Roma 3:27 - Dadiya NT

²⁷ Maatǝm lɨyal bǝnɔ n fee? Mɨ wo! N gola diil won? N gola diil maatǝm maajɨ nyan ka? Ɔ ɔ! N gola diil nɨ bɛ lɛ nǝn nǝtǝm bɨlǝngkɛlɨ.

Roma 3:27 ပူးပေါင်းရင်းမြစ်များ

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Yohana 3:36

Nʊ nɨ a nǝ bɨlǝngkɛl a daa Bʊla Kwaamaɨ woi, a nya kʊlɨ nɨ mɨ dɨtǝm woi. Nʊ nɨ a kɔ Bʊla Kwaamaɨ, mɨ nǝn kʊlɨ, nabwɨl Kwaamaɨ gǝ na a dul gǝn.”

Roma 10:5

Musa a mʊla mʊlaɨ a kɛl dul nyatǝm yɨm dǝngdǝng nɨ jǝ nya lɛ a gola bwangtǝm diili gɔ, “Nʊ nɨ a bwangtǝn diil nɨɨ, bʊʊ a gola diil.”

Roma 11:6

Na Kwaama a jǝgǝm ji a kɛl lǝmaɨ, a jǝg ji bɔ a kɛl maajɨ nyantɨn. Na mɨ nyɨɨ, lǝmagɔ ke bɔ lǝma tag.

Roma 2:17

Na ń sʊwa mɔʊ, mʊ bwɛ Yahudaɨ, na mʊ ya nǝl a diili, mʊ maa lɨyal lɛ nǝn Kwaamaɨ,

Roma 2:23

Mʊ nɨ mʊ maa lɨyal lɛ nǝn diili, ke bɔ sogan mʊ maa Kwaama gǝm lɛɨ ka, na ń kǝl diilii?

Roma 3:19

Bǝ kwɛl bǝ nyǝm nyǝmɨ jʊ nɨ gwam diilɔ a sʊwaɨ, gɔ a yɔ nǝn nǝb nɨ a mʊgɔ gǝnɨ, jʊ a bwɨɨ sǝ a tɨ nǝn tabatǝm fɨɨ nǝbɨɨ, sǝ yooli nɨ gwam a nyǝm jǝ na a mʊgɔ borang Kwaamaɨ.

Roma 3:26

Kwaama a maa nyɔ sǝ a nʊng dǝngdǝng gǝnɔ a kwama nɨ, gǝ nǝn dul gǝn n nǝ dǝngdǝng, nʊ nɨ a dǝg ji ja yǝlam dǝngdǝng a nǝtǝm bɨlǝngkɛl a daa Yesu woi.

Roma 4:2

Na na Ibrahim a yǝlam nǝ dǝngdǝng a makajǝng gǝnɔ gǝmɨ, na nǝngǝn nǝn jʊ nɨ maam lɨyal lɛɨ, ke bɔ a kǝga Kwaamaɨ.

Roma 7:21

N kuwo, a yǝlam mɨ diil, na n swɨ maatǝm jǝ nyaɨ, jǝ bwɨlagɔ yǝm jǝbɔ mǝ.

Roma 7:23

N kuwo kaa diil maa maajɨ lɛ a jinʌn bʊtɔ mɨ, wʊnɨ ta kun nɛ jǝbɔ diil nɨ a bʊʊlalɨ mɨɨ, a dǝg ɨ a lɔsomii, diil bwɨlangkɛlɔ, wʊnɨ yǝm a jinʌn mɨɨ.

Roma 7:25

Buutǝm kangɔ na a Kwaamaɨ a gola Yesu Kiristii, Tɛlalɔ bǝn! Mǝ nǝn dul mɨ, a bʊʊlalɨ mɨ n jwaalɛn mǝ maa lɛ a diil Kwaamaɨ. A bʊtɔ mɨ n jwaalɛn mǝ maa lɛ a diil bwɨlangkɛlɨ.

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

Roma 9:11

Nǝn kwama a lǝga bɔ a bʌ bɛtɨ yo nɨɨ, nǝn kwama ja lǝga bɔ ja maa jʊ nɨ a bʊmɨ jǝbɔ jʊ nɨ a bʊm bɨɨ, Kwaama a sʊwa gǝn gɔ, “Bwɛ dʊʊnɔ nǝ nǝ bwɛ dwalɨgɔ dʊʊn.” Kwaama a sʊwa nyɔ sǝ a nʊng nʊ nɨ gǝ jǝgǝmɨ, a jǝg gǝn a gola jǝlatǝm gǝn, ke bɔ a dul makajǝng nyantɨn, n jotǝm gǝn.

Roma 9:31

Nǝbɔ Israilaɨ a sɨn saatǝm gola dǝngdǝng Kwaamaɨ a bwangtǝm diili, n wɔ ja nya bɔ.

Roma 9:32

N wɛ a bɛ nǝn nyɨɨ? Jʊ a bwɨɨ ja saa bɔ dǝngdǝng nɨ a gola nǝtǝm bɨlǝngkɛl, n saatǝm a gola makajǝng nyatǝm jin. Nǝngɔ ja fǝ naa nǝn tɛl nɨ gǝ dǝg fǝtǝm naa lɛɨ.

1 Korinti 4:7

Nuwo a sʊwa ń gɔ ń laa kaamɨ? N wɛ mʊ nǝn, wʊnɨ ke bɔ Kwaama a nǝ ńɨ? Na n yotǝm mʊ yoi, n wɛ a bwɨ mʊ maam lɨyal lɛ maamɔ mʊ yo bɔ yoi?

Galatiya 2:16

Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

Galatiya 3:22

Mʊlalɨ kɛl Kwaamaɨ a sʊwa gɔ yooligɔ gwam gǝ na a mʊgɔ bwɨlangkɛl. N wɛ a bwɨɨ? Sǝ swatǝm yaa nɨ Kwaama a maa a dul nǝtǝm bɨlǝngkɛl a daa Yesu Kiristi woi, a bɛ nǝb nɨ gǝm a nǝ bɨlǝngkɛlɨ.