roma 3:29 - Dadiya NT

²⁹ Kwaamagɔ n Kwaama Yahudawagɨɨ kwaaji ka? Ke bɔ a Bʌtʌbi tʌji ka? N bɨlǝngǝn na a Bʌtʌbi tʌji.

Roma 3:29 ပူးပေါင်းရင်းမြစ်များ

Matta 22:32

‘Nǝmǝ mǝ Kwaama Ibrahimi, Kwaama Ishakui, jǝbɔ Kwaama Yakubui.’ Nǝn gɔ Kwaama nǝb nɨ nǝn kʊlɨɨ, n ke bɔ a nǝb nɨ mɨ nǝn kʊlɨɨ.”

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Maajɨ Bɛtɔ Twamagɨɨ 10:34

Nǝngɔ Bitrus a tǝl sʊwa ji kɛlɔ lɛ gɔ, “N nyǝm n bɨlǝngkɛl, Kwaama mɨ nʊng swɨtǝm dul lɛ.

Maajɨ Bɛtɔ Twamagɨɨ 22:21

“Nǝngɔ Tɛlalɔ a sʊwa ɨ gɔ, ‘Gun ń shu. Mǝ twam ń twam ń a kʊta kʊtaɨ a daa Bʌtʌbɔ woi.’ ”

Maajɨ Bɛtɔ Twamagɨɨ 26:17

Mǝ bʊʊ bʊʊ nǝn mɔ a daagɔ nǝbam mʊnɔ woi, jǝbɔ nǝb nɨ n Bʌtʌbi, nǝb nɨ mǝ twam ń nɛ a daagɔ ji woi.

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Roma 10:12

Mɨ nʊngtǝm wo nǝn dʌmʌn a kʊm Yahudawagɨɨ jǝbɔ Bʌtʌbɔ. Tɛlalɔ nǝn gɔ Tɛlalɔ nɨ win gwamɨ, nǝn gɔ nǝ bwili lɛ a ladaɨ a nǝb nɨ a yɔ nǝn keli jinɔ a daa gǝ woi.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

Galatiya 3:14

A jǝg bǝn sǝ bwili nɨ Kwaama a maa Ibrahim gǝmɨ, a bɛ Bʌtʌbɔ gǝm a gola Yesu Kiristii, sǝ bǝn a gola nǝtǝm bɨlǝngkɛl bǝ nya nya Yʊwa Kwaamaɨ nɨ Kwaama a swam yaaɨ.

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Kolosii 3:11

A daa nɨ gǝm, mɨ gola nʊngkatǝm wo nǝn dʌmʌn a kʊm bwɛ Bʌl jǝbɔ bwɛ Yahuda, nʊ nɨ a biyo mwɛnɨ jǝbɔ nʊ nɨ a biyo bɔ mwɛnɨ, nǝ saatǝm kutʌm jǝbɔ nʊ nɨ a swɛla swɛlaɨ, bwɛ lɔɨ jǝbɔ bwɛ jwaalɛ. Kiristi nǝn gɔ a laa jǝlɨ, nǝn gɔ a mʊgɔ bǝn gwamɨ.